Ejra 10:3 - Sră Goh 2018

³ Behơ̆ tŭ do, lòi tĕ bol hi bơtào dô bơta ho bal mơ Yàng Tom Trồ bol hi dê, nàng sang jơh ală bau ùr hơ̆ bal mơ ală kòn bol khai dê, jat be jơnau bơyai cau tòm bol hi mơ ală cau rơm să rngòt di bơta sồr lam Yàng Tom Trồ bol he dê. Lơh tĕ bơta hơ̆ jat be bơta boh lam.

Ejra 10:3 Mawu Ofanana

II Ală Bơtau 11:17

Jehôyada bơtào bơta ho bal digùl Yàng Jehôwa mơ bơtau mơ làng bol, bol khai la làng bol Yàng Jehôwa dê; mơ kung bơtào bơta ho bal digùl bơtau mơ làng bol.

II Yal Yau 29:10

Tŭ do, hơ̆ la bơh tòm nùs añ jê, kòñ bơtào dô bơta ho bal mơ Jehôwa Yàng Tom Trồ Israel dê, nàng bơta gơjrañ dờng Kơnràñ dê pleh ngài bơh bol he.

II Yal Yau 30:12

Tòm Juda, tê Yàng Jehôwa kung ơm hơđang làng bol mơ ai bol khai in bơta lơh gơs dô bă bal nàng lơh gơlik gơs jat be cau bơtau mơ ală cau kwang bơtau dê neh sồr jat be jơnau Yàng Jehôwa dê.

II Yal Yau 34:21

“Lòt tĕ hòi lùp Yàng Jehôwa añ in mơ làng bol gam wơl tòm Israel mơ Juda in bơh jơnau neh cih tòm dap sră neh jòi bàn do. Bơta gơjrañ dờng Yàng Jehôwa dê rơp dùh hơđang bol he tài bơh ală ồng pàng bol he dê ò prap gàr jơnau Yàng Jehôwa dê, bol khai ò lơh jat tòm toh be jơh ală jơnau neh cih tòm dap sră do.”

II Yal Yau 34:27

‘Tài bơh nùs mê neh rcang sir nàng lơh jat mơ mê neh tơnliah să tòm mê di đap Yàng Tom Trồ tòm tŭ mê neh kơno ală jơnau Kơnràñ neh đơs tòmdră mơ tiah do mơ làng bol gơ dê, mơ tài bơh mê neh tơnliah să tòm mê di đap Añ mơ neh crè ào jrùh mê dê mơ ñìm di đap mat Añ, Añ neh kơno jơnau mê dê, Yàng Jehôwa đơs behơ̆.

Ejra 10:11

Tŭ do yal glài tĕ di đap Yàng Jehôwa la Yàng Tom Trồ ală ồng pàng bol mê dê, mơ lơh jat tĕ nùs kòñ Kơnràñ dê. Cah is tĕ să tòm bol mê bơh di ală làng bol ơm gùt dar bol mê mơ bơh di ală bau ùr làng bol bơdìh bol mê dê.”

Ejra 10:44

Jơh ală cau hơ̆ neh bau mơ cau ùr làng bơdìh, mơ bol khai sang ală bau ùr hơ̆ bal mơ ală kòn bol khai dê.

Ejra 10:9

Gen jơh làng bol Juda mơ cau Benjamin neh pơjum bal tòm Jerusalem tòm pe ngai; hơ̆ la tòm ngai bàr jơt, kơnhai dơ̆ sin; gen jơh làng bol neh nggui tòm ƀlàng dờng di đap hìu Yàng Tom Trồ dê, rngòt rơm să tài bơh bơta neh gơlik gơs hơ̆ mơ trồ mìu.

Ejra 9:4

Gen jơh ală cau rơm să rngòt di ală jơnau Yàng Tom Trồ Israel dê, tài bơh bơta ò dòn song ală cau rê bơh di tiah kong kup cèng, pơjum gùt dar añ tòm tŭ añ ơm nggui rngòt rngơt jơl tus di tŭ ơn phan duh khoai mho.

Nehemi 10:1

Do la sơnđan ală cau neh tap ƀang kì tòm bơta ho bal hơ̆: Nehemi kwang at bồ lơgar, la kòn klau Hakalia dê mơ Jedekia.

Nehemi 8:14

Bol khai bàn jơnau neh cih tòm bơta boh lam, mơ Yàng Jehôwa neh sồr Môise, la làng bol Israel pal ơm tòm ală sàl tòm tŭ sa bơta ñô sa tòm kơnhai poh,

Nehemi 9:38

Tài bơh jơh ală bơta do, bol hi bơtào dô bơta ho bal kơ̆ ngan, mơ bol hi cih gơ; ală kwang bàng, ală cau Lebi, mơ ală cau gơnoar ơn phan duh khoai bol hi dê tap ƀang kì di gơ.

Đơs Crih 119:120

Poac să añ rơm rngòt di Yàng, Kung rngòt di bơta cahrña Yàng dê sơl.

Đơs Crih 119:59

Tòm tŭ añ kơlôi sơnơng bơh ală gùng dà Yàng dê, Gen añ cơnđòa lòt jat jơnau sồr kràñ cê Kơnràñ dê.

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Esai 8:20

bơh bơta bơto sồr mơ bơh bơta nting sồr ơ?” Ngan, ală cau đơs behơ̆ rơp ò gơs àng drim!

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Yal Wơl 29:12

nàng mut tòm bơta ho bal Jehôwa Yàng Tom Trồ bol mê dê, mơ jơnau srat să ho nền mơ Jehôwa Yàng Tom Trồ neh bơtào mơ bol mê tòm ngai do;

Jôsue 9:6

Bol khai lòt tus hơ Jôsue di tiah lơh sàl tòm Gilgal mơ đơs mơ khai mơ jơh ală cau Israel lah: “Bol hi neh tus bơh dô nơm lơgar ngài, dan lơh tĕ dô bơta tòmho bal mơ bol hi.”