Ejekiel 1:4 - Sră Goh 2018

⁴ Añ rmê sền mơ gŏ dô ròs càl rbut tus bơh đah đang, dô puk mhwal dờng gơs ồs puhlèp, mơ gơs bơta àng gơcrà ngan gòm gơrwàng gùt dar. Digùl ồs gơlơh be lòs neh ồs sa hơng,

Ejekiel 1:4 Mawu Ofanana

I Ală Bơtau 19:11

Yàng Tom Trồ đơs mơ khai lah: “Lik tĕ, ntào di jơng mơnơm di đap Yàng Jehôwa, bơh Yàng Jehôwa rơp lòt gan.” Tŭ do gơs dô ròs càl dờng khồm pràn ngan di đap Kơnràñ, crè ală mơnơm, mơ lơh bơcah ală pơnai lŭ gơlik rpot rpet; mơya Yàng Jehôwa ò ơm tòm càl. Tơnơ̆ mơ ròs càl gơs dô bơta gơlơnggơr ù, mơya Yàng Jehôwa ò ơm tòm ù lơnggơr;

II Ală Bơtau 2:11

Tòm tŭ bol khai lòt ndang tòmbơhbơr ndang, gen gơs dô nơm rơndeh ồs mơ ơseh ồs cah is bàr nă bol khai; Eli guh hơ trồ tòm dô nơm càl wàl bong.

II Yal Yau 5:13

Hơ̆ la broă tòm ală cau uh kơlwòk mơ ală cau đơs chò nàng lơh bol khai in gơs dô bă bal nàng jòng ro mơ ưnngài Yàng Jehôwa, mơ tòm tŭ ală bơta đơs chò geh đơs, bal mơ ală kơlwòk, mơ ală cing mơ ală kơñi ndai, jòng ro Yàng Jehôwa lah; “Bơh Kơnràñ la niam, bơta kòñ gơboh kơ̆ dơn Kơnràñ dê gam sùm sùm.” Gen hìu duh khoai Yàng Jehôwa dê geh bềng mhwal,

Sră Jop 38:1

Gen Yàng Tom Trồ ho wơl mơ Jop, bơh tòm càl rwac lah:

Đơs Crih 50:3

Yàng Tom Trồ bol he dê tus mơ ò ơm mŏ mŏ; Di đap Kơnràñ gơs ồs chu pơrguc, Gùt dar Kơnràñ gơs càl rbut dờng.

Lik Ejiptơ 9:24

Mìu piar mơ ồs puhlèp kư̆ gơpơnjat sùm. Lơh gơs mìu piar rngòt rngơt ngan, bơh di tŭ Ejiptơ bơtào lơgar jơl tus tŭ do òhềt gơs behơ̆.

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Esai 21:1

Jơnau đơs hwơr bơh Ƀlàng ngềt ngơt di gah dàlềng: Be càl wàl bong khồm pơs tòm Negep, gơ tus bơh ƀlàng bràs, bơh dô nơm lơgar rngòt rngơt,

Jeremi 23:19

Sền ne, càl rbut Yàng Jehôwa dê! Hơ̆ la bơta gơjrañ dờng Yàng Jehôwa dê neh gơhào, Kung be càl wàl bong, Gơ neh khồm druh hơđang bồ ală cau iơh bơsak dê.

Jeremi 25:32

Yàng Jehôwa Gơnap Gơnoar đơs be do: ‘Sền tĕ, bơta rung rài neh rsìh làm jơh, Bơh lơgar do tus hơ lơgar ne; Mơ càl rbut dờng neh gơlơnggac. Bơh tiah ngài rlau jơh plai ù dê.’

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 4:6

Yò tơngguh tĕ bồng bi wèt hơ Siôn! Ntoat dô nàng geh dong tă, bañ lơh òbat! Bơh Añ cèng bơta rung rài bơh đah đang, mơ dô bơta gơprah gơpring dờng.

Jeremi 6:1

“Ơ ală kòn sau Benjamin, Lik dô tĕ bơh Jerusalem nàng geh lơngap lơngai. Uh kơlwòk tĕ tòm Tekôa, pò tơngguh bồng bi hơđang Bethakkerem; bơh mƀur bơta iơh tus bơh đah đang, Mơ bơta roh gơprah dờng ngan.

Ejekiel 1:27

Añ sền gŏ bơh di but tus hơđang cau hơ̆ gơlơh be kòng àng gơcrà, gơlơh kung be ồs hơng, mơ bơh di but tus hơđơm cau hơ̆ gơlơh kung be ồs; mơ gơs bơta àng gơcrà gùt dar.

Ejekiel 13:11

Đơs tĕ mơ ală cau pih gơ mơ cùr bò lah gơ rơp tơrlơm. Tềng hơ̆ rơp gơs dà kŏ mìu dờng tus, lŭ piar rơp dùh mơ càl rbut dờng rơp khồm pràn.

Ejekiel 13:13

Behơ̆ gen, Jehôwa Yàng Tom Trồ đơs be do: ‘Tòm bơta gơjrañ dờng Añ jê, Añ rơp sồr càl rbut dờng, mơ tòm bơta gơhào gơjrañ Añ jê, Añ rơp dùh lŭ piar mơ mìu dờng tơnroh lề lac jơh.

Ejekiel 43:3

Bơta gơtơnggŏ añ neh gŏ hơ̆ tòm toh be bơta gơtơnggŏ mơ añ neh gŏ tòm tŭ Kơnràñ tus nàng tơnroh ƀòn dờng, mơ kung be ală bơta gơtơnggŏ mơ añ neh gŏ di gah hiòng Kebar, mơ añ gơpừ blup mat tòm ù.

Ejekiel 8:2

Añ tơnggòr sền mơ gŏ gơs rùp să gơlơh kung be rùp dô nă kòn mơnus. Bơh di but cau hơ̆ tus di hơđơm khai gơlơh be ồs; ai bơh di but tus di hơđang gơlơh àng gơcrà kung be kòng àng lơr.

Sacari 6:6

Rơndeh gơs ală ơseh jù lòt hơ lơgar đah đang, rơndeh gơs ală ơseh kò lòt hơ lơgar đah mattơngai mut, mơ rơndeh gơs ală ơseh pàl sơnràng lòt hơ lơgar đah đơm”

Hebrơ 12:29

bơh Yàng Tom Trồ bol he dê la be ồs chu pơrguc.

Yal Tơlik 1:15

jơng Kơnràñ dê gơlơh be kòng àng gơcrà, neh ryă tòm bơnhă ồs; mơ jơnau đơs Kơnràñ dê be jơnau ală dà nggồr.