Ejekiel 38:2 - Sră Goh 2018

² “Ơ kòn mơnus, wèt tĕ mat mê tòmdră mơ Gok ơm tòm lơgar Magok, la bơtau Rôs, Mesek mơ Tubal dê, mơ đơs hwơr tĕ tòmdră mơ khai

Ejekiel 38:2 Mawu Ofanana

Sơnròp Gơlik Gơs 10:2

Ală kòn klau Japhet dê, la Gômer, Magok, Madai, Jaban, Tubal, Mesek, mơ Tiras.

I Yal Yau 1:5

Ală kòn sau Japhet dê la: Gômer, Magok, Madai, Jaban, Tubal, Mesek mơ Tiras.

Đơs Crih 120:5

Bòl glar añ in bơh añ ơm ing tòm Mesek, Mơ añ pal ơm digùl ală sàl Kedar dê.

Esai 66:19

Añ rơp ơn dô nơm tềl digùl bol khai, mơ Añ rơp sồr dô êt cau tòm mpồl ală cau gam kis lòt tus tòm ală lơgar, hơ̆ la tus hơ Tarsi, Libi, mơ Lidi la làng bol jak pañ sơna, tus hơ Tubal mơ Grek, mơ tus hơ ală bồt pơlào ơm ngài, la tiah òhềt kơno jơnau jòng ro bơh Añ, mơ kung òhềt gŏ bơta gơklŏ Añ jê. Bol khai rơp yal tơlik bơta gơklŏ Añ jê tòm ală lơgar.

Ejekiel 2:1

Kơnràñ đơs mơ añ lah: “Ơ kòn mơnus, ñă ntào tĕ, mơ Añ rơp tòmbơhbơr mơ mê.”

Ejekiel 20:46

“Ơ kòn mơnus, wèt tĕ mat mê hơ đah đơm; bơto yal tĕ tòmdră mơ đah đơm, mơ đơs hwơr tĕ tòmdră mơ dơr brê tòm Negep.

Ejekiel 25:2

“Ơ kòn mơnus, wèt mat tĕ hơ làng bol Ammôn, mơ đơs hwơr tòmdră mơ bol khai.

Ejekiel 27:13

Ală làng bol Jaban, Tubal mơ Mesek kă bro mơ mê, bol khai tòmpơrgơl mơ mê kòn mơnus mơ ală gri lơh mơ kòng nàng geh ală phan kă bro mê dê.

Ejekiel 32:26

Mesek mơ Tubal ơm tềng hơ̆ bal mơ jơh ală mpồl làng bol oă, jơh ală bơtô ƀồc bol khai dê ơm gùt dar. Jơh tơl nă bol khai la cau ò siat gơltau, neh kong sreh tơnchơt bơh đào tài bơh bol khai neh rsìh bơta rngòt rngơt tòm ù cau kis dê.

Ejekiel 38:1

Gơs jơnau Yàng Jehôwa đơs mơ añ lah:

Ejekiel 38:14

Behơ̆ gen, ơ kòn mơnus, đơs hwơr tĕ mơ đơs mơ Gok lah: Jehôwa Yàng Tom Trồ đơs be do: ‘Tòm ngai hơ̆, tòm tŭ làng bol Israel Añ jê ơm lơngap lơngai, mê ò git sơl ơ?

Ejekiel 38:3

mơ đơs lah: Jehôwa Yàng Tom Trồ đơs be do: ‘Ơ Gok bơtau dờng Mesek mơ Tubal dê, Añ tòmdră mơ mê

Ejekiel 39:1

“Ơ kòn mơnus, đơs hwơr tĕ tòmdră mơ Gok mơ đơs lah: Jehôwa Yàng Tom Trồ đơs be do: ‘Ơ Gok, bơtau Rôs, Mesek mơ Tubal dê, Añ tòmdră mơ mê.

Ejekiel 39:11

“‘Tòm ngai hơ̆, Añ rơp ai Gok in dô bă tiah tơp ƀồc tòm Israel, tòm thòng ală cau lòt gùng hơ đah mattơngai lik tus hơ dàlềng. Tiah tơp ƀồc hơ̆ rơp kơryan ală cau lòt gùng tài bơh Gok mơ jơh ală mpồl làng bol khai dê rơp tơp tềng hơ̆. Behơ̆ gơ rơp geh sơnđan la Thòng Hamon Gok dê

Ejekiel 39:6

‘Añ rơp tơndùh ồs hơđang Magok, mơ hơđang ală cau ơm lơngap lơngai di gah dàlềng; mơ bol khai rơp git Añ la Yàng Jehôwa.

Ejekiel 6:2

“Ơ kòn mơnus, wèt tĕ mat sền di ală mơnơm Israel dê, đơs hwơr tĕ tòmdră mơ bol gơ,