Ejra 3:1 - Sră Goh 2018

¹ Tòm tŭ tus kơnhai poh mơ làng bol Israel neh ơm nền tòm ală ƀòn, bol khai pơjum bal tòm Jerusalem.

Ejra 3:1 Mawu Ofanana

Nehemi 7:72

Mơ làng bol gam wơl gen ơn bàr jơt rbô darik màh, bàr rbô mina priă mơ prau jơt poh nơm ào cau gơnoar ơn phan duh khoai.

Nehemi 7:73

Behơ̆ ală cau gơnoar ơn phan duh khoai, ală cau Lebi, ală cau sền gàr mpồng, ală cau đơs chò, ƀà làng bol, ală cau duh broă hìu duh khoai dê, mơ jơh làng bol Israel ơm tòm ală ƀòn tòm bol khai dê. Ejra sền bơta boh lam làng bol in mơ bơtào wơl bơta ho bal. Tòm tŭ kơnhai poh neh tus gen làng bol Israel ơm tòm ală ƀòn tòm bol khai dê.

Nehemi 8:1

Gen bol khai pơjum bal be dô nă tòm ƀlàng dờng di đap Mpồng Dà. Bol khai sồr Ejra cau bơto bơta boh lam cèng sră boh lam Môise dê mơ Yàng Jehôwa neh ai làng bol Israel in.

Nehemi 8:14

Bol khai bàn jơnau neh cih tòm bơta boh lam, mơ Yàng Jehôwa neh sồr Môise, la làng bol Israel pal ơm tòm ală sàl tòm tŭ sa bơta ñô sa tòm kơnhai poh,

Lebi 16:29

Do la dô bơta sồr lam gam sùm sùm bol mê in: Tòm ngai jơt kơnhai poh bol mê pal ơt sa mơ bañ lơh dô nơm broă lơi, bulah la cau deh tòm lơgar hala cau làng bơdìh ơm digùl bol mê,

Lebi 23:24

“Đơs tĕ mơ cau Israel lah: ‘Tòm ngai sơnròp kơnhai poh bol mê pal gơs dô ngai rlô, dô ngai pơjum uh kơlwòk lòi kirsơnre sàng goh.

Sôphôni 3:9

Tòm tŭ hơ̆, Añ rơp tòmgơl jơnau đơs ală làng bol in, gơlik gơs jơnau đơs sàng goh, tồ jơh ală bol khai rơp hòi dan di sơnđan Yàng Jehôwa, mơ dô bă bal duh broă Kơnràñ.

Broă 2:46

Kòp ngai bol khai ngac ngar mơ kơ̆ nùs pơjum sùm tòm hìu duh khoai; bơh hìu do tus hìu ne, bol khai dơrkă piang lă, mơ sào bal dô bă chò hòp mơ nùs song ngan,

Broă 4:32

Tŭ hơ̆, mpồl cau dòn gơs dô nùs nhơm dô bơta kơlôi sơnơng. Ò gơs cau lơi kòp phan he la phan is, mơya tòmpà ală phan he gơs cau ndai in.

I Kôrintô 1:10

Ơ oh mi, tŭ do añ rac dan mơ oh mi, bơh tòm sơnđan Yàng Jesu Krist bol he dê, añ dan jơh ală oh mi gơs tĕ dô bă bal tòm jơnau đơs, mơ digùl oh mi kung bañ gơs bơta cah is mpồl, mơya oh mi pal gơtòmklac bal tòm dô nơm nùs kơlôi mơ dô tơnggume lơh nền.

Yal Wơl 16:16

Kòp nam pe dơ̆, jơh ală cau klau bol mê dê pal gơs mat di đap Jehôwa Yàng Tom Trồ bol mê dê di tiah Kơnràñ rơp sac rwah; di ngai pơjum sa Piang Lă Ò Gơs Kañ, ngai pơjum sa Ală Poh mơ ngai pơjum sa Sàl Ing. Bañ gơs cau lơi tus di đap Yàng Jehôwa mơ mpàng tê gòi.

Ală Kwang Cahrña 20:1

Gen jơh làng bol Israel lik lòt bơh Dan tus hơ Beerseba, bal mơ ù tiah Galaat, mpồl làng bol pơjum bal be dô nă di đap Yàng Jehôwa tòm Mispa.