Ejekiel 6:2 - Sră Goh 2018

² “Ơ kòn mơnus, wèt tĕ mat sền di ală mơnơm Israel dê, đơs hwơr tĕ tòmdră mơ bol gơ,

Ejekiel 6:2 Mawu Ofanana

Ejekiel 13:17

Ai mê ơ kòn mơnus, mê wèt mat tòmdră mơ ală kòn ùr làng bol mê dê, la ală cau đơs hwơr jat bơta kơlôi sơnơng is bol khai dê. Đơs hwơr tòmdră mơ bol khai,

Ejekiel 19:9

Bol khai ngui gai kơlnĕ lòs mơ hwài tơmut gơtòm wàng, lồc behơ̆ cèng tus hơ bơtau lơgar Babilôn. Bol khai krơ̆ gơtòm hìu jàm, behơ̆ sap ơluh ơhùm gơ dê ò tai kơno hơđang ală mơnơm Israel.

Ejekiel 20:46

“Ơ kòn mơnus, wèt tĕ mat mê hơ đah đơm; bơto yal tĕ tòmdră mơ đah đơm, mơ đơs hwơr tĕ tòmdră mơ dơr brê tòm Negep.

Ejekiel 21:2

“Ơ kòn mơnus, wèt tĕ mat mê hơ Jerusalem mơ bơto tòmdră mơ tiah sàng goh. Đơs hwơr tĕ tòmdră mơ lơgar Israel,

Ejekiel 21:7

Mơ tòm tŭ bol khai đơs mơ mê lah: ‘Ñchi bơh tài mê rac ròc taih?’ Gen mê rơp ho lah: ‘Hơ̆ la tài bơh neh kơno jơnau yal. Kòp nơm nùs rơp lề lac, kòp nơm tê rơp lơbơn lơño, kòp nơm hwềng soàn rơp bòl glar òsô, kòp nơm gơltang rơp gơlik be dà. Ne, gơ rơp tus, mơ rơp gơlik gơs di ngan,’ Jehôwa Yàng Tom Trồ đơs behơ̆!”

Ejekiel 25:2

“Ơ kòn mơnus, wèt mat tĕ hơ làng bol Ammôn, mơ đơs hwơr tòmdră mơ bol khai.

Ejekiel 28:21

“Ơ kòn mơnus, wèt mat tĕ hơ đah Sidôn, đơs hwơr tĕ tòmdră mơ gơ

Ejekiel 33:28

Añ rơp lơh lơgar in gơlik tiah srau gòi, bơta pràn kơldang mơ bol khai jòng să rơp roh thit, mơ ală mơnơm Israel dê rơp gơlik gơs ngềt ngơt tian gơs ò gơs dô nă cau lơi lòt gan tềng hơ̆ tai.

Ejekiel 34:14

Añ rơp ròng siam bol gơtòm ƀlàng ñhơt niam, mơ ală tiah jơnhoa hơđang mơnơm Israel dê rơp la ƀlàng ñhơt bol gơ dê. Tềng hơ̆ bol khai rơp bic rlô tòm tiah sa ñhơt niam, mơ tềng hơ̆ bol gơ rơp geh ròng siam tòm ƀlàng ñhơt tơlir niam hơđang ală mơnơm Israel dê.

Ejekiel 35:12

Gen mê rơp git Añ, la Yàng Jehôwa, neh kơno jơh ală jơnau bơtat bơtròh mê neh đơs tòmdră mơ ală mơnơm Israel dê. Mơ neh đơs lah: “Ală mơnơm hơ̆ neh gơkòl lòi srau gòi mơ neh jào phi bol he in nàng sa loan.”

Ejekiel 36:1

Ơ kòn mơnus, đơs hwơr tĕ bơh ală mơnơm Israel dê mơ đơs lah: “Ơ ală mơnơm Israel, iat tĕ jơnau Yàng Jehôwa dê!

Ejekiel 37:22

Añ rơp lơh bol khai in gơlik gơs mìng dô làng bol tòm lơgar, hơđang ală mơnơm Israel dê; dô nă bơtau rơp la bơtau hơđang jơh tơl nă bol khai. Bol khai rơp ò tŭ lơi gơs bàr nơm làng bol tai hala gơkòl cah is tòm bàr nơm lơgar.

Ejekiel 4:7

Wèt tĕ mat hơ bơta gơrwàng Jerusalem bal mơ tơwòr tê kuh đơs hwơr tòmdră mơ gơ.

Ejekiel 6:1

Gơs jơnau Yàng Jehôwa đơs mơ añ be do:

Jôsue 11:21

Tòm tŭ hơ̆ Jôsue lòt tơnroh cau Anak ơm tiah lơgar kơh mơnơm, bơh Hebrôn, Debir, mơ Anap, bơh jơh ală tiah kơh mơnơm Juda dê, mơ bơh jơh ală tiah kơh mơnơm Israel dê. Jôsue tơnroh bol khai jơh hir bal mơ ală ƀòn dờng bol khai dê.