Ejekiel 1:10 - Sră Goh 2018

¹⁰ Muh mat bol gơ sền gŏ be do: kòp nơm tòm poan nơm hơ̆ gơs muh mat kòn mơnus dê, mơ di gah ma bol gơ dê gơs muh mat klìu triă; đah kiau bol gơ dê gơs muh mat kơnrồ; kung gơs muh mat klàng bung dê sơl.

Ejekiel 1:10 Mawu Ofanana

I Yal Yau 12:8

Bơh mpồl cau Gadit neh lòt tus hơ Dabit tòm theng kơ̆ cê tòm ƀlàng ngềt ngơt, mơ la ală cau git làm bơta tòmlơh, chài rgơi at khèl mơ tà. Muh mat bol khai dê la be muh mat klìu triă, mơ bol khai sơrbac sơrbang be ală be brê hơđang ală mơnơm.

Sră Jop 39:27

Tòm bơta gơhào gơjrañ gơ sa loan ù, Gơ ò rgơi ơm ntào tòm tŭ ntas kơlwòk.

Jơnau Pơnđik 14:4

Tiah lơi ò gơs kơnrồ, tềng hơ̆ bòng ñhơt soh gòi; Mơya cồng nha oă bơh pràn kơnrồ dam mơ gơs.

Esai 40:31

Mơya cau lơi gơn kơnòm di Yàng Jehôwa gen rơp geh pràn pa, bol khai rơp pò pơnđar par jơnhoa hơđang kung be klàng bung; bol khai rơp ntoat mơ ò bòl glar, bol khai rơp lòt mơ ò lơgah lơgañ.

Esai 46:8

Ơ ală cau jak tòmdră, kah tĕ bơta hơ̆, ơn tĕ tòm dơngoh jak, prap tĕ tòm nùs.

Ejekiel 1:6

mơya kòp nơm phan hơ̆ gơs poan nơm muh mat mơ poan nơm đar.

Ejekiel 10:14

Kòp ceruƀim gơs poan đah muh mat: muh mat dùl gơs be ceruƀim; muh mat bàr gơs be kòn mơnus; muh mat pe gơs be klìu triă; mơ muh mat poan gơs be klàng bung.

Ejekiel 41:19

mat kòn mơnus wèt hơ chi gòl đah do, mơ mat klìu triă wèt hơ chi gòl đah ne. Làm jơh gùt dar hìu duh khoai geh pac rùp behơ̆ lơm.

Daniel 7:4

Phan poan jơng sơnròp gơlơh be klìu triă, mơ gơs pơnđar be klàng bung. Añ tơnggòr sền jơl tus di tŭ ală pơnđar gơ kong dơrpă jơh, să jan gơkòl yò tơngguh bơh di ù, gơ ơm ntào mơ bàr đah jơng be kòn mơnus, mơ gơ dòp geh nùs nhơm kòn mơnus dê.

Khà Làng Bol 2:10

Đah đơm rơp gơs ală mpồl hìu nhă sàl Ruben jat bồng bi bol khai dê. Cau at bồ làng bol Ruben la Elisur kòn klau Sedeur.

Khà Làng Bol 2:18

Đah mattơngai mut rơp gơs ală mpồl sàl Epraim dê hơđơm bồng bi bol khai dê. Cau at bồ làng bol Epraim la Elisama kòn klau Ammihut.

Khà Làng Bol 2:25

Đah đang rơp gơs ală mpồl jơnum sàl ơm Dan dê, hơđơm bồng bi bol khai dê. Cau at bồ làng bol Dan dê la Ahiejer kòn klau Ammisadai.

Khà Làng Bol 2:3

Đah mattơngai lik, ală mpồl jơnum sàl ơm cau Juda dê pal bơtào hơđơm bồng bi bol khai dê. Cau at bồ làng bol Juda dê la Nahasôn kòn klau Amminadap.

Luka 15:10

Kung behơ̆ sơl, Añ đơs mơ bol mê, ală cau gơnrơh Yàng Tom Trồ dê rơp hòn chò bơh dô nă cau glài gơjrañ sang glài.”

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

Yal Wơl 28:49

Yàng Jehôwa rơp cèng tus dô nơm làng bol bơh di tiah ngài lòt tus tòmdră mơ bol mê, bơh di ală tiah lồi plai ù, kung be dô nơm sềm klàng bung bơh đang par mù tus hơđơm, dô nơm làng bol mơ bol mê ò git wă jơnau đơs bol khai dê,

Yal Tơlik 4:7

Phan wìn kis sơnròp gơlơh be klìu triă, phan dơ̆ bàr be kơnrồ, phan dơ̆ pe gơs mat be kòn mơnus, phan dơ̆ poan be klàng bung par.

Yal Tơlik 5:5

Gen gơs dô nă tòm ală cau kwang kra đơs mơ añ lah: “Bañ ñìm, ne, Klìu triă jơi bơtiàn Juda, kòn sau Dabit dê, neh pha lin rlau gen rgơi pò sră hơ̆ mơ tă poh nơm ƀang kì gơ dê.”

Ală Kwang Cahrña 14:18

Ală cau klau tòm ƀòn dờng đơs mơ khai tòm ngai poh, lài mơ tŭ mattơngai mut lah: “Phan lơi lơngồt rlau mơ dà kròt? Phan lơi pràn rlau mơ klìu triă?” Samsôn đơs mơ bol khai lah: “Dilah bol mê ò lơòr mơ kơnrồ dra añ jê; gen bol mê ò rgơi yal tơlik gơtha jơnau pơnhồr añ jê.”