Ejekiel 22:3 - Sră Goh 2018

³ Mê rơp đơs lah: ‘Jehôwa Yàng Tom Trồ đơs be do: Dô nơm ƀòn dờng tuh hơđang să tòm gơ bơta lơh gơtuh mhàm, tŭ tơngai gơ dê neh tus rau, mòn ală rùp ràk lơh ƀơ̆ ƀơl is să tòm gơ.

Ejekiel 22:3 Mawu Ofanana

II Ală Bơtau 24:3

Ngan bơta do gơlik tus hơđang làng bol Juda la bơh gơnoar sồr Yàng Jehôwa dê, nàng tă tơlik bol khai bơh di đap Kơnràñ, tài bơh ală tồi glài Manase dê, mơ bơh jơh ală bơta tồi glài khai neh lơh,

II Ală Bơtau 24:4

mơ kung tài bơh mhàm ò gơs glài mơ khai neh lơh gơtuh; bơh khai neh lơh Jerusalem in bềng mhàm ò gơs glài, gen Yàng Jehôwa ò toh glài khai in.

Đơs Crih 106:39

Behơ̆ bol khai lơh să tòm gơlik ƀơ̆ ƀơl bơh broă bol khai dê, Gơlik be cau dri tơlàr tòm bơta bol khai lơh.

Esai 1:21

Sền ne, mbe ƀòn dờng dòn song gơlik gơs be cau ùr dri! Bơh lài gơ gơs bềng bơta song ngan, bơta song ring òs ơm sùm tòm hơ̆, mơya tŭ do gơ gơs bềng ală cau tơnchơt cau!

Ejekiel 12:25

Mơya Añ la Yàng Jehôwa, Añ rơp đơs jơnau lơi Añ đơs, mơ jơnau hơ̆ rơp gơlik gơs di ngan, ò òbat nyà. Mơya tòm ală ngai bol mê dê, ơ làng bol jak tòmdră, Añ rơp lơh gơlik gơs di ngan ală jơnau Añ đơs, Yàng Jehôwa đơs behơ̆.”

Ejekiel 22:2

“Ơ kòn mơnus, mê rơp cahrña ơ? Mê rơp cahrña ƀòn dờng bềng mhàm do ơ? Gen yal tĕ gơ in git jơh ală broă lơh cù kìr gơ dê.

Ejekiel 22:27

Ală kwang at bồ bol khai dê la kung be so rhao kap crè phan kup geh, bol khai lơh gơtuh mhàm mơ tơnchơt làng bol nàng dòp geh cồng nha ò song ring.

Ejekiel 22:4

Ai neh gơlik gơs tồi glài bơh lơh gơtuh mhàm, mơ ai neh gơlik gơs ƀơ̆ ƀơl bơh ală rùp ràk mơ ai neh lơh gơs. Ai neh tơnlồi ală ngai ai dê mơ pơndut ală nam ai dê. Gen tàng Añ neh lơh ai in gơlik gơs tềl ƀàssìl ƀàsso ală làng bol in mơ bơta ñŏ tơnhial jơh ală lơgar in.

Ejekiel 22:6

Sền tĕ: mbe kòp nă ală cau kwang at bồ Israel dê ơm tòm ai ngui gơnoar khai dê nàng lơh gơtuh mhàm.

Ejekiel 23:37

bơh bol khai neh tìs glài rềs àr bơrnàn, mơ mhàm neh gơs di tê bol khai dê. Bol khai neh tìs glài rềs àr bơrnàn mơ ală rùp ràk bol khai dê; tian gơs bol khai neh ơn ală kòn bol khai dê lơh gơs phan sa bol gơ in, la ală kòn mơ bol khai neh tơnggơs Añ in.

Ejekiel 23:45

Mơya ală cau song ring rơp cahrña lơh glài bol khai kung be lơh glài ală cau ùr rềs àr dri tơlàr mơ lơh gơtuh mhàm, tài bơh bol khai la cau rềs àr dri tơlàr mơ gơs mhàm di tê bol khai dê.

Ejekiel 23:7

Khai ơn să khai lơh gơs ùr dri jơh ală cau Asiri niam rlau jơh in; khai lơh ƀơ̆ ƀơl să tòm khai mơ jơh ală rùp ràk kòp nă cau mơ khai hàm kòñ.

Ejekiel 33:25

Gen tàng, đơs tĕ mơ bol khai lah: ‘Jehôwa Yàng Tom Trồ đơs be do: Tài bơh bol mê sa poac gam mhàm, tơnggòr sền ală rùp ràk bol mê dê, mơ lơh gơtuh mhàm; gen bol mê rơp dòp geh lơgar ơ?

Ejekiel 9:9

Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’

Mice 3:10

la ală cau bơt Siôn bơh mhàm, mơ bơtào Jerusalem bơh bơta tìs nrah.

Sôphôni 3:3

Ală kwang duh broă gơ dê ơluh ơhùm be klìu triă, ală kwang cahrña gơ dê kung be so rhau trồ mang, ò lòi wơl dô êt lơi tus diàng drim.

Rôma 2:5

Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.