Ejra 4:4 - Sră Goh 2018

⁴ Gen ală làng bol tòm lơgar lơh làng bol Juda in gơplơ̆ nùs mơ lơh bol khai in rngòt tòm bơta bơt bơtào.

Ejra 4:4 Mawu Ofanana

II Samuel 4:1

Tòm tŭ Isbôset kòn klau Sol dê kơno la Apner neh chơt tòm Hebrôn, gen khai gơdô nùs mơ jơh Israel rngòt rngơt ngan.

Ejra 3:3

Bol khai ơn cơnòng duh khoai hơđang mơnàng gơ dê, tài bơh bol khai rngòt di ală làng bol ơm gùt dar, mơ ơn ală phan ơn duh khoai chu pơrguc hơđang hơ̆ Yàng Jehôwa in, tòm àng drim mơ tòm mho.

Ejra 4:5

Bol khai loă ală cau kwang nàng lơh gơprah broă bol khai dê, tòm jơh rài at bồ bơtau Sirus bơtau Persia dê jơl tus di rài Darius bơtau Persia dê.

Nehemi 4:11

Ală cau sò tơm bol hi đơs lah: “Bol khai rơp ò git mơ ò gŏ bơta lơi lài mơ tŭ bol he tus hơđang bol khai, mơ tơnchơt bol khai gen broă lơh rơp dơh wơl.”

Nehemi 4:2

Mơ đơs di đap ală cau lơh gơs dô mpồl bal mơ khai mơ di đap mpồl ling Samari dê lah: “Ñchi ală cau Juda òsô ò soàn hơ̆ ơm lơh taih? Bol khai rơp bơt wơl ală bơta sơl ơ? Bol khai rơp ơn phan duh khoai ơ? Bol khai rơp lơh sir tòm dô ngai ơ? Bol khai rơp ai ală lŭ gam wơl tòm gơnru thul ơmul hơ̆ mơ ai dô nơm lŭ neh ồs sa hơ̆ nàng lơh ơ?”

Nehemi 6:9

Tài bơh bol khai kòñ tơrngòt bol hi mơ kơlôi lah: “Bol khai rơp ò lơh broă tai mơ broă hơ̆ rơp ò lơh sir.” Mơya tŭ do, Ơ Yàng Tom Trồ, dan lơh tê añ jê pràn kơldang!

Jeremi 38:4

Ală kwang at bồ yal mơ bơtau lah: “Dan sồr tơnchơt tĕ cau do, bơh khai đơs ală jơnau behơ̆, lơh tê ală cau ling tòmlơh ơm wơl tòm ƀòn mơ jơh ală làng bol gơlik lơbơn lơño; bơh cau do ò jòi bơta dong kòl làng bol mơya jòi bơta roh gơprah.”

Daniel 10:13

Mơya bơtau at bồ lơgar Persia neh kơryan añ tòm bàr jơt dùl ngai; gen Mikael la dô nă tòm ală kwang dờng at bồ, neh lòt tus nàng dong kòl añ tài bơh añ kòl kơryan tềng hơ̆ bơh bơtau Persia.

Daniel 10:20

Gen cau hơ̆ đơs mơ añ lah: “Mê git ñchi bơh tài añ lòt tus hơ mê taih? Tŭ do añ pal rê wơl nàng tòmlơh mơ bơtau at bồ lơgar Persia, mơ tŭ añ lòt tus hơ khai, ne, bơtau Grek rơp tus.