Ejra 1:2 - Sră Goh 2018

² “Do la jơnau đơs bơtau Sirus lơgar Persia dê: ‘Yàng Jehôwa la Yàng Tom Trồ ală tap trồ dê neh ai añ in jơh ală lơgar tòm plai ù, mơ Kơnràñ neh jào broă añ in nàng bơt dô nơm hìu duh khoai Kơnràñ in tòm Jerusalem lơgar Juda.

Ejra 1:2 Mawu Ofanana

I Ală Bơtau 8:27

Mơya ngan lah Yàng Tom Trồ ơm hơđang plai ù do sơl? Bulah hơđang trồ mơ ală tap trồ jơnhoa rlau jơh kung ò rgơi ơn Kơnràñ, tơ ài lah hìu dềt do mơ añ neh bơt!

II Yal Yau 2:12

Mơ Hiram cih bơtơl lah: “Pal jòng ro Jehôwa Yàng Tom Trồ Israel dê la Bơtau neh crơng gơs trồ mơ tiah! Kơnràñ neh ai bơtau Dabit in dô nă kòn klau jak chài, ai khai in bơta git jak mơ bơta git sền sơwì, la cau rơp bơt dô nơm hìu duh khoai Yàng Jehôwa in mơ dô nơm gơlang să tòm khai in.

Ejra 1:5

Gen ală cau at bồ hìu nhă tòm Juda mơ tòm Benjamin, ală cau gơnoar ơn phan duh khoai mơ ală cau Lebi, jơh tơl nă geh Yàng Tom Trồ chồl nùs rcang sir nàng lòt tus bơt bơtào hìu Yàng Jehôwa dê tòm Jerusalem.

Ejra 3:7

Gen bol khai ai jền priă ală cau chài bơt lŭ mơ ală cau chài lơh chi, mơ ai ală phan sa phan ñô, mơ mơñà làng bol Sidôn mơ Tirơ in nàng bol khai jat gùng dàlềng mơ cèng nho rề bơh Liban tus hơ Jôppa, jat gơnoar Sirus bơtau Persia neh ai bol khai in.

Ejra 4:3

Mơya Jerubabel, Jesua mơ ală cau gam wơl at bồ ală hìu nhă Israel dê đơs mơ bol hơ̆ lah: “Bol mê ò gơs pơnah lơi bal mơ bol hi tòm bơta bơt bơtào dô nơm hìu duh khoai Yàng Tom Trồ bol hi dê. Mìng bol hi lơm rơp bơt bơtào hìu hơ̆ Jehôwa Yàng Tom Trồ Israel dê, jat be Sirus bơtau Persia neh ai gơnoar sồr bol hi.”

Ejra 5:15

mơ đơs mơ khai lah: “Tă tĕ ală phan ngui do mơ cèng ơn wơl tòm hìu duh khoai tòm Jerusalem; mơ bơt bơtào wơl tĕ hìu Yàng Tom Trồ hơđang mơnàng yau gơ dê.”

Ejra 6:10

tồ bol khai rgơi ơn phan duh khoai niam nùs Yàng hơđang trồ, mơ hòi dan bơta lơngai cau bơtau bal mơ ală kòn cau bơtau in.

Ejra 6:3

Tòm nam sơnròp bơtau Sirus dê, bơtau yal tơlik dô bơta lơh nền gơwèt hơ hìu duh khoai Yàng Tom Trồ dê tòm Jerusalem: Lòi tĕ hìu duh khoai geh bơt bơtào wơl, tềng hơ̆ lơh gơs tiah ơn ală phan ơn duh khoai, mơ ơn phan ơn chu pơrguc, đah jơnhoa rơp la prau jơt tal mơ ơnàng prau jơt tal,

Ejra 7:12

“Artaserses, bơtau ală bơtau dê, pơyoa Ejra in la cau gơnoar ơn phan duh khoai, cau bơto bơta boh lam Yàng hơđang trồ dê: Niam să!

Nehemi 1:4

Tòm tŭ añ kơno ală jơnau hơ̆ gen añ nggui ñìm mơ moat jrùng bàr pe ngai, ơt sa, mơ hòi dan mơ Yàng Tom Trồ hơđang trồ dê.

Nehemi 1:5

Añ hòi dan be do: “Ơ Jehôwa Yàng Tom Trồ hơđang trồ dê, Yàng Tom Trồ dờng mơ pal duh rngòt, Bơtau prap gàr bơta ho bal mơ gơs nùs kòñ gơboh kơ̆ dơn gơwèt mơ ală cau kòñ gơboh di Kơnràñ mơ prap gàr bơta sồr lam Kơnràñ dê,

Đơs Crih 136:26

Ưnngài tĕ Yàng Tom Trồ hơđang trồ, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 85:2

Yàng neh toh bơta tồi glài iơh bơsak làng bol Yàng dê, Toh jơh ală tồi glài bol khai dê. (Selah)

Jơnau Pơnđik 21:1

Nùs bơtau dê ơm tòm tê Yàng Jehôwa ò gơkrơi be hiòng dà hòr; Kơnràñ lơh sơrkềng đah lơi jat nùs kòñ Kơnràñ dê.

Esai 41:2

Ñcau neh tơngguh dô nă cau geh pha lin bơh đah mattơngai lik, bơtào khai tòm bơta duh broă khai dê? Kơnràñ jào ală lơgar tòm tê khai, mơ jă trơm ală bơtau hơđơm jơng khai dê. Kơnràñ lơh bol khai mơ đào gơlik kung be kơmbuh ù, lơh bol khai mơ àtak gơlik be rhe ro kòl càl khồm.

