Ejekiel 2:6 - Sră Goh 2018

⁶ Ai mê, ơ kòn mơnus, mê bañ rngòt di bol khai hala di jơnau đơs bol khai dê. Bañ rngòt bulah lò mrơt lò mang rồng gùt dar mê, mơ mê ơm digùl ală diang. Bañ rngòt di jơnau lơi bol khai đơs, mơ bañ rơm să tài bơh bol khai, bơh bol khai la dô nơm hìu jak tòmdră.

Ejekiel 2:6 Mawu Ofanana

II Ală Bơtau 1:15

Cau gơnrơh Yàng Jehôwa dê đơs mơ Eli lah: “Mù tĕ bal mơ khai, bañ rngòt di khai.” Behơ̆, Eli mù mơ lòt bal mơ cau kwang at bồ tus hơ bơtau.

Esai 51:12

“Añ, să tòm Añ, la Bơtau pơndòm pơniang bol mê. Bol mê la ñcau mơ rngòt di kòn mơnus òs chơt, dô nă kòn mơnus la cau gơs bơta kis kung be ñhơt taih?

Esai 51:7

Iat tĕ Añ! Ơ bol mê la ală cau git bơta song ring, la làng bol gơs bơta bơto sồr Añ jê tòm nùs bol mê dê; Bañ rngòt di bơta lah pơrhơng kòn mơnus dê, hala rngòt rơm să di jơnau lah sơrpah bol khai dê.

Esai 9:18

Ngan, bơta iơh bơsak sa hơng be ồs, gơ sa roh lò mrơt mơ ală lò, gơ sa pơrguc ală chi tòm brê, tian gơs ñhŭ gơguh jòng hơđang.

Jeremi 1:17

Behơ̆, mê kơt tĕ but, ñă ntào, yal bol khai in git ală bơta Añ neh ai gơnoar sồr mê in. Bañ rngòt di bol khai, rngòt Añ rơp lơh mê in rngòt rngơt di đap bol khai.

Jeremi 1:8

Bañ rngòt di bol khai; Bơh Añ ơm mơ mê nàng dong klàs mê.” Yàng Jehôwa đơs behơ̆.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 6:28

Bol khai jơh tơl nă kơldang bồ mơ pơrlơ̆ dră, Lòt làm bă tiah đơs iơh, Kră be kòng, be lòs, jơh tơl nă bol khai lơh ală broă roh gơprah lơm.

Ejekiel 24:3

Yal tĕ mơ hìu jak tòmdră in dô jơnau đơs pơnhồr mơ đơs mơ bol khai do la jơnau đơs Jehôwa Yàng Tom Trồ dê: ‘Ơn tĕ glah hơđang bơnhă ồs, ơn tĕ hơđang mơ tuh dà tòm hơ̆.

Ejekiel 28:24

Hìu Israel dê rơp ò jòi bàn lò jơrmơng hala lò mrơt lơi tai digùl ală làng bol ơm rềp bol khai dê, la ală làng bol òs lơh di bol khai dô bă òsơp òso. Gen bol khai rơp git lah Añ la Jehôwa Yàng Tom Trồ.’”

Mice 3:8

Mơya đah mơ añ, añ geh bềng lìu gơnap gơnoar, bal mơ Hwềng Yàng Jehôwa dê, bal mơ bơta song ring mơ gơnoar pràn, nàng yal tơlik Jakôp in bơh bơta lơh tìs khai dê, mơ Israel in bơh tồi glài khai dê.

Mice 7:4

Cau niam rlau jơh tòm bol khai la kung be lò mrơt, cau song ring rlau jơh la iơh rlau mơ pơnggàr lò. Ngai ală cau kơp gàr bol khai dê, hơ̆ la ngai bơta lơh glài bol khai dê neh tus rau. Tŭ do bơta sơlồng sơlàng bol khai dê neh tus rềp rau.

Mathiơ 10:28

Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs.

Luka 10:19

Do, Añ neh ai gơnap gơnoar bol mê in jă hơđang bơs mơ diang, mơ hơđang jơh ală gơnoar pràn ală cau sò tơm dê; ò gơs bơta lơi rgơi lơh iơh di bol mê ò.

Luka 11:12

Hala dan tap, mơ ai diang sơl ơ?

Luka 12:4

Añ đơs mơ bol mê la oh mi bơyô Añ jê, bañ rngòt di cau tơnchơt să jan, gen tơnơ̆ ò rgơi lơh bơta lơi tai.

Broă 4:13

Dơ̆ bol hơ̆ gŏ bơta khin cha Pier mơ Jang dê, mơ git đal lah bol khai la cau òs, ò bơtê gen ai lơh krơi; mơ git loh lah bàr nă bol khai neh ơm mơ Yàng Jesu.

Broă 4:19

Mơya Pier mơ Jang ho lah: “Ală ồng sền sơwì tĕ di đap Yàng Tom Trồ, lơh jat jơnau ală ồng dê hala lơh jat jơnau Yàng Tom Trồ dê?

Broă 4:29

Tŭ do dan Yàng sền ală jơnau pơhìn bol khai dê, mơ ai ală dĭ gơna Kơnràñ in bơto yal jơnau Kơnràñ dê dô bă khin cha.

Ephesô 6:19

Kung hòi dan tĕ añ in, nàng añ in gơs bơta chài đơs, khin cha pò bơr nàng yal tơlik bơta ndơp ndơr Jơnau Niam dê.

Philip 1:28

mơ tòm broă lơi ò lòi cau sò tơm lơh he in rngòt, mơya khin cha tĕ. Bơta hơ̆ la dô nơm cơng tàng loh làng lah bol khai pal roh rui, mơya ală oh mi gen geh dong klàs, mơ bơta hơ̆ tus bơh Yàng Tom Trồ la Bơtau ai oh mi in bơta pha lin rlau.

II Timôthe 1:7

Bơh Yàng Tom Trồ ò di ai bol he in hwềng nùs rngòt rngơt, mơya ai hwềng nùs pràn kơldang, kòñ gơboh mơ git kơrhia.

Hebrơ 11:27

Bơh bơta dòn khai sang lơgar Ejiptơ, ò rngòt cau bơtau gơjrañ, bơh khai ntào kơ̆ be gŏ Yàng la Bơtau he ò rgơi gŏ.

I Pier 3:14

Mơya dilah oh mi bơh bơta song ring mơ pal kong bòl glar jê sồt, gen gơs lơngai. Bañ rngòt, kung bañ dơrcul nùs bơh broă iơh bol khai lơh di he.

Yal Tơlik 9:10

Bol gơ gơs tiang be tiang diang dê, rgơi cuh, mơ gơnoar pràn bol gơ dê ơm di tiang nàng lơh jê sồt ală cau tòm pram kơnhai.