Ejra 3:5 - Sră Goh 2018

⁵ Tơnơ̆ mơ hơ̆, bol khai ơn ală phan ơn duh khoai chu pơrguc jat be òs, ală phan ơn duh khoai ngai wèr kơnhai dùl lik mơ ală phan ơn tòm jơh ală ngai wèr sàng goh neh lơh nền Yàng Jehôwa dê, bal mơ ală phan ơn duh khoai kòp nă cau jat nùs kòñ ơn Yàng Jehôwa in.

Ejra 3:5 Mawu Ofanana

II Yal Yau 31:14

Kôre kòn klau Imma cau Lebi, la cau kơp gàr Mpồng Dờng đah mattơngai lik, gơs broă tòm sền gàr ală phan jat nùs cau kòñ ơn Yàng Tom Trồ in, tòmpà ală phan neh ơn Yàng Jehôwa in bal mơ ală phan ơn is sàng goh rlau jơh.

Ejra 3:6

Bơh ngai dùl kơnhai dơ̆ poh, bol khai rơp sơntòm ơn phan ơn duh khoai chu pơrguc Yàng Jehôwa in. Mơya mơnàng hìu duh khoai Yàng Jehôwa dê òhềt geh bơt.

Nehemi 10:34

Bol hi kung tă khà digùl ală cau gơnoar ơn phan duh khoai, ală cau Lebi, mơ làng bol, bơh lòng sing nàng ơn phan duh khoai, nàng cèng gơtơmut tòm hìu Yàng Tom Trồ bol he dê, bơh ală hìu nhă jơi bơtiàn, jat tŭ tơngai neh lơh nền, kòp nam, nàng sing hơđang cơnòng duh khoai Yàng Jehôwa la Yàng Tom Trồ bol he dê, be neh cih tòm bơta boh lam.

Jeremi 33:18

ală cau gơnoar ơn phan duh khoai, hơ̆ la cau Lebi, rơp kung ò siơ̆u dô nă cau di đap Añ nàng ơn phan ơn chu, phan ơn mơ kòi mbo, mơ ơn phan pơdơng kòp ngai.’”

Lebi 1:2

“Đơs tĕ mơ cau Israel lah: ‘Tòm tŭ cau lơi tòm bol mê cèng ơn dô nơm phan ơn duh khoai Yàng Jehôwa in gen cèng tĕ dô nơm phan poan jơng bơh tòm mpồl kơnrồ hala mpồl belàt.

Lebi 1:3

Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.

Lebi 23:2

“Yal tĕ cau Israel in mơ đơs tĕ mơ bol khai lah: ‘Do la ală ngai wèr neh bơtào gơs Yàng Jehôwa dê, mơ mê pal yal tơnggit be ală bơta pơjum sàng goh.

Khà Làng Bol 28:14

Bal mơ kòp nơm kơnrồ dam gen pal ơn dô nơm phan ơn pơdơng duh khoai gơs nggùl hin tơrnòm ño; bal mơ belàt dam, dô pơnah pe hin; mơ bal mơ kòp nơm belàt kòn dô pơnah poan hin dê. Hơ̆ la phan ơn duh khoai chu pơrguc kòp kơnhai ơn tòm kòp ngai dùl lik tòm nam.

Khà Làng Bol 28:19

Ơn tĕ Yàng Jehôwa in dô nơm phan duh khoai chu tòm ồs, dô nơm phan ơn chu pơrguc mơ bàr nơm kơnrồ dam gam dềt, dô nơm belàt dam dờng mơ poh nơm belàt dam dô nam, jơh ală bol gơ pal ò gơs tềl sồt.

Khà Làng Bol 28:27

Ơn tĕ dô nơm phan ơn duh khoai chu pơrguc mơ bàr nơm kơnrồ gam dềt, dô nơm belàt dam dờng mơ poh nơm belàt dam dô nam lơh gơs ƀô bơlhu niam nùs Yàng Jehôwa.

Khà Làng Bol 29:13

Ơn tĕ dô nơm phan ơn duh khoai chu tòm ồs lơh gơs ƀô bơlhô niam nùs Yàng Jehôwa in, dô nơm phan ơn duh khoai chu pơrguc mơ jơt pe nơm kơnrồ dam gam dềt bàr nơm belàt dam dờng mơ jơt poan nơm belàt dam dô nam mơ ò gơs tềl sồt.

Khà Làng Bol 29:2

Ơn tĕ Yàng Jehôwa in phan ơn duh khoai gơs ƀô bơlhu niam nùs Kơnràñ gen rcang tĕ dô nơm phan ơn duh khoai chu pơrguc mơ dô nơm kơnrồ gam dềt, dô nơm belàt dam mơ poh nơm belàt kòn gơs dô nam, jơh ală bol gơ pal ò gơs tềl sồt.

Khà Làng Bol 29:39

Bơtơl tĕ hơđang jơnau bol mê neh srat să ho nền, mơ ală phan ơn jat nùs kòñ bol mê dê gen rcang tĕ ală bơta do Yàng Jehôwa in tòm ală bơta pơjum sa neh bơtào gơs: ală phan ơn chu pơrguc, ală phan ơn mơ kòi mbo, ală phan ơn pơdơng hùc mơ ală phan ơn ring lơngai.”

Khà Làng Bol 29:8

Ơn tĕ gơs ƀô bơlhu niam nùs Yàng Jehôwa in dô nơm phan ơn duh khoai chu pơrguc mơ dô nơm kơnrồ dam gam dềt, dô nơm belàt dam mơ poh nơm belàt dam gơs dô nam, jơh ală phan hơ̆ pal ò gơs sồt rmàñ.

Yal Wơl 12:17

Bol mê ò di sa tòm ală ƀòn tòm bol mê dê ală phan ơn pơnah jơt bơh kòi mbo bol mê dê, tơrnòm pa mơ mơñà, hala kòn tơnhoa mpồl kơnrồ mơ belàt bol mê dê, hala phan lơi mơ bol mê neh ho ơn, hala ală phan ơn jat nùs kòñ hala ală phan ơn ndai,

Yal Wơl 12:6

tềng hơ̆ bol mê cèng ală phan ơn chu pơrguc mơ ală phan ơn duh khoai, ală pơnah jơt mơ ală phan ơn ndai, bơta bol mê neh ho ơn mơ ală phan ơn jat nùs kòñ mơ kòn tơnhoa tòm ală mpồl kơnrồ mơ ală mpồl belàt bol mê dê.