Ejra 1:3 - Sră Goh 2018

³ Dan Yàng Tom Trồ ơm bal mơ bol mê la làng bol Kơnràñ dê. Rê wơl tĕ hơ Jerusalem tòm Juda nàng bơt bơtào wơl hìu duh khoai Jehôwa Yàng Tom Trồ Israel dê, la Yàng Tom Trồ ơm tòm Jerusalem.

Ejra 1:3 Mawu Ofanana

I Ală Bơtau 18:39

Gŏ behơ̆, jơh làng bol tơmbic să tòm ù, mơ driau lah: “Jehôwa ngan la Yàng Tom Trồ! Jehôwa ngan la Yàng Tom Trồ!”

I Ală Bơtau 8:23

Khai đơs lah: “Ơ Jehôwa, Yàng Tom Trồ Israel dê! Ò gơs Yàng Tom Trồ lơi be Kơnràñ, bơh hơđang trồ jòng hala tòm ù hơđơm; Yàng prap gàr bơta ho bal mơ bơta kòñ gơboh kơ̆ dơn gơwèt mơ ală dĭ gơna Yàng, la ală cau lòt di đap Yàng dô bă jơh nùs,

I Yal Yau 28:20

Dabit kung đơs mơ Salômôn kòn klau khai dê lah: “Lơh tĕ pràn kơldang mơ khin cha, mơ lơh broă. Bañ rngòt mơ gơplơ̆ nùs bơh Jehôwa Yàng Tom Trồ la Yàng Tom Trồ añ jê, ơm bal mơ kòn. Kơnràñ rơp ò sang, ò lòi kòn jơl tus di tŭ jơh ală broă bơt bơtào hìu duh khoai Yàng Jehôwa dê neh sir.

Ejra 1:4

Mơ lòi tĕ jơh làng bol gam wơl tòm tiah lơi bol khai ơm, gen pal dong kòl ai bol khai in priă màh, bơh ală cau ơm bal mơ bol khai, bal mơ ală phan ngui sa mơ ală phan poan jơng, bal mơ ală phan ơn jat nùs bol khai kòñ ơn hìu duh khoai Yàng Tom Trồ in tòm Jerusalem.’”

Ejra 4:3

Mơya Jerubabel, Jesua mơ ală cau gam wơl at bồ ală hìu nhă Israel dê đơs mơ bol hơ̆ lah: “Bol mê ò gơs pơnah lơi bal mơ bol hi tòm bơta bơt bơtào dô nơm hìu duh khoai Yàng Tom Trồ bol hi dê. Mìng bol hi lơm rơp bơt bơtào hìu hơ̆ Jehôwa Yàng Tom Trồ Israel dê, jat be Sirus bơtau Persia neh ai gơnoar sồr bol hi.”

Ejra 5:13

Bulah behơ̆, bơtau Sirus, Babilôn dê, tòm nam sơnròp bơta at bồ bơtau Sirus dê, neh tơlik dô jơnau sồr bơh hìu duh khoai Yàng Tom Trồ dê pal geh bơt bơtào wơl.

Ejra 5:3

Tòm tŭ hơ̆ Tattenai, cau kwang at bồ kơnhwàl Đah Ne Hiòng, mơ Sethar Bôjenai bal mơ ală cau tòm mpồl jơnum bol khai dê neh tus hơ bol khai mơ đơs be do: “Ñcau ai gơnoar bol mê in bơt wơl hìu duh khoai do mơ neh sir crap ală pơnah bơtào wơl taih?”

Ejra 6:7

Bañ kơryan broă lơh hìu duh khoai Yàng Tom Trồ. Lòi tĕ cau kwang at bồ ală cau Juda mơ ală cau kwang kra bol khai dê bơt bơtào wơl hìu Yàng Tom Trồ dê hơđang tiah yau gơ dê.

Đơs Crih 132:13

Bơh Yàng Jehôwa neh sac rwah Siôn, Kơnràñ kòñ Siôn lơh gơs tiah ơm Kơnràñ dê, mơ lah:

Đơs Crih 83:18

Dan lòi bol khai in git lah mìng dô nă Yàng, La Bơtau Hơđang Rlau Jơh tòm plai ù, Sơnđan Kơnràñ la Yàng Jehôwa.

Esai 37:16

“Ơ Yàng Jehôwa Gơnap Gơnoar Dờng la Yàng Tom Trồ Israel dê, la Bơtau nggui hơđang sơbàn digùl ală ceruƀim, mìng dô nă Kơnràñ la Yàng Tom Trồ hơđang ală lơgar tòm ù. Kơnràñ neh crơng gơs trồ mơ tiah.

Esai 44:28

đơs bơh Sirus lah: ‘Khai la cau ê belàt Añ jê; mơ rơp lơh gơlik gơs jơh ală bơta Añ niam nùs;’ Kơnràñ rơp đơs bơh Jerusalem lah: ‘Lòi gơ rơp geh bơt bơtào wơl,’ mơ đơs bơh hìu duh khoai lah: ‘Mơnàng mê dê rơp geh bơt.’”

Esai 45:5

Añ la Yàng Jehôwa, ò gơs bơtau lơi ndai; rlau mơ Añ ò gơs Yàng Tom Trồ lơi ndai tai. Bulah mê neh ò git Añ, Añ rơp bơtơl pràn mê in,

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Daniel 2:47

Bơtau đơs mơ Daniel lah: “Ngan, Yàng Tom Trồ bol mê dê la Yàng Tom Trồ ală yàng dê, mơ la Bơtau at bồ ală bơtau dê, Kơnràñ la Bơtau yal tơlik ală bơta ndơp ndơr, mìng kơnòm di Yàng hơ̆ mơ mê rgơi yal tơlik bơta ndơp ndơr do.”

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Broă 10:36

Yàng Tom Trồ ai Jơnau Kơnràñ dê kòn sau Israel in, bơto yal Jơnau Niam lơngap lơngai, bơh Yàng Jesu Krist la Yàng jơh tơl nă cau dê

Yal Wơl 32:31

Bơh Pơnai Lŭ bol khai dê ò di be Pơnai Lŭ bol he dê, ală cau sò tơm bol he dê la bơrngơl gơla.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”