Đơs Chò 4:9 - Sră Goh 2018

⁹ Ơ oh ùr añ, bau ùr pa añ jê, ai neh tòmpìt nùs añ, ai neh kơñau nùs añ bơh dô bơta sền gơliang mat, bơh dô dang ñòng lŭ kràng màng di ngko ai, ai neh tòmpìt nùs añ.

Đơs Chò 4:9 Mawu Ofanana

Sơnròp Gơlik Gơs 20:12

Mơ khai kung ngan la oh ùr añ, kòn dô nă bèp mơ mè is, mơ añ neh bau mơ khai.

Sơnròp Gơlik Gơs 41:42

Pharaôn hồ sơmbiat bơh di tê khai dê mơ tơndò di tê Jôsep, mơ tơnsoh ào mơ bài che dơmài mơ tơnwan rơnjài màh di ngko khai.

Đơs Crih 45:9

Tòm mpồl ală cau ùr màng ryŭ bơtau dê gơs ală kòn ùr ală bơtau dê, Bau ùr cau bơtau bơka să mơ màh Ôphir ntào đah ma bơtau.

Jơnau Pơnđik 1:9

Bơh ală jơnau hơ̆ kung be dô nơm dơwàng bơkào hơđang bồ kòn, Gơlơh be ală rơnjài màh wan di ngko kòn dê.

Jơnau Pơnđik 6:25

Nùs kòn bañ hàm kòñ bơta hàng mơnĕ khai dê, bañ lòi he gơtup di sơmbir mat khai dê.

Đơs Chò 1:10

Bàr đah tơrmồ ai niam mơnĕ bal mơ phan bơka să; ngko ai bal mơ ñòng lŭ kràng màng.

Đơs Chò 1:15

Ơ cau kòñ gơboh añ jê, ai hàng mơnĕ ngan, ai hàng mơnĕ ngan! Gar mat ai be mat sềm ntòp.

Đơs Chò 3:11

Ơ ală kòn ùr Siôn, lik lòt tĕ sền bơtau Salômôn, sơgơn bơtau mơ mè khai neh tơndau khai in, tòm ngai tòmbau khai, tòm ngai nùs khai hòn chò.

Đơs Chò 4:10

Ơ oh ùr añ, bau ùr pa añ jê, bơta kòñ gơboh ai la niam mơnĕ ò git nđò! Bơta kòñ gơboh ai la bơkah rlau mơ tơrnòm, mơ ƀô mơñà ƀô niam rlau mơ ală ƀô bơlhô ndai!

Đơs Chò 4:12

Oh ùr añ, bau ùr añ la suơn til kơ̆, la tồ dà kal wơl, la croh dà sềt kơ̆.

Đơs Chò 6:12

Lài mơ tŭ añ git đal, cau kòñ gơboh añ jê tơnhào añ hơđang rơndeh di gah cau dờng ryŭ añ jê.

Đơs Chò 6:5

Wèt tĕ mat ai di bơh añ, bơh gơtơnkram nùs añ. Sŏ ai be dô mpồl be, mù bơh cìr mơnơm Galaat;

Đơs Chò 7:10

Añ gơrê bal mơ cau kòñ gơboh añ, bơta kơp kòñ khai gơwèt mơ añ.

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Esai 62:5

Kung be dô nă cau klau pơnu tòmbau mơ dô nă cau ơruh, gen kung behơ̆ sơl, Bơtau bơt bơtào ai rơp bau mơ ai, mơ kung be cau bơrtơu pa hòn chò bơh bau ùr pa khai dê, gen kung behơ̆ sơl, Yàng Tom Trồ rơp hòn chò bơh di ai.

Ejekiel 16:11

Añ bơka să ai mơ ală phan bơka să. Añ tơndò kòng di tê ai mơ tơnwan che rơnjài di ngko ai.

Ejekiel 16:8

Añ lòt gan ai tai mơ sền di ai, ai neh di tŭ git kòñ gơboh. Añ lă mum ào jrùh Añ jê hơđang ai, jơm să kuh ai dê. Añ ai să tòm Añ ho pơgon mơ ai mơ bơtào dô bơta ho bal mơ ai gen ai gơrê bal mơ Añ,’ Jehôwa Yàng Tom Trồ đơs behơ̆.

Daniel 5:7

Khai hòi driau dờng, sồr pơjum ală cau jak chài, ală cau gru bơjơu, mơ ală cau sền sơmañ, mơ đơs mơ ală cau hơ̆ lah: “Cau lơi rgơi sền ală jơnau cih do, mơ yal tơlik jơnau gơtha gơ dê añ in, gen cau hơ̆ rơp geh soh ào dà gur cau bơtau, geh wan che rơnjài màh di ngko, mơ geh pồ bơtào gơs kwang dơ̆ pe tòm gơnoar broă at bồ lơgar dê.”

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Mathiơ 12:50

Bơh cau lơi lơh jat nùs kòñ Bèp Añ jê ơm hơđang trồ, gen cau hơ̆ la oh mi, ruh lŏ mơ mè Añ jê.”

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

I Kôrintô 9:5

Bol hi ò geh gơnoar lam bau ùr lòt bal, kung be ală cau gơnoar bơto dờng ndai, ală oh mi Yàng dê mơ Sepha sơl ơ?

II Kôrintô 11:2

Bơh añ ai nùs ƀoah pơrñat Yàng Tom Trồ dê mơ pơrñat oh mi, bơh añ neh lap oh mi mơ dô nă bau klau nàng tơlik mat oh mi Bơtau Krist in be dô nă cau ơruh sàng goh.

Yal Tơlik 21:2

Añ gŏ ƀòn dờng sàng goh la Jerusalem pa, mù bơh đang trồ bơh dê Yàng Tom Trồ; gơ neh rcang sir be dô nă bau ùr pa neh bơka să ơm gơn bau klau khai dê.