Ejekiel 48:10 - Sră Goh 2018

¹⁰ Gơ rơp la dô pơnah ù tiah ơn is sàng goh ală cau gơnoar ơn phan duh khoai in. Đah đang gơ rơp la bàr jơt pram rbô tal jòng ròt, đah mattơngai mut rơp la jơt rbô tal ơnàng, mơ đah mattơngai lik la jơt rbô tal ơnàng, mơ bàr jơt pram rbô tal jòng ròt đah đơm. Digùl gơ rơp la hìu duh khoai Yàng Jehôwa dê.

Ejekiel 48:10 Mawu Ofanana

Sơnròp Gơlik Gơs 13:14

Tơnơ̆ mơ tŭ Lot neh cah is mơ Abram rau, Yàng Jehôwa đơs mơ Abram lah: “Pò mat tĕ tơnggòr, sền bơh dê tiah mê ơm tus hơ đah đang, đah đơm, đah mattơngai lik mơ đah mattơngai mut.

Ejekiel 44:28

Bơh phan jơtài gen Añ la phan jơtài bol khai dê. Bol mê rơp ò ai bol khai in sre brê lơi tòm Israel; Añ rơp la sre brê bol khai dê.

Ejekiel 45:4

Gơ rơp la pơnah sàng goh tòm lơgar; gơ rơp la tiah cau gơnoar ơn phan duh khoai in, la ală cau duh broă tòm tiah sàng goh mơ la ală cau tus rềp di Yàng Jehôwa nàng duh broă Kơnràñ; mơ gơ rơp la tiah hìu bol khai dê, mơ la dô bă tiah sàng goh tòm tiah sàng goh.

Ejekiel 48:9

Pơnah ơn is mơ bol mê rơp ơn Yàng Jehôwa in rơp la bàr jơt pram rbô tal jòng ròt mơ jơt rbô tal ơnàng.

Mathiơ 10:10

kung bañ cèng kơldung lòt gùng, hala bàr blah ào dơlam, hala gơltau jă, hala gai jra, bơh cau lơh broă pal gơs phan sa.