Đơs Chò 2:8 - Sră Goh 2018

⁸ Hơ̆ la jơnau đơs cau kòñ gơboh añ jê! Ne, khai tus, sơnđoh gan ală mơnơm, sơrlèt gan ală dòr.

Đơs Chò 2:8 Mawu Ofanana

II Samuel 6:16

Tòm tŭ Đài Yàng Jehôwa dê neh mut tus tòm Ƀòn Dờng Dabit, Mikal kòn ùr Sol dê, tơnggòr sền bơh di mpồng dềt, mơ gŏ Dabit sơnđoh tòmya di đap Yàng Jehôwa, gen tòm nùs khai sền òsơp di Dabit.

Đơs Chò 2:17

Jơl tus di tŭ rìng àng drim, mơ mƀur bơta klam jơngo roh thit. Ơ cau kòñ gơboh añ, rê wơl tĕ! Be dô nơm keh hala dô nơm jùn dra hơđang cìr mơnơm Bether.

Đơs Chò 4:16

Ơ càl đah đang, guh tĕ, ơ càl đah đơm, khồm tĕ; khồm tĕ tòm suơn añ, tồ ală ƀô bơlhu gơ par lik! Lòi tĕ cau kòñ gơboh añ mut tòm suơn khai, mơ sa ală plai bơkah lơngồt khai dê!

Đơs Chò 5:2

Añ bic, mơya nùs añ gam kah rngal. Iat! Cau kòñ gơboh añ teh mpồng lah: “Pò tĕ mpồng añ in! Ơ oh ùr añ jê, cau kòñ gơboh añ jê, sềm ntòp añ jê, cau niam wil tơl añ jê! Bơh bồ añ sùh mơ dà tŭ, ală cap sŏ añ sùh bơh tơioh dà trồ mang dê.”

Esai 35:6

Tŭ hơ̆ cau kwet kơlte rơp sơnđoh be jun, lơmpiat cau kloat rơp đơs chò bơta hòn chò in. Dà rơp gơcat tòm ƀlàng ngềt ngơt, mơ ală croh dà rơp gơhòr tòm ƀlàng bràs.

Esai 44:23

Ơ ală tap trồ, đơs chò hòn chò tĕ, bơh Yàng Jehôwa neh lơh bơta hơ̆; Ơ ù tiah hơđơm, driau dờng tĕ! Ơ ală mơnơm, ală brê dơr bal mơ jơh ală chi che tòm hơ̆, pò tĕ jơnau mơ đơs chò! Bơh Yàng Jehôwa neh dong tơwài Jakôp. Kơnràñ ràng tơlik bơta gơklŏ Kơnràñ dê tòm Israel.

Esai 52:7

Hàng mơnĕ ò git nđò hơđang ală mơnơm, ală mpàng jơng ală cau cèng jơnau niam, bơto yal bơta lơngap lơngai, yal tơlik bơta dong klàs, mơ đơs mơ Siôn lah: “Yàng Tom Trồ mê at bồ!”

Jeremi 48:27

Ai ngan neh òs dơñŏ tơnhial Israel. Kơlôi lah khai neh ò gơkòl kup digùl cau ntung kơñau, mơya tŭ lơi ai đơs bơh khai gen ai rtơs bồ!

Luka 6:23

Tòm ngai hơ̆ hòn chò sơnđoh ñchừn tĕ, bơh phan ƀàn bol mê hơđang trồ la dờng; bơh ồng pàng bol khai kung lơh behơ̆ sơl gơwèt mơ ală cau gơnoar hwơr.

Jang 10:27

Belàt Añ kơno jơnau Añ, Añ git bol gơ mơ bol gơ jat Añ.

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

Broă 14:10

gen đơs dờng lah: “Ntào tĕ song jơng.” Khai sơnđoh mơ cơnđòa lòt.

Broă 3:8

Khai sơnđoh, ntào song mơ lòt, mut bal mơ bol hơ̆ tòm hìu duh khoai, lòt ndang sơnđoh ndang mơ jòng ro Yàng Tom Trồ ndang.

Yal Tơlik 3:20

Do, Añ ntào di mpồng mơ teh; dilah cau lơi kơno jơnau Añ mơ pò mpồng, gen Añ rơp mut mơ sào bal mơ khai, khai bal mơ Añ.