Esai 44:26

la Bơtau neh lơh gơlik gơs tòm toh be jơnau đơs ală cau duh broă Añ jê, mơ lơh gơlik di ngan ală jơnau đơs lài ală cau kong sồr Añ jê, la Bơtau neh đơs bơh Jerusalem lah: ‘Gơ rơp gơs cau ơm tòm hơ̆,’ bơh ală ƀòn dờng Juda lah: ‘Gơ rơp geh bơt bơtào, Añ rơp bơt bơtào wơl ală tiah hơ̆;’

Esai 44:28

đơs bơh Sirus lah: ‘Khai la cau ê belàt Añ jê; mơ rơp lơh gơlik gơs jơh ală bơta Añ niam nùs;’ Kơnràñ rơp đơs bơh Jerusalem lah: ‘Lòi gơ rơp geh bơt bơtào wơl,’ mơ đơs bơh hìu duh khoai lah: ‘Mơnàng mê dê rơp geh bơt.’”

Esai 45:1

Do la jơnau Yàng Jehôwa đơs mơ Sirus, la cau geh bong mơñà Kơnràñ dê, be do: Cau mơ Añ neh at di tê ma khai dê, nàng lơh ală lơgar dòn duh di đap khai, hồ che kơt but ală cau bơtau dê, pò ală mpồng di đap khai, mơ ală mpồng ƀòn dờng ò til wơl:

Esai 66:1

Yàng Jehôwa đơs be do: “Trồ la sơbàn Añ, mơ plai ù la kơrnòl jơng Añ. Bol mê rơp bơt hìu mbe lơi Añ in taih? Mơ tiah ơm rlô bòl Añ jê mbe lơi taih?

Jeremi 10:11

Bol mê pal đơs mơ bol khai lah: ‘Ală yàng ò rgơi crơng ală trồ mơ ù tiah, rơp kong tơnroh thit bơh di ù tiah hơđơm ală tap trồ.’

Jeremi 27:5

‘Să tòm Añ la Bơtau neh lơh gơs ù tiah, jơi kòn mơnus mơ jơi phan poan jơng ơm hơđang plai ù, bơh gơnoar dờng mơ tơwòr tê Añ jê pò tơlik, Añ ai gơ cau lơi in jat nùs Añ kòñ.

Jeremi 29:10

Mơ tai, Yàng Jehôwa đơs be do: “Tŭ poh jơt sơnam neh tơl Babilôn in, Añ rơp lòt còp bol mê, rơp lơh wil tơl jơnau ho pơgon niam mơ bol mê, mơ cèng bol mê rê wơl hơ tiah do.”

Daniel 1:21

Behơ̆, Daniel kư̆ ơm tềng hơ̆ jơl tus di nam sơnròp rài bơtau Sirus dê.

Daniel 2:21

Yàng tòmgơl tŭ tơngai mơ kơnhai sơnam, Kơnràñ tă sang mơ pồ bơtào ală cau bơtau, Kơnràñ ai bơta jak chài cau lơi in jòi jat Kơnràñ, mơ ai bơta git wă cau àng loh in.

Daniel 2:28

Mơya gơs dô nă Yàng Tom Trồ ơm hơđang trồ rgơi yal tơlik ală bơta ndơp ndơr, mơ Kơnràñ neh yal bơtau Nebukatnessar in git bơta rơp tus tòm ală ngai lồi dut. Do la bơta mpau mơ bơta gơtơnggŏ mơ bơtau neh gŏ tòm tŭ bic hơđang cơnòng bic:

Daniel 4:25

Làng bol bơtau dê rơp bơtrơh bơtau bơh di gơlang bơtau dê. Bơtau rơp ơm tòm ƀlàng kung be kơnrồ, mơ rơp kong sùh mơ dà tŭ bơh đang trồ. Tòm poh sơnam, bơtau pal kis behơ̆, jơl tus di tŭ bơtau đal git lah Bơtau Hơđang Rlau Jơh at bồ tòm ală lơgar kòn mơnus dê, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Daniel 4:32

Mê rơp kong bơtrơh bơh digùl kòn mơnus, rơp ơm bal mơ phan poan jơng tòm ƀlàng; mê rơp pal sa ñhơt be kơnrồ, mơ kong lơh glài tòm poh tơngai, jơl tus di tŭ mê đal git lah Bơtau Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.”

Daniel 5:23

Gơsơlơ̆u wơl, bơtau neh pơnhừ să tòmdră mơ Yàng hơđang trồ, mơ sồr cèng di đap bơtau ală phan ngui tòm hìu duh khoai Kơnràñ dê mơ ngui nàng ñô tơrnòm bal mơ ală cau kwang dờng, ală bau ùr mơ ală bau cồng bơtau dê. Bơtau kung neh jòng ro ală yàng mơ priă, mơ màh, mơ kòng, mơ lòs, mơ chi, mơ lŭ, la ală yàng ò gŏ, ò kơno, mơ ò git wă bơta lơi. Bơtau ò jòng ro Yàng Tom Trồ la Bơtau at tòm tê Kơnràñ dê nhơm tă mơ jơh ală gùng dà bơtau dê.

Daniel 6:25

Gen bơtau Darius cih sră pơyoa jơh ală làng bol, ală lơgar mơ ală jơnau đơs in tòm làm bă tiah lah: “Dan bơta lơngap lơngai bol mê dê geh gơbơtơl oă tai.

Jôna 1:9

Khai ho lah: “Añ la dô nă cau Hebrơ, mơ añ duh khoai Yàng Jehôwa la Yàng Tom Trồ hơđang trồ, la Bơtau neh lơh gơs dàlềng mơ ù tiah.”