Ejekiel 19:11 - Sră Goh 2018

¹¹ Ală ntê pràn rlau jơh gơ dê gơlik gơs gai gơnoar at bồ. Gơhòn jơnhoa ngan gơs oă ntê mơ nha, cồng gơ jơnhoa hơđang ơm digùl ală ntê, lơh cau in gŏ bơta jơnhoa gơ dê.

Ejekiel 19:11 Mawu Ofanana

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

I Ală Bơtau 5:1

Tŭ hơ̆ Hiram bơtau Tirơ sồr ală cau duh broă khai dê lòt tus hơ Salômôn, tòm tŭ khai kơno Salômôn neh geh bong mơñà gơs bơtau nàng pơrdòn sơbàn bèp khai dê, bơh Hiram sùm sùm la cau bơyô gơwèt mơ Dabit.

Ejra 4:20

Jerusalem neh gơs ală cau bơtau gơs gơnoar pràn at bồ làm jơh Đah Ne Hiòng, mơ làng bol neh dap dia bơh jơh ală bơta ală cau bơtau hơ̆ in.

Ejra 5:11

Do la jơnau bol khai ho wơl bol hi in: ‘Bol hi la ală cau duh broă Yàng Tom Trồ, hơđang trồ mơ tiah dê, mơ bol hi ơm bơt wơl hìu duh khoai neh geh bơt jŏ sơnam lài òr, la hìu duh khoai mơ dô nă cau bơtau dờng Israel dê neh bơt bơtào mơ lơh sir.

Đơs Crih 110:2

Yàng Jehôwa sồr lik bơh di Siôn gai gơnoar at bồ mê dê. At bồ tĕ digùl ală cau sò tơm mê dê!

Đơs Crih 80:15

La tòm chi mơ tê ma Yàng neh tam.

Đơs Crih 80:17

Mơya dan tê Yàng ơn hơđang cau đah ma Kơnràñ, Hơ̆ la kòn mơnus mơ Yàng neh lơh pràn kơldang Kơnràñ in.

Esai 11:1

Dô nơm sơmbut rơp cat lik bơh tơnggu Jese; dô nơm Ntê hòn bơh ryas gơ.

Ejekiel 19:12

Mơya gơ neh kong dus bơh bơta gơjrañ, mơ kong sơrbì tòm ù. Càl đah mattơngai lik neh lơh gơ in ro rañ, ală plai gơ dê rung jơh; ală ntê pràn kơldang gơ dê neh ñòp ro; mơ ồs neh sa pơrguc gơ.

Ejekiel 19:14

Ồs neh lik bơh di ală ntê dờng gơ dê, mơ neh sa pơrguc ală ntê mơ plai gơ dê. Gen tàng ò gơs dô nơm ntê pràn kơldang gam wơl, ò gơs gai gơnoar at bồ. Hơ̆ la dô jơnau ñìm rac geh ngui nàng ñìm rac pơt wòl.”

Ejekiel 21:10

Tồl sồt nàng sreh tơnchơt, tho goh nàng gơcrà kung be puhlèp! Mbe bol he rgơi hòn chò taih? Bơh mê kòn klau añ neh sền òsơp gai mơng mơ ală bơta lơh glài tơmàl.

Ejekiel 21:13

Kơlôi sơwì tĕ: Ñchi bơta rơp gơlik gơs, dilah bol mê sền òsơp dê gai mơng, ală bơta hơ̆ rơp ò gơlik tus sơl ơ? Jehôwa Yàng Tom Trồ đơs behơ̆.’

Ejekiel 31:3

Ơn nùs kơlôi tĕ bơh Asiri, bơh lài gơ la dô đòm chi nho rề tòm Liban, gơs ală ntê hàng mơnĕ, mƀur jơm gòm jơh brê me; gơ jơnhoa ngan hơđang, cồng gơ ơm digùl ală mhwal.

Daniel 4:11

Chi hơ̆ gơhòn dờng mơ pràn kơldang; cồng gơ ngŏ tus hơ trồ, làm jơh plai ù tiah lơi kung gŏ gơ lơm.

Lebi 23:40

Tòm ngai sơnròp, bol mê pal ai ală plai neh sac rwah bơh di ală tòm chi, ală nha gòl, ală ntê gơs oă nha mơ ntê chi nrài mơ hòn chò di đap Jehôwa Yàng Tom Trồ bol mê dê tòm poh ngai.

Khà Làng Bol 24:17

Añ gŏ Kơnràñ, mơya ò di tŭ do; Añ tơnggòr sền Kơnràñ, mơya ò di rềp. Dô nơm sơmañ rơp lik bơh di Jakôp; dô nơm gai gơnoar rơp tơngguh bơh di Israel. Kơnràñ rơp pòng bơcah ală bìng liang Môap dê, mơ ală sơgơn bơtau ală kòn klau Set dê.