Ejekiel 15:6 - Sră Goh 2018

⁶ Gen tàng, Jehôwa Yàng Tom Trồ đơs be do: “Kung be tòm ño digùl ală chi tòm brê mơ Añ neh ai nàng lơh gơs lòng sing ồs, gen Añ kung rơp lơh behơ̆ gơwèt hơ làng bol Jerusalem.

Ejekiel 15:6 Mawu Ofanana

Esai 27:11

Tòm tŭ ală ntê ro neh pă, ală cau ùr tus dòñ nàng sing ồs. Bơh do la dô nơm làng bol ò git wă, gen tàng Bơtau neh crơng gơs bol khai ò kòñ nđàc di bol khai, Bơtau neh mòn gơs bol khai ò yal tơlik bơta nđàc bol khai in.

Jeremi 21:7

Yàng Jehôwa đơs: ‘Tơnơ̆ mơ hơ̆, Añ rơp jào Jedekia, bơtau Juda, dĭ gơna mơ làng bol khai dê, hơ̆ la ală cau gam wơl tòm ƀòn dờng, neh klàs bơh pluh plàng, pềs tà, jơgloh rung, Añ rơp phi bol khai tòm tê Nebukatnessar, bơtau Babilôn, tòm tê ală cau sò tơm bol khai dê mơ ală cau kòñ jòi bơta kis bol khai dê. Nebukatnessar rơp tơnchơt bol khai mơ đào, ò pơlai, ò kòñ nđàc, ò git nđàc sơngit.’

Jeremi 25:18

Ai Jerusalem mơ ală ƀòn Juda dê, ală bơtau mơ ală kwang at bồ gơ dê, lơh bol gơ in gơlik gơs tiah sang lòi ngềt ngơt, kong sền òsơp, kong srat sơntơm kung be ngai do;

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Ejekiel 15:2

“Ơ kòn mơnus, mbe tòm chi ño rgơi gơs lin rlau mơ ală tòm ño ndai digùl ală chi tòm brê taih?

Ejekiel 15:4

Sang gơtòm ồs nàng sing, tòm tŭ ồs neh sa bàr đah bồ gơ, mơ gơl digùl ồs sa gơs chah, gen gơ gam gơs kwơ tòm broă lơi taih?

Ejekiel 15:5

Tòm tŭ gơ gam gơs wil tơl gơ neh la ò gơs kwơ bơta lơi in, tơ ài lah tòm tŭ gơ neh ồs sa gơs chah rau gen sơlo ò kwơ rlau tai ò git nđò nàng lơh gơs kwơ phan lơi in!”

Ejekiel 15:7

Añ rơp wèt mat tòmdră mơ bol khai. Bulah bol khai neh lik klàs bơh ồs, ồs rơp gam chu pơrguc bol khai. Mơ mê rơp git Añ la Yàng Jehôwa, tòm tŭ Añ wèt mat tòmdră mơ bol khai.

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”