Đơs Chò 2:3 - Sră Goh 2018

³ Be tòm chi sa plai digùl ală chi tòm brê, behơ̆ sơl cau kòñ gơboh añ ơm digùl ală cau pơnu, Añ chò nùs ơm nggui tòm mƀur khai dê; plai khai bơkah lơngồt tòm lơmpiat añ in.

Đơs Chò 2:3 Mawu Ofanana

Đơs Crih 45:2

Bơtau la hàng mơnĕ rlau mơ ală kòn sau jơi kòn mơnus dê; Jơnau đơs bơr sơndồi bơtau dê la bềng bơta nđàc; Tài behơ̆ Yàng Tom Trồ neh ai lơngai bơtau in gam sùm sùm.

Đơs Crih 45:3

Ơ bơtau pràn kơldang, dan kơt đào di but, Tòm bơta gơklŏ mơ bơta ryŭ ryơm.

Đơs Crih 57:1

Dan kòñ nđàc di añ; ơ Yàng Tom Trồ, dan kòñ nđàc di añ, Bơh hwềng soàn añ kìng crŭ tòm Yàng. Ngan, añ rơp kìng crŭ să añ tòm tiah mƀur đar Kơnràñ dê, Jơl tus di tŭ ală càl rbut dờng bơta tơnroh neh rlau rau.

Đơs Crih 89:6

Hơđang ală tap trồ, ñcau geh pơndròm bal mơ Yàng Jehôwa taih? Digùl ală cau hơđang trồ, ñcau geh ndròm be Yàng Jehôwa taih?

Đơs Crih 91:1

Cau lơi kìng crŭ să he tòm Bơtau Hơđang Rlau Jơh, Mơ ơm sùm tòm tiah mƀur Bơtau Gơnap Gơnoar Làm Jơh dê,

Đơs Chò 1:16

Ơ cau kòñ gơboh añ jê, mê niam klau; Mơ cơnòng bic bol he dê tơlir ñhơt.

Đơs Chò 2:5

Yò đo añ mơ ƀañ plai ño; bơtơl pràn añ in mơ ală plai chi; bơh añ kòp jê bơta kòñ gơboh.

Đơs Chò 4:13

Ală chi hòn tòm suơn hàng mơnĕ, gơs plai lừu mơ ală plai bơkah, bơkào phùng tien mơ chi krĕ;

Đơs Chò 4:16

Ơ càl đah đang, guh tĕ, ơ càl đah đơm, khồm tĕ; khồm tĕ tòm suơn añ, tồ ală ƀô bơlhu gơ par lik! Lòi tĕ cau kòñ gơboh añ mut tòm suơn khai, mơ sa ală plai bơkah lơngồt khai dê!

Đơs Chò 5:16

Bơr khai lơngồt bơkah; jơh ală bơta gơs tòm khai di pal kòñ gơboh ngan. Ơ ală kòn ùr Jerusalem, cau kòñ gơboh añ behơ̆, cau bơyô gơboh añ la behơ̆!

Đơs Chò 7:13

Plai sơrmoan tơlik ƀô gơ dê; mơ di mpồng bol he dê gơs ală plai bơkah pa mơ yau; Ơ cau kòñ gơboh añ jê, añ neh prap lòi plai hơ̆ bi in!

Đơs Chò 8:11

Salômôn gơs dô nơm suơn ño tòm Baal Hamon: Khai jào suơn hơ̆ cau in sền gàr, kòp nă cau hơ̆ pal cèng jào dô rbô pet priă bơh cồng nha gơ dê.

Đơs Chò 8:12

Suơn ño di đap mat añ la suơn ño añ jê. Ơ Salômôn, dô rbô pet priă rơp gơrê bal mơ ồng, ai bàr rhiang gơrê bal mơ ală cau sền gàr plai đo.

Đơs Chò 8:5

Cau ùr do la ñcau, bơh ƀlàng bràs mơ guh, sơnđìng să di cau kòñ gơboh khai dê taih? Añ neh pơrlai mê di hơđơm chi sơrmoan, Tềng hơ̆ mè kong bòl glar nàng tơnggơs mê, tềng hơ̆ cau neh deh mê kong bòl glar.

Esai 25:4

Kơnràñ la tiah kìng crŭ ală cau rƀah lơòi in, dô bă tiah kìng crŭ ală cau siơ̆u siar in tòm tŭ bòl glar, dô bă tiah kìng crŭ klàs bơh càl rbut, mƀur klàs bơh di bơta duh trơàl. Tòm tŭ cau iơh bơsak khồm nhơm be càl rbut khồm druh di dơrñang.

Esai 32:2

Kòp nă bol khai rơp kung be dô bă tiah kìng crŭ bơh di càl mơ la jơm gòm bơh di càl rbut, kung be croh dà tòm dô bă tiah rañ rsơh, mơ kung be mƀur pơnai lŭ dờng tòm ù tiah ro rañ.

Esai 4:2

Tòm ngai hơ̆, ntê Yàng Jehôwa dê rơp hàng mơnĕ mơ gơklŏ, plai đo ù tiah dê rơp lơh gơs bơta jòng să mơ bơta gơklŏ ală cau in gam kis tòm Israel dê.

Esai 4:6

Gơ rơp duh broă be dô nơm sàl gơs mƀur klàs di bơta duh trơàl tòm trồ ngai, mơ dô bă tiah kìng crŭ pồn să klàs bơh di càl rbut dờng mơ mìu.

Ejekiel 47:12

Tơl ală jơi chi gơs plai di sa rơp hòn di bàr gah hiòng dà. Nha gơ rơp ò ro jrùh, plai gơ kung ò tŭ lơi jơh. Kòp kơnhai dô dơ̆ gơ gơs plai, tài bơh dà gơhòr bơh di tiah sàng goh tus di gơ. Plai gơ rơp ngui lơh gơs phan sa mơ nha gơ ngui nàng sơmbòi kòp jê.”

Jôel 1:12

Tòm ño neh ro: tòm chi ƀal neh pă; tòm chi lừu, tòm chi gòl tơô, tòm chi tăo mơ jơh ală tòm chi tòm ƀlàng neh ro jơh. Ngan la bơta hòn chò kòn mơnus di ò gam tai.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Ală Kwang Cahrña 9:15

Tòm lò đơs mơ ală chi lah: ‘Dilah bơh nùs dòn song bol mê kòñ bong mơñà añ nàng lơh bơtau hơđang bol mê, gen tus tĕ kìng crŭ tòm mƀur añ, mơya dilah ò gen dan ồs lik bơh tòm lò chu jơh ală nho rề Liban dê!’