Ejra 4:2 - Sră Goh 2018

² gen bol khai tus hơ Jerubabel mơ hơ ală cau bồ ală hìu nhă mơ đơs lah: “Lòi bol hi dong kòl bơt bơtào bal mơ ală ồng, tài bơh bol hi duh khoai Yàng Tom Trồ ală ồng dê kung be ală ồng mơ bol hi neh ơn phan duh khoai Kơnràñ in bơh di tŭ Esarhatdôn bơtau Asiri neh cèng bol hi tus ơm tềng do.”

Ejra 4:2 Mawu Ofanana

Sơnròp Gơlik Gơs 10:11

Bơh lơgar hơ̆ khai lòt tus hơ lơgar Asiri, gen bơt bơtào Ninibe, Rehôbôt Hir, Kalah,

II Ală Bơtau 17:24

Bơtau Asiri cèng làng bol bơh Babilôn, Kutha, Abba, Hamat mơ Sepharbaim, mơ ơn ală làng bol hơ̆ tòm ală ƀòn dờng Samari ala cau Israel. Bol khai tòmpìt ai lơgar Samari, mơ ơm tòm ală ƀòn dờng hơ̆.

II Ală Bơtau 17:41

Behơ̆, ală làng bol hơ̆ duh khoai Yàng Jehôwa mơ kung duh broă ală rùp ràk pac sềr bol khai dê; tus di ngai do kòn sau bol khai dê, mơ kòn sau kòn sau bol khai dê kư̆ gam lơh be ồng pàng bol khai dê neh lơh.

II Ală Bơtau 19:37

Dô ngai ne, khai duh khoai tòm bơmồng Nisrok, yàng khai dê, gen bàr nă kòn klau khai dê la Adrammelek mơ Sarejer tơnchơt khai mơ đào; gen bol khai dô tòm lơgar Ararat. Esarhatdôn, kòn klau ndai khai dê, pơrdòn sơbàn khai dê.

Ejra 1:5

Gen ală cau at bồ hìu nhă tòm Juda mơ tòm Benjamin, ală cau gơnoar ơn phan duh khoai mơ ală cau Lebi, jơh tơl nă geh Yàng Tom Trồ chồl nùs rcang sir nàng lòt tus bơt bơtào hìu Yàng Jehôwa dê tòm Jerusalem.

Ejra 2:2

Bol khai lòt bal mơ Jerubabel, Jesua, Nehemi, Seraya, Reelayah, Mordike, Bilsan, Mispar, Bikbai, Rehum mơ Baanah. Ntum khà ală làng bol Israel dê:

Ejra 3:12

Mơya oă cau gơnoar ơn phan duh khoai, ală cau Lebi mơ ală cau at bồ ală hìu nhă, ală cau kra la ală cau neh gŏ hìu duh khoai yau, neh geh bơt hơđang mơnàng gơ dê; bol khai ñìm nggà dờng tòm tŭ bol khai neh gŏ hìu do, bulah behơ̆ oă jơnau driau dờng bơh bơta hòn chò ngan,

Ejra 3:2

Gen Jesua kòn klau Jôjadak bal mơ ală cau gơnoar ơn phan duh khoai khai dê mơ Jerubabel kòn klau Sealthiel mơ ală oh mi khai dê lik nàng bơt cơnòng duh khoai Yàng Tom Trồ Israel dê, nàng ơn phan duh khoai chu pơrguc hơđang hơ̆, jat be neh cih tòm bơta boh lam Môise cau Yàng Tom Trồ dê.

Nehemi 9:32

Behơ̆ tŭ do, Ơ Yàng Tom Trồ bol hi dê, la Yàng Tom Trồ dờng ngan, gơnap gơnoar, mơ pal rngòt, Bơtau lơh jat bơta ho bal kòñ gơboh, dan Kơnràñ bañ sền nggòc ală bơta jê sồt bòl glar neh tus hơ bol hi, hơđang ală cau bơtau mơ ală kwang bàng, hơ ală cau gơnoar ơn phan duh khoai mơ ală cau gơnoar hwơr, hơ ală mò pàng bol hi, mơ jơh làng bol Kơnràñ dê, bơh rài ală bơtau Asiri tus tŭ do.

Đơs Crih 73:8

Bol khai dơñŏ tơnhial, đơs jơnau iơh bơsak; Bol khai pơnhừ să mơ đơs pơhìn rồn bơklơn;

Esai 37:37

Behơ̆ Sennacerip, bơtau Asiri lòi tiah hơ̆ mơ rê hìu mơ ơm tòm Ninibe.

Esai 37:38

Tòm tŭ khai ơm duh khoai tòm bơmồng Nisrok yàng khai dê, ală kòn klau khai dê la Adrammelek mơ Sarejer tơnchơt khai mơ đào, mơ bol khai dô pleh tòm lơgar Ararat. Gen kòn klau khai dê la Esarhadôn pơrdòn sơbàn khai.

Sră Ôse 14:3

Asiri ò rgơi dong klàs bol hi; bol hi rơp ò hào ơseh tòmlơh. Bol hi rơp ò tŭ lơi đơs mơ phan bơh tê bol hi lơh gơs lah: Yàng Tom Trồ bol hi dê, bơh tòm Kơnràñ cau kòn đòi jòi bàn bơta kòñ nđàc.”

Galati 2:4

Bol hi neh lơh behơ̆ la tài bơh ală cau ma blac ne mut òm tòm mpồl bol hi, nàng sền òm bơta khat gơboh bol hi geh tòm Yàng Krist Jesu, bol khai kòñ kup bol hi nàng lơh dĭ.

II Timôthe 3:8

Bơh yau òr Jannes mơ Jamber tòmdră mơ Môise be lơi, gen ală cau do kung tòmdră mơ jơnau song behơ̆ sơl; nùs kơlôi bol khai dê ƀơ̆ iơh, bơta dòn bol khai dê ò kwơ.