Ejekiel 10:2 - Sră Goh 2018

² Gen Yàng Jehôwa đơs mơ cau soh bài che dơmài lah: “Mut tĕ tòm gùl ală dơwàng kong rơndeh hơđơm ceruƀim; tơmbềng tĕ bàr đah tê mê mơ ồs rnga hơng bơh digùl ală ceruƀim, mơ rsìh gơ hơđang làm jơh ƀòn dờng.” Cau hơ̆ mut tòm tŭ añ rmê sền.

Ejekiel 10:2 Mawu Ofanana

II Ală Bơtau 25:9

Khai chu hìu duh khoai Yàng Jehôwa, gơlang bơtau dê, mơ ală hìu tòm ƀòn dờng Jerusalem; chu pơrguc jơh ală hìu dờng.

Đơs Crih 140:10

Lòi ồs rnga tuh hơđang bol khai! Lòi bol khai kong sơrbì tòm ală trồm jrô, ò gơs tŭ lơi geh lik tai!

Đơs Crih 18:10

Kơnràñ hào ceruƀim mơ par, Kơnràñ par mhar hơđang pơnđar càl dê.

Lik Ejiptơ 25:18

Mơ lơh tĕ bàr nơm rùp ceruƀim mơ màh klơn, ơn bàr đah bồ bơnap.

Esai 30:30

Yàng Jehôwa rơp lơh cau in kơno sap đơs ryŭ ryơm Kơnràñ dê, mơ rơp ai bol khai in sền gŏ tơwòr tê Kơnràñ dê tơndùh bơta gơjrañ dờng bal mơ ồs sa pơrguc, càl khồm druh, càl rbut dờng, mơ mìu piar.

Ejekiel 1:13

Rùp să ală phan wìn kis hơ̆ gơlơh kung be ồs rnga mơ kung be ală sơmpòl ồs. Ồs gơguh hơđap mơ gơruc wơl digùl ală phan wìn kis hơ̆, ồs àng gơcrà mơ gơs puhlèp gơlik bơh ồs.

Ejekiel 10:16

Tòm tŭ ală ceruƀim lòt gen ală kong rơndeh di gah gơ kung lòt bal; mơ tòm tŭ ală ceruƀim pò pơnđar nàng guh bơh di ù tiah gen ală kong rơndeh ò tòmgơl tiah.

Ejekiel 9:11

Gen cau soh bài che dơmài mơ gơs ding ơn gai cih kơt di but, ai jơnau đơs wơl lah: “Añ neh lơh sir jat be jơnau Kơnràñ neh sồr.”

Daniel 7:9

“Añ tơnggòr sền jơl tus di tŭ ală sơbàn neh ơn, mơ gơs Bơtau Yau Òr nggui hơđang sơbàn Kơnràñ dê. Ào Kơnràñ bò be piar, mơ sŏ di bồ Kơnràñ bò be sơnò belàt dê. Sơbàn Kơnràñ dê la ală lơmpiat ồs, mơ ală kong rơndeh la ồs hơng.

Yal Tơlik 8:5

Cau gơnrơh ai gri kơlhô, ai ồs bơh cơnòng duh khoai mơ ơn bềng tòm hơ̆, mơ sơrbì gơtòm ù; gen gơs ală ntơr kơnàs, jơnau ntas dờng, puhlèp mơ lơnggơr ù.