Ejekiel 14:7 - Sră Goh 2018

⁷ Dilah gơs cau Israel lơi hala cau làng bơdìh lơi ơm tòm Israel cah is să tòm khai bơh di Añ, cèng rùp ràk tơmut tòm nùs khai dê, mơ ơn dô nơm phan lơh gơtup tìs di đap khai, lồc behơ̆ lòt tus hơ cau gơnoar hwơr nàng hòi lùp Añ, gen Añ, Yàng Jehôwa, să tòm Añ rơp ho wơl khai in.

Ejekiel 14:7 Mawu Ofanana

Lik Ejiptơ 12:48

Dô nă cau làng bol bơdìh kis digùl bol mê kòñ pơjum ngai Pơjum sa Lòt Gan Yàng Jehôwa dê gen kòp nă cau klau tòm hìu nhă khai dê pal kong siat gơltau; lồc behơ̆ sồng khai rgơi pơjum sa kung be dô nă cau neh deh tòm lơgar. Ò gơs dô nă cau klau lơi ò kong siat gơltau rgơi sa ngai pơjum sa hơ̆.

Lik Ejiptơ 20:10

mơya ngai poh la ngai Saƀat Jehôwa Yàng Tom Trồ bol mê dê. Tòm ngai hơ̆ bol mê, kòn klau, kòn ùr, cau klau duh broă, cau ùr duh broă, ală phan poan jơng, bal mơ ală cau làng bơdìh ơm tòm hìu bol mê dê rơp ò lơh dô nơm broă lơi.

Esai 63:17

Ơ Yàng Jehôwa, ñchi bơh tài Kơnràñ lòi bol hi lòt tìs nrah ngài bơh di gùng Kơnràñ dê, mơ lơh kơldang nùs bol hi dê tian gơs bol hi ò ki ngàm di Kơnràñ taih? Dan Yàng rê wơl, tài bơh ală cau duh broă Kơnràñ dê, tài bơh ală jơi bơtiàn la phan jơtài Kơnràñ dê.

Jeremi 37:17

Gen, bơtau Jedekia sồr hòi Jeremi, mơ dòp rò khai. Cau bơtau lùp òm khai tòm gơlang bơtau, lah: “Yàng Jehôwa neh đơs jơnau lơi sơl?” Jeremi ho lah: “Gơs!” mơ pơnjat tai lah: “Bơtau rơp kong jào tòm tê bơtau Babilôn.”

Ejekiel 3:20

Kung behơ̆, dilah dô nă cau song ring pơrlac sang bơta song ring khai dê mơ lơh bơta iơh, mơ Añ ơn kai gơtup pừ di đap khai gen khai rơp chơt. Tài bơh mê ò bơto pơhìn khai gen khai rơp chơt bơh tồi glài khai dê. Ală bơta song ring mơ khai neh lơh rơp ò gam kah tai, mơ Añ rơp kòp mê gơs glài bơh mhàm khai dê.

Sră Ôse 4:14

Añ rơp ò lơh glài ală kòn ùr bol mê dê tòm tŭ bol khai lơh bơta dri tơlàr, mơ kung ò lơh glài ƀan bol mê dê tòm tŭ bol khai lơh bơta rềs àr bơrnàn; tài bơh ală cau klau bol khai lòt rê mơ ală ùr dri, mơ ơn phan ơn pơdơng bal tòm tiah duh khoai ală cau dri tơlàr dê. Dô nơm làng bol ò git wă behơ̆ rơp gơkòl roh rui.

Sră Ôse 4:5

Mê rơp gơtup pừ tòm trồ ngai, mơ ală cau gơnoar hwơr kung gơtup pừ bal mơ mê tòm trồ mang sơl. Behơ̆ Añ rơp tơnroh mè mê dê.

Sră Ôse 9:10

Tòm tŭ Añ jòi bàn Israel, kung be jòi bàn tơrkum plai ño tòm ƀlàng ngềt ngơt; tòm tŭ Añ gŏ ală ồng pàng bol mê dê, gen kung be gŏ plai chi ƀal gơlik plai sơnròp tòm bồ sơnam. Mơya bol khai neh lòt tus hơ Baal Pheô, bol khai ơn să tòm bol khai rùp ràk ƀàssìl ƀàsso in, mơ gơlik gơs cù kìr kung be phan mơ bol khai neh kòñ gơboh.

Lebi 16:29

Do la dô bơta sồr lam gam sùm sùm bol mê in: Tòm ngai jơt kơnhai poh bol mê pal ơt sa mơ bañ lơh dô nơm broă lơi, bulah la cau deh tòm lơgar hala cau làng bơdìh ơm digùl bol mê,

Lebi 20:2

“Đơs tĕ mơ cau Israel lah: ‘Cau Israel hala cau làng bơdìh lơi ơm tòm Israel ai kòn lơi tòm ală kòn khai dê Molok in gen cau hơ̆ pal kong tơnchơt. Làng bol tòm lơgar pal cơm lŭ tơnchơt khai.

Lebi 24:22

Bol mê pal gơs mìng dô bơta boh lam cau làng bơdìh mơ cau deh tòm lơgar in. Añ la Jehôwa Yàng Tom Trồ bol mê dê.’”

Khà Làng Bol 15:15

Mpồl jơnum làng bol kung pal gơs ală sơnoa rnoas ndròm bal bol mê in mơ cau làng bơdìh in ơm kis digùl bol mê; hơ̆ la dô bơta lơh nền gam sùm ală rài rơp tus in. Bol mê mơ cau làng bơdìh rơp gơs ndròm bal di đap Yàng Jehôwa.

Khà Làng Bol 15:29

Dô bơta boh lam do rơp lơh gơs kòp nă cau in tìs glài gơtup gơtơl, bulah khai la cau deh tòm lơgar hala cau làng bơdìh.

Yal Wơl 29:19

Jơh ală cau kơno ală jơnau srat să ho nền do, hừh nùs mơ kơlôi sơnơng is tòm nùs lah: ‘Añ rơp geh lơngap lơngai bulah añ kư̆ kơldang nùs lòt jat gùng is añ jê.’ Bơta hơ̆ rơp cèng tus bơta rung rài hơđang ù tiah sùh kung be hơđang ù tiah ro rañ.

Jude 1:19

Hơ̆ la ală cau cah is mpồl, jat đah dunnia ò gơs Yàng Hwềng.