Ejra 4:3 - Sră Goh 2018

³ Mơya Jerubabel, Jesua mơ ală cau gam wơl at bồ ală hìu nhă Israel dê đơs mơ bol hơ̆ lah: “Bol mê ò gơs pơnah lơi bal mơ bol hi tòm bơta bơt bơtào dô nơm hìu duh khoai Yàng Tom Trồ bol hi dê. Mìng bol hi lơm rơp bơt bơtào hìu hơ̆ Jehôwa Yàng Tom Trồ Israel dê, jat be Sirus bơtau Persia neh ai gơnoar sồr bol hi.”

Ejra 4:3 Mawu Ofanana

II Yal Yau 36:22

Tòm nam sơnròp Sirus bơtau Persia dê, nàng lơh gơlik gơs di ngan be jơnau Yàng Jehôwa neh đơs bơh bơr Jeremi, Yàng Jehôwa chồl hwềng nùs Sirus bơtau Persia, gen tàng khai neh pơyoa dô jơnau yal tơlik gơnoar sồr làm jơh lơgar in lah:

Ejra 1:1

Tòm nam sơnròp rài Sirus bơtau Persia, nàng jơnau Yàng Jehôwa dê kơnòm bơh bơr Jeremi pal gơlik di ngan. Kơnràñ chồl nùs Sirus bơtau Persia, gen tàng khai tơlik dô gơnoar sồr tòm làm jơh lơgar khai dê, mơ kung cih jơnau yal tơnggit lah:

Ejra 1:2

“Do la jơnau đơs bơtau Sirus lơgar Persia dê: ‘Yàng Jehôwa la Yàng Tom Trồ ală tap trồ dê neh ai añ in jơh ală lơgar tòm plai ù, mơ Kơnràñ neh jào broă añ in nàng bơt dô nơm hìu duh khoai Kơnràñ in tòm Jerusalem lơgar Juda.

Ejra 1:3

Dan Yàng Tom Trồ ơm bal mơ bol mê la làng bol Kơnràñ dê. Rê wơl tĕ hơ Jerusalem tòm Juda nàng bơt bơtào wơl hìu duh khoai Jehôwa Yàng Tom Trồ Israel dê, la Yàng Tom Trồ ơm tòm Jerusalem.

Ejra 3:8

Tòm kơnhai dơ̆ bàr tơnơ̆ mơ tŭ bol khai tus hơ hìu duh khoai Yàng Tom Trồ dê tòm Jerusalem, tòm nam dơ̆ bàr gen Jerubabel kòn klau Sealthiel, mơ Jesua kòn klau Jôjadak, neh sơntòm bơt, bal mơ ală cau gam wơl tòm làng bol bol khai dê, ală cau gơnoar ơn phan duh khoai, ală cau Lebi bal mơ jơh ală cau neh rê wơl hơ Jerusalem bơh di tiah neh gơkòl kup cèng. Bol khai pồ bơtào ală cau Lebi gơs bàr jơt nam mơ rlau, tòm broă sền gàr tòm broă bơt bơtào hìu Yàng Jehôwa dê.

Nehemi 2:20

Gen añ ho bol khai lah: “Yàng Tom Trồ hơđang trồ la Bơtau rơp ai bol hi in gơlik cồng nha, mơ bol hi la cau duh broă Kơnràñ dê neh lòt nàng sơntòm bơt wơl. Mơya bol mê ò gơs pơnah lơi, gơnoar lơi, hala bơta yal yau lơi di ngan tòm Jerusalem.”

Esai 44:28

đơs bơh Sirus lah: ‘Khai la cau ê belàt Añ jê; mơ rơp lơh gơlik gơs jơh ală bơta Añ niam nùs;’ Kơnràñ rơp đơs bơh Jerusalem lah: ‘Lòi gơ rơp geh bơt bơtào wơl,’ mơ đơs bơh hìu duh khoai lah: ‘Mơnàng mê dê rơp geh bơt.’”

Esai 45:4

Tài bơh Jakôp, cau duh broă Añ jê, mơ tài bơh Israel, cau sac rwah Añ jê, Añ hòi mê mơ sơnđan mê dê, mơ ai mê in dô nơm sơnđan ryŭ ryơm bulah mê ò git Añ.

Mathiơ 10:16

“Do Añ sồr bol mê lòt kung ò gơkrơi be belàt digùl mpồl so rhau. Behơ̆ chài rgơi tĕ be bơs, mơ lơbơn niam tĕ be sềm ntòp.

Jang 4:9

Cau ùr Samari đơs lah: “Mbe Ồng la cau Juda mơ dan hùc dà mơ añ la dô nă cau ùr Samari taih?” (Bơh làng bol Juda ò gơtòmsòr bal mơ làng bol Samari.)

Broă 8:21

Mê ò gơs pơnah lơi hala tòmpà bal tòm broă do, tài bơh nùs mê ò song di đap Yàng Tom Trồ.