Đơs Chò 3:2 - Sră Goh 2018

² Añ đơs: Añ rơp guh mo tŭ do, lòt gùt dar ƀòn dờng, lòt tòm ală gùng mơ ală hìu dờng nàng jòi cau mơ nùs añ kòñ gơboh. Añ jòi khai mơya ò bàn.

Đơs Chò 3:2 Mawu Ofanana

Jơnau Pơnđik 8:34

Lơngai cau lơi in iat jơnau añ, Kòp ngai drơng kơp di bơr mpồng añ, Mơ gơn di gah ală jrong mpồng añ.

Đơs Chò 1:7

Ơ cau mơ nùs añ kòñ gơboh, yal tĕ añ in git, ntềng đah mê ê mpồl mê dê, ntềng đah mê ai gơ in bic rlô tòm tŭ trồ gùl ngai taih; Ñchi bơh tài añ pal be dô nă cau ùr cang muh mat; ơm di gah mpồl ală cau bơyô mê dê taih?

Đơs Chò 3:3

Ală cau ling kơp gàr gùt dar ƀòn dờng neh tìp añ. Añ lùp lah: Bol mê neh gŏ cau mơ nùs añ kòñ gơboh sơl?

Đơs Chò 5:5

Gen añ guh nàng pò mpồng cau kòñ gơboh añ in; tê añ ñhat cài trŭ, mơ ală ràs tê añ gơhòr cài trŭ hơđang plai at mpồng dê.

Esai 64:7

Ò gơs dô nă cau lơi hòi dan di sơnđan Kơnràñ, hala pơnđơl pràn nàng at di Kơnràñ; bơh Kơnràñ neh pồn mat bơh di bol hi, mơ lòi bol hi kong roh rui tài bơh tồi glài bol hi dê.

Jeremi 5:1

Ntoat mơ lòt yơng tĕ làm ală gùng ƀòn dờng Jerusalem, Sền gùt dar mơ kah prap. Jòi tĕ tòm ală hìu dờng jơnum mơ sền, Dilah mê rgơi jòi bàn dô nă cau, lơh bơta song ring, jòi bơta song ngan, Gen Añ rơp toh glài Jerusalem in.

Jang 1:6

Gơs dô nă cau Yàng Tom Trồ sồr lòt tus, sơnđan la Jang.

Rôma 13:11

Lơh tĕ behơ̆, bơh oh mi git tŭ tơngai do la tŭ oh mi pal guh, bañ bic tai; bơh tŭ do bơta dong klàs neh rềp mơ bol he rlau mơ tŭ bol he pa dòn òr.

I Kôrintô 15:34

Kơlôi kah tĕ, mơ lơh lòt dô bă di pal, bañ tìs glài tai, bơh gơs cau ƀà ò git bơh Yàng Tom Trồ dô êt lơi; añ đơs bơta hơ̆ tồ oh mi in ƀàssìl.

Ephesô 5:14

Gen tàng neh đơs lah: “Ơ cau lơhă bic ne, kah tĕ, Guh tĕ bơh digùl ală cau chơt, Gen Bơtau Krist rơp sòl pơnđàng hơđang mê.”