Ejekiel 18:9 - Sră Goh 2018

⁹ Khai lơh jat ală jơnau sồr Añ jê mơ dòn song prap gàr bơta sồr lam Añ jê. Cau hơ̆ la cau song ring; di ngan la khai rơp kis, Jehôwa Yàng Tom Trồ đơs behơ̆.

Ejekiel 18:9 Mawu Ofanana

Habakuk 2:4

Sền tĕ, di cau pơnhừ să, hwềng ơm tòm bol khai ò song ring; mơya cau song ring kis bơh bơta dòn khai dê.

Ejekiel 20:11

Añ neh ai bol khai in jơnau sồr Añ jê, mơ sơnio bol khai in git ală bơta boh lam Añ jê, bơh cau lơi lơh jat ală bơta hơ̆ gen rơp geh kis.

Amôs 5:4

Yàng Jehôwa đơs mơ hìu Israel be do: “Jòi jat tĕ Añ mơ geh kis;

Ejekiel 18:17

Khai ruc tê wơl bơh di tồi glài mơ ò sa jền cồng kơnjơ̆ hala ai jền cồng oă rlau. Khai prap gàr ală bơta boh lam Añ jê mơ lơh jat ală jơnau sồr Añ jê. Khai rơp ò chơt bơh bơta tồi glài bèp khai dê, ngan la khai rơp kis.

I Jang 2:29

Dilah bol mê git Yàng Jesu Krist la song ring, gen bol mê git nền lah kòp nă cau lơi lơh jat bơta song ring, hơ̆ la kòn Yàng Tom Trồ.

Rôma 1:17

Tòm Jơnau Niam do, bơta song ring Yàng Tom Trồ dê geh ràng tơlik bơh bơta dòn tus hơ bơta dòn, be neh cih lah: “Cau song ring rơp kis bơh bơta dòn.”

I Jang 3:7

Ơ ală kòn sau añ jê, bañ lòi cau lơi pơrlồm bol mê: Cau lơi lơh bơta song ring la song ring be Yàng la song ring.

Broă 24:16

Behơ̆ tàng añ kư̆ jơh nùs rcang sùm, nùs tồr sàng goh di đap Yàng Tom Trồ mơ di đap cau sơl.

Jang 14:21

Cau lơi gơs ală bơta sồr lam Añ jê mơ prap gàr, hơ̆ la cau kòñ gơboh di Añ; cau lơi kòñ gơboh di Añ gen rơp geh Bèp Añ kòñ gơboh wơl, Añ kung rơp kòñ gơboh di khai, mơ yal tơlik să tòm Añ khai in.”

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Amôs 5:24

Mơya lòi tĕ bơta song ngan hòr lik kung be dà, mơ bơta song ring kung be croh dà hòr sùm sùm!

Amôs 5:14

Jòi jat tĕ bơta niam, bañ jòi jat bơta iơh, gen bol mê geh kis; mơ Jehôwa Yàng Tom Trồ Gơnap Gơnoar Dờng Làm Jơh, rơp ơm bal mơ bol mê; tòm toh be bol mê đơs.

Ejekiel 37:24

Cau duh broă Añ jê la Dabit rơp lơh gơs bơtau at bồ hơđang bol khai mơ jơh tơl nă bol khai rơp gơs mìng dô nă cau ê lơm. Bol khai rơp cơnđòa lòt jat ală bơta boh lam Añ jê mơ kơrhia prap gàr ală bơta sồr lam Añ jê.

Ejekiel 36:27

Añ rơp ơn Hwềng Añ tòm bol mê, mơ lơh bol mê in lòt jat bơta sồr lam Añ jê, mơ kơrhia prap gàr ală bơta boh lam Añ jê.

Ejekiel 33:15

dilah bol khai tơm wơl phan cau ai bồ nàng càn jền khai dê, tơm wơl phan bol khai neh ntung kơñau, cơnđòa lòt jat ală bơta sồr lam bơta kis dê, mơ ò lơh bơta iơh bơsak, ngan bol khai rơp ò chơt mơya kis.

Ejekiel 20:13

Mơya hìu Israel tòmdră mơ Añ tòm ƀlàng ngềt ngơt; bol khai ò lơh jat jơnau sồr Añ jê, mơya sang lòi ală bơta sồr lam Añ jê, bulah cau lơi lơh jat gen rơp geh kis bơh gơ, mơ bol khai neh sền òsơp oă ngan di ală ngai Saƀat Añ jê. Behơ̆ Añ neh kơlôi Añ rơp tuh bơta gơjrañ dờng Añ jê hơđang bol khai tòm ƀlàng ngềt ngơt, nàng tơnroh bol khai.

Yal Wơl 11:1

Kòñ gơboh tĕ Jehôwa Yàng Tom Trồ bol mê dê mơ prap gàr ală gơnoar broă Kơnràñ jào, ală bơta lơh nền Kơnràñ dê, ală bơta boh lam Kơnràñ dê mơ ală jơnau sồr Kơnràñ dê.

Yal Wơl 5:1

Môise pơjum jơh Israel mơ đơs lah: “Ơ Israel, iat tĕ ală bơta lơh nền mơ ală bơta boh lam mơ añ bơto yal tòm tồr bol mê tòm ngai do. Bơtê tĕ mơ lơh nền lơh jat ală bơta hơ̆.

Yal Wơl 4:1

Ơ Israel, tŭ do iat tĕ ală bơta lơh nền mơ ală bơta boh lam mơ añ rơp bơto bol mê. Lơh jat ală bơta hơ̆ tồ bol mê geh kis mơ rgơi mut mơ dòp geh lơgar Jehôwa Yàng Tom Trồ ală ồng pàng bol mê dê ai bol mê in.

Lebi 18:5

Prap gàr tĕ ală bơta lơh nền mơ ală bơta boh lam Añ jê; bơh cau lơi lơh jat ală bơta hơ̆ gen bơh hơ̆ rơp kis. Añ la Yàng Jehôwa.

Rôma 8:1

Gen tàng tŭ do ò gơs bơta lơh nền glài di ală cau ơm tòm Yàng Krist Jesu

Ejekiel 11:12

Gen bol mê rơp git Añ la Yàng Jehôwa, bơh bol mê neh ò lơh jat ală bơta sồr lam hala prap gàr ală bơta sồr lam Añ jê; mơya bol mê neh lơh jat ală sơnoa rnoas ală lơgar ơm gùt dar bol mê.’”

Ejekiel 18:10

Dilah khai gơs dô nă kòn klau rhung rhang mơ lơh gơtuh mhàm, hala lơh bơta lơi ndai ò di kung be ală bơta neh đơs hơđang ne,

Ejekiel 18:19

Bulah behơ̆ bol mê gam lùp lah: ‘Ñchi bơh tài cau kòn ò kong bơta lơh glài bal mơ bèp khai dê taih?’ Tài bơh cau kòn neh lơh jat bơta song mơ dimơ neh kơrhia prap gàr jơh ală jơnau sồr Añ jê: ngan la khai rơp kis.

Yal Wơl 6:25

Mơ dilah bol hi kơrhia dòn bơr lơh jat jơh bơta boh lam do di đap Jehôwa Yàng Tom Trồ bol hi dê, be Kơnràñ neh sồr bol hi, gen bol hi neh lơh bơta di ngan.”

I Ală Bơtau 9:4

Ai mê, dilah mê rơp lòt di đap Añ, be Dabit, bèp mê neh lòt, ai nùs song ngan mơ song ring lơh jat jơh ală bơta Añ neh nting sồr mê, mơ prap gàr ală bơta boh lam mơ gơnoar sồr Añ jê,

Jơnau Pơnđik 12:28

Tòm gùng cau song ring gơs bơta kis; cơnđòa lòt tòm gùng hơ̆ ò gơs bơta chơt.