Ejekiel 10:10 - Sră Goh 2018

¹⁰ Bơh rùp să ală kong rơndeh hơ̆ poan nơm gơs rùp ndròm bal; kòp nơm gơlơh kung be dô nơm kong rơndeh tòm rsò mơ kong rơndeh.

Ejekiel 10:10 Mawu Ofanana

I Ală Bơtau 7:30

Kòp kơndòl gơs poan nơm kong rơndeh mơ dơm kòng, mơ di poan mum gơs phan đo nàng ơn dô nơm cờu mơ ală che bơkào.

Đơs Crih 104:24

Ơ Yàng Jehôwa, ală broă Kơnràñ dê la oă ngan ò git lơh! Kơnràñ neh lơh jơh ală bơta dô bă jak chài ngan; Plai ù bềng lìu ală phan kis mơ Kơnràñ neh crơng gơs.

Đơs Crih 36:6

Bơta song ring Kơnràñ dê la dờng be ală mơnơm, Ală bơta cahrña Kơnràñ dê la jrô be cìr jrô ngan. Ơ Yàng Jehôwa, Kơnràñ dong tă jơi kòn mơnus mơ phan poan jơng.

Đơs Crih 97:2

Mhwal mơ bơta klam jơngo ơm gùt dar Kơnràñ; Bơta song ring mơ bơta song ngan lơh gơs mơnàng sơbàn Kơnràñ dê.

Ejekiel 1:1

Tòm nam dơ̆ pe jơt, ngai pram kơnhai poan, tòm tŭ añ ơm digùl ală cau kong kup cèng pơrdô, di gah hiòng Kebar, ală tap trồ pò tơlik mơ añ gŏ ală bơta gơtơnggŏ Yàng Tom Trồ dê.

Ejekiel 1:16

Rùp mơ să ală kong rơndeh hơ̆ la be do: bol gơ gơcrà kung be lŭ màng tơlir, mơ jơh poan nơm kong gơlơh ndròm bal. Rùp să gơ dê gơlơh be kong rơndeh do gơrsò tòm kong rơndeh ne.

Ejekiel 10:11

Tòm tŭ bol gơ lòt, bol gơ rgơi lòt đah lơi di lơm tòm poan đah di đap mat bol gơ; tòm tŭ bol gơ lòt gen ală kong rơndeh ò càng pơrlac wơl. Ală ceruƀim lòt đah lơi di đap mat bol gơ kung ò càng wơlke tòm tŭ lòt.

Ejekiel 10:9

Añ tơnggòr sền mơ gŏ gơs poan nơm kong rơndeh di gah ceruƀim, dô nơm kong rơndeh di gah kòp nơm ceruƀim; ală kong rơndeh hơ̆ gơcrà kung be lŭ màng rmit.

Rôma 11:33

Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!