Đơs Chò 1:4 - Sră Goh 2018

⁴ Hