Ejekiel 40:22 - Sră Goh 2018

²² Ală mpồng dềt, ală rơng mpồng mơ ală chi gòl gơ dê gơs gah jòng mơ gah ơnàng ndròm bal mơ mpồng pơnggàr đah mattơngai lik. Gơs poh kơnă ntùng lam guh tus hơ mpồng ƀòn; mơ gơs dô nơm rơng tòm dơlam hơ̆.

Ejekiel 40:22 Mawu Ofanana

I Ală Bơtau 6:29

Hơđang ală dơrñang gùt dar hìu duh khoai, đah dơlam mơ đah bơdìh, khai sồr pac rùp ceruƀim, chi gòl mơ bơkào gơlì.

I Ală Bơtau 6:32

Khai sồr pac hơđang bàr pang mpồng mơ chi ôlibe hơ̆ ală rùp ceruƀim, chi gòl mơ bơkào gơlì; gen kli mơ màh, kli màh hơđang rùp ceruƀim mơ rùp chi gòl.

I Ală Bơtau 6:35

Salômôn sồr pac mpòl ală rùp ceruƀim, chi gòl mơ bơkào gơlì; gen kli màh hơđang ală phan pac sềr.

I Ală Bơtau 7:36

Hơđang ală phan hơ̆, Hiram kung pac ală ceruƀim, klìu triă, chi gòl, mơ che bơkào gùt dar.

I Ală Bơtau 7:4

Gơs pe nơm mpồng dềt gơrơndap tòm pe sèng, ală mpồng dềt ơm tòm toh mat bal tòm pe sèng.

II Yal Yau 3:5

Khai pơng ală dơrñang ơdŭ dờng mơ mpàn nho rề, ƀềp gơ mơ màh goh ngan mơ bơka ală rùp chi gòl mơ che rơnjài hơđang gơ.

Ejekiel 40:16

Ơdŭ gơmut dơlam mơ ală jrong gơ dê gơs ală mpồng dềt, mơ ală kai kal đah dơlam gùt dar ală mpồng, mơ tòm ală ơdŭ kung gơs mpồng dềt gùt dar đah dơlam; mơ hơđang ală jrong la rùp ală chi gòl.

Ejekiel 40:25

Ơdŭ bơdìh hơ̆ gơs ală mpồng dềt tòm toh be ală mpồng dềt ndai. Gơ jòng bàr jơt pram met mơ ơnàng jơt bàr met nggùl.

Ejekiel 40:26

Poh kơnă ntùng guh tus hơ mpồng dờng, ƀlàng rơng tòm dơlam gơ; ală jrong gơs ală rùp chi gòl jơh bàr đah mat.

Ejekiel 40:29

Ală ơdŭ, ală jrong mơ ală ƀlàng rơng gơ dê sơnoa rnoas ndròm bal mơ gơp gơ dê. Gùng mpồng pơnggàr mơ ală ƀlàng rơng gơ dê gơs ală mpồng dềt gùt dar. Ală ƀlàng rơng jòng ròt bàr jơt pram met, mơ ơnàng jơt bàr met nggùl.

Ejekiel 40:31

Ală ƀlàng rơng wèt mat hơ ƀlàng bơdìh; gơs ală rùp tòm chi gòl hơđang ală jrong gơ dê, mơ gơs phàm kơnă ntùng nàng guh tus hơđang.

Ejekiel 40:34

Ƀlàng rơng mpồng pơnggàr do wèt mat tòm toh hơ ƀlàng bơdìh; gơs ală chi gòl bơka hơđang ală jrong gơ dê jơh bàr đah, mơ gơs phàm kơnă ntùng nàng guh tus hơđang.

Ejekiel 40:37

Ală ƀlàng rơng gơ dê wèt mat hơ ƀlàng bơdìh; gơs ală chi gòl bơka ală jrong ơm bàr gah, mơ gơs phàm kơnă ntùng nàng guh tus hơđang.

Ejekiel 40:49

Ƀlàng rơng jòng ròt jơt met, đah ơnàng pram met nggùl. Gơs ntùng jơt kơnă lam guh tus hơ ƀlàng rơng dơlam mơ di gah jrong gơs bàr nơm jrong, kòp đah dô nơm jrong.

Ejekiel 40:6

Gen khai lòt tus di mpồng pơnggàr đah mattơngai lik. Khai cơnđòa digùl ală kơnă ntùng mơ was ròc mpồng pơnggàr dê; gơ jrô dô gai.

Hebrơ 6:1

Behơ̆, bol he pal lòi ing ală bơta ƀă liă tòm gùng duh khoai Bơtau Krist dê, mơ ntoat tus hơ bơta wil tơl, bañ bơtào wơl ală mơnàng tai, be bơta gơjrañ sang glài, bơh ală broă chơt, bơta dòn di Yàng Tom Trồ,

Yal Tơlik 7:9

Tơnơ̆ mơ hơ̆ añ sền gŏ, ne, gơs dô mpồl bol oă tian gơs ò gơs cau lơi rgơi kòp, lik bơh jơh ală lơgar, jơi bơtiàn, làng bol, mơ jơnau đơs; bol khai ntào di đap sơbàn mơ di đap Belàt Kòn, bol khai soh ào jrùh bò, mơ di tê at ală nha gòl,