Ejra 10:8 - Sră Goh 2018

⁸ Mơ dilah cau lơi ò bài tus tòm pe ngai, jat gơnoar sồr ală cau kwang mơ ală cau kwang kra dê, gen jơh ală phan mơna sre brê khai dê rơp kong tă bơh di khai mơ să tòm cau hơ̆ rơp kong bơtrơh tơlik bơh di mpồl ală cau kong kup cèng.

Ejra 10:8 Mawu Ofanana

Ejra 10:7

Bol khai yal dô jơnau tơnggit làm jơh Juda mơ Jerusalem sồr jơh ală cau neh kong kup cèng pal tus pơjum tòm Jerusalem.

Ejra 10:9

Gen jơh làng bol Juda mơ cau Benjamin neh pơjum bal tòm Jerusalem tòm pe ngai; hơ̆ la tòm ngai bàr jơt, kơnhai dơ̆ sin; gen jơh làng bol neh nggui tòm ƀlàng dờng di đap hìu Yàng Tom Trồ dê, rngòt rơm să tài bơh bơta neh gơlik gơs hơ̆ mơ trồ mìu.

Ejra 7:26

Cau ò dòn bơr lơh jat bơta boh lam Yàng Tom Trồ mê dê mơ bơta boh lam cau bơtau dê gen pal lơh glài kràñ cê hơđang bol khai, bulah bơh bơta tơnchơt, tơnroh, tă ai jơh phan jơtài, hala kup jàm.”

Nehemi 13:28

Gơs dô nă tòm ală kòn klau Jôyada dê, sau Eliasip, cau gơnoar lam bồ ơn phan duh khoai, la bơrtơu Sanbalat cau Hôrôn dê. Tài bơh hơ̆ añ neh bơtrơh khai ngài bơh di añ.

Nehemi 13:3

Tòm tŭ làng bol neh kơno bơta boh lam rau, gen bol khai cah is ală cau bơdìh bơh làng bol Israel.

Lebi 27:28

Mơya, ò gơs phan lơi mơ dô nă cau neh ơn Yàng Jehôwa in, bulah la kòn mơnus hala phan poan jơng hala ù tiah hìu nhă dê rgơi tac hala tơwài wơl; jơh ală phan neh ơn rau la sàng goh rlau jơh Yàng Jehôwa in.

Mathiơ 18:17

Ai dilah cau hơ̆ ò bài iat bol khai, gen yal tĕ mơ Hìu Jum Goh; dilah khai kung ò bài iat Hìu Jum Goh, gen sền tĕ khai kung be cau bơdìh mơ cau dar dia.”

Jang 16:2

Bol khai rơp bơtrơh tơlik bol mê bơh di hìu jum; mơ rơp tus di tŭ, dơ̆ cau lơi tơnchơt bol mê, gen tồnlah duh broă Yàng Tom Trồ.

Jang 9:22

Mè bèp cau jơngo đơs behơ̆ tài bơh rngòt di cau Juda: bơh cau Juda neh ho lah cau lơi yal tơlik Yàng Jesu la Bơtau Krist, gen pal kong bơtrơh tơlik bơh di hìu jơnum.

Jang 9:34

Bol khai ho lah: “Jơh să jan mê deh tòm tồi glài, mơ kòñ bơto bol hi ơ?” Gen bol khai bơtrơh tơlik khai di tiah.

I Kôrintô 5:13

Be Sră Goh cih lah: “Tă sang tĕ cau iơh bơsak bơh digùl oh mi.”

Jôsue 6:19

Mơya jơh ală priă, màh mơ jơh ală phan ngui lơh mơ kòng mơ lòs rơp ơn is lơh gơs sàng goh Yàng Jehôwa in, mơ tơmut jơh phan hơ̆ tòm đam jàr Yàng Jehôwa dê.”

Ală Kwang Cahrña 21:5

Gen cau Israel lùp lah: “Ñcau tòm jơh ală jơi bơtiàn Israel dê ò tus pơjum di đap Yàng Jehôwa taih?” Bơh neh gơs jơnau srat să kràñ cê ngan gơwèt mơ cau lơi ò tus pơjum di đap Yàng Jehôwa tòm Mispa lah: “Cau hơ̆ pal kong tơnchơt.”

I Samuel 11:7

Khai kup dô yô kơnrồ mơ koh bol gơ gơs oă pet, lồc behơ̆ sồr ală cau kong sồr cèng ală pet poac kơnrồ hơ̆ tòm làm Israel mơ đơs lah: “Cau lơi ò lik lòt jat Sol mơ Samuel, gen ală kơnrồ khai dê rơp gơkòl koh behơ̆.” Gen Yàng Jehôwa lơh bơta rngòt rngơt dùh hơđang làng bol, mơ bol khai lik lòt kung be dô nă cau.