Ejekiel 14:1 - Sră Goh 2018

¹ Ngan gơs bàr pe nă cau kwang kra Israel dê tus mơ añ mơ nggui di đap añ.

Ejekiel 14:1 Mawu Ofanana

II Ală Bơtau 6:32

Tŭ hơ̆ Elise ơm nggui tòm hìu, mơ ală cau kwang kra ơm nggui bal mơ khai. Lài mơ tŭ ală cau geh sồr lòt tus, Elise đơs mơ ală cau kwang kra lah: “Bol mê gŏ sơl hơ̆ la cau tơnchơt cau neh sồr cau tus nàng koh bồ añ? Tòm tŭ cau kong sồr tus, gen bol mê kal mpồng wơl, mơ đơng kơ̆ mpồng tòmdră mơ khai. Hơ̆ ò di la ntas jơng cau tòm khai dê tus bơh ngkòi khai ò ơ?”

Esai 21:12

Cau kơp gàr ho lah: “Àng drim tus, mơ mang kung tus. Dilah mê kòñ lùp gen lùp tĕ; rê wơl tai.”

Esai 29:13

Yàng Jehôwa neh đơs lah: “Tài bơh làng bol do mìng ai bơr tus rềp mơ Añ, ai sơndồi jòng ro Añ, mơya nùs bol khai ơm ngài bơh Añ. Bơta bol khai duh khoai Añ mìng la jat bơta sồr lam kòn mơnus dê, bơtê bơta sồr lam mơ ò git wă.

Ejekiel 14:2

Gen gơs jơnau Yàng Jehôwa đơs mơ añ lah:

Ejekiel 20:1

Tòm ngai jơt kơnhai pram nam dơ̆ poh, gơs dô êt nă cau kwang kra Israel dê lòt tus nàng hòi lùp Yàng Jehôwa, mơ nggui di đap añ.

Ejekiel 20:3

“Ơ kòn mơnus, đơs tĕ mơ ală cau kwang kra Israel dê mơ yal tĕ bol khai in lah: Jehôwa Yàng Tom Trồ đơs lah: ‘Ñchi bơh tài bol mê neh lòt tus nàng hòi lùp Añ taih?’ Jehôwa Yàng Tom Trồ đơs lah: ‘Di ngan kung be Añ kis, Añ rơp ò lòi bol mê hòi lùp Añ.’

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Ejekiel 33:32

Ngan, bol khai mìng sền rmê kung be dô nă cau jak đơs chò bơkah tồr gơs ală jơnau kòñ gơboh, mơ kung be dô nă cau jak pĕ kơñi, bơh bol khai kơno ală jơnau mê dê mơya ò lơh jat ală jơnau hơ̆.

Ejekiel 8:1

Nam dơ̆ prau, ngai pram kơnhai prau, tòm tŭ añ ơm nggui tòm hìu añ jê, mơ ală cau kwang kra Juda dê ơm nggui di đap añ, gen tê Jehôwa Yàng Tom Trồ dê tus hơđang añ.

Luka 10:39

Khai gơs dô nă oh ùr sơnđan la Mari nggui di jơng Yàng Jesu nàng iat jơnau Kơnràñ.

Broă 22:3

“Añ la cau Juda, deh tòm Tarsơ kơnhwàl Silisi, mơya añ geh ròng siam tòm ƀòn dờng Jerusalem, la cau bơtê Gamaliel dê, jat dô bă kràñ cê bơta boh lam ồng pàng bol he dê, mơ gơs nùs ngac ngar gơwèt hơ Yàng Tom Trồ, kung be jơh ală ồng tòm ngai do sơl.

Broă 4:5

Ngai tơnơ̆, ală cau kwang làng bol dê, ală cau kwang kra, mơ ală cau bơto bơta boh lam pơjum tòm Jerusalem,

Broă 4:8

Tŭ hơ̆ Pier bềng lìu Yàng Hwềng Goh mơ đơs lah: “Ơ ală cau kwang làng bol dê mơ ală cau kwang kra,