Añ rơp sồr pềs tà, jơgloh rung, pluh plàng tus hơđang bol khai, jơl tus di tŭ bol khai kong tơnroh jơh hir bơh lơgar Añ neh ai bol khai in bal mơ ồng pàng bol khai dê.’”
Behơ̆, do la jơnau Yàng Jehôwa Gơnap Gơnoar đơs: “Ngan, Añ rơp sồr pềs tà, jơgloh rung, mơ pluh plàng tus hơđang bol khai, rơp lơh bol khai in tòm toh be ală plai chi ƀal ồm, tian gơs cau ò rgơi sa.
Gen làng bol Israel rơp ò tai lòt tìs nrah bơh di Añ, kung ò tai lơh ƀơ̆ ƀơl să tòm bol khai bơh jơh ală bơta tồi glài bol khai dê. Bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê, Jehôwa Yàng Tom Trồ đơs behơ̆.”’”
