Ejekiel 14:16 - Sră Goh 2018

¹⁶ bulah tòm lơgar gơs pe nă cau hơ̆, Jehôwa Yàng Tom Trồ đơs, kung be Añ kis, bol khai kung ò rgơi dong klàs ală kòn klau hala ală kòn ùr bol khai dê. Mìng să tòm bol khai geh dong klàs lơm, mơya lơgar rơp kong sang lòi ngềt ngơt.

Ejekiel 14:16 Mawu Ofanana

Sơnròp Gơlik Gơs 19:29

Tòm tŭ Yàng Tom Trồ tơnroh ală ƀòn tòm ƀlàng, hơ̆ la ală ƀòn Lot ơm, gen Kơnràñ kah Abraham mơ dong Lot lik klàs bơh tiah rung rài hơ̆.

Sră Jop 22:20

đơs lah: ‘Ngan la cau sò tơm di bol hi kong tơnroh, Mơ phan lơi bol khai lòi wơl, gen gơkòl ồs sa pơrguc.’

Ejekiel 14:14

bulah tòm lơgar hơ̆ gơs pe nă cau do la Nôe, Daniel, mơ Jop, bol khai kung mìng rgơi dong klàs să tòm bol khai bơh bơta song ring bol khai dê,” Jehôwa Yàng Tom Trồ đơs behơ̆.

Ejekiel 14:18

gen bulah tòm lơgar gơs pe nă cau hơ̆, kung be Añ kis Jehôwa Yàng Tom Trồ đơs lah, bol khai kung ò rgơi dong klàs ală kòn klau hala ală kòn ùr bol khai dê. Mìng să tòm bol khai geh dong klàs lơm.

Ejekiel 14:20

gen Jehôwa Yàng Tom Trồ đơs lah, ngan kung be Añ kis, bulah tòm lơgar hơ̆ gơs Nôe, Daniel mơ Jop, bol khai kung ò rgơi dong klàs kòn klau hala kòn ùr bol khai dê, mìng rgơi dong klàs să tòm bol khai lơm, bơh bơta song ring bol khai dê.

Ejekiel 18:20

Hwềng soàn lơi tìs glài gen hwềng soàn hơ̆ rơp chơt. Kòn rơp ò kong bơta tồi glài bơh bèp khai dê, mơ bèp kung ò kong bơta tồi glài bơh kòn khai dê sơl. Bơta song ring cau song ring dê rơp geh kòp khai in, mơ bơta iơh bơsak cau iơh bơsak dê rơp cèng bơta cahrña lơh glài khai in.

Ejekiel 33:11

Đơs tĕ mơ bol khai lah: ‘Jehôwa Yàng Tom Trồ đơs lah: Ngan be Añ kis sùm, Añ ò niam nùs tòm bơta chơt cau iơh bơsak dê, mơya Añ niam nùs gŏ bol khai pơrlac sang ală gùng dà bol khai dê mơ kis. Pơrlac sang tĕ! Pơrlac sang ală gùng dà iơh bơsak bol mê dê! Ñchi bơh tài bol mê kòñ chơt, ơ hìu Israel?’

Broă 27:24

mơ đơs lah: ‘Ơ Pol, bañ rngòt, mê pal lòt tus ntào di đap Sesa, mơ do, Yàng Tom Trồ neh ai mê in jơh ală cau hào ơhò bal mơ mê.’

Hebrơ 11:7

Bơh bơta dòn Nôe geh Yàng yal lài bơh ală bơta òhềt gŏ, khai gơs nùs duh rngòt mơ lơh gơs dô nơm ơhò nàng dong klàs hìu nhă khai dê; bơh bơta dòn hơ̆ khai lơh nền glài dunnia, mơ khai gơlik gơs cau pơrdòn bơta song ring bơh bơta dòn.

Jakơ 5:16

Behơ̆ yal glài tĕ bal mơ gơp, mơ hòi dan tĕ bal mơ gơp, tồ ală oh mi in geh sơmbòi. Jơnau hòi dan cau song ring dê gơs gơnap gơnoar dờng ƀă tàm ngan.