Ejekiel 26:15 - Sră Goh 2018

¹⁵ Jehôwa Yàng Tom Trồ đơs mơ Tirơ lah: “Ò di ală tiah rò gah dàlềng rơp gơlơnggơr tòm tŭ kơno ntas mê tơrlah tơrlơm, tòm tŭ ală cau kong sồt rmàñ ñìm rơnđơh, mơ bơta sreh tơnchơt lơh gơlik gơs digùl mê ò ơ?

Ejekiel 26:15 Mawu Ofanana

Esai 2:19

Mut tĕ tòm ală rgồng lŭ, mơ tòm ală trồm tòm ù nàng pleh klàs bơh di bơta rngòt rngơt Yàng Jehôwa dê, mơ bơh bơta gơklŏ mơ ryŭ ryơm Kơnràñ dê, tòm tŭ Kơnràñ guh nàng lơh rngòt rngơt plai ù.

Esai 41:5

Ală bồt pơlào neh gŏ bơta hơ̆ mơ rngòt rngơt, ală tiah lồi dut plai ù gơlơnggơr, bol khai tus rềp mơ tus;

Jeremi 49:21

Kơno bơta tơrlah tơrlơm bol khai dê gen ù gơlơnggơr, jơnau hòi driau bol khai dê rơp geh kơno tus hơ Dàlềng Pơrhê.

Ejekiel 26:10

Ơseh khai gal ngan tian gơs thul bol gơ jơm gòm mê. Ală dơrñang ƀòn mê dê gơlơnggơr bơh ntas ơseh tòmlơh, ntas rơndeh pơdiang phan, mơ rơndeh lòs tòmlơh tòm tŭ khai mut tòm ală mpồng dờng mê dê kung be cau mut tòm dô nơm ƀòn dờng gơs ală dơrñang neh tơrlah.

Ejekiel 26:18

Tŭ do ală tiah bồt pơlào rơm să tòm ngai mê kong tơnroh, mơ ală bồt pơlào tòm dàlềng rngòt rngơt bơh bơta roh thit mê dê!’”

Ejekiel 26:21

Añ rơp cèng mê tus di tiah lồi dut dô bă rngòt rngơt ngan, mơ mê rơp ò gam tai. Cau rơp jòi mê mơya rơp ò gơs tŭ lơi jòi bàn mê tai,” Jehôwa Yàng Tom Trồ đơs behơ̆.

Ejekiel 27:28

Tòm tŭ sap hòi driau ală cau at ơhò mê dê, ală ƀòn gùt dar gơlơnggơr,

Ejekiel 27:35

Jơh ală làng bol ơm di ală gah dàlềng ai lơh mơp dơl tài bơh mê; ală cau bơtau bol khai dê rngòt rơm să, muh mat bol khai dê gơlơh be cau chơt tài bơh rngòt.

Ejekiel 31:16

Añ neh lơh ală làng bol in lơnggơr bơh ntas bơta gơpừ gơ dê, tòm tŭ Añ sơrbì gơ mù tòm bơtô ƀồc bal mơ jơh ală cau mù tòm bơtô. Gen jơh ală chi tòm Eden, ală chi geh sac rwah niam rlau jơh Liban dê, jơh ală chi geh tuh oă dà, geh pơndòm pơniang tòm plai ù hơđơm.

Ejekiel 32:10

Añ rơp lơh oă làng bol in rngòt rngơt bơh mê, mơ ală cau bơtau bol khai dê rơp gơdô nùs bơh mê, tòm tŭ Añ yàt đào Añ jê di đap bol khai, bol khai rơp rơm să kòp tŭ kòp jơ, bơh bơta kis kòp nă bol khai dê, tòm ngai mê gơtup pừ.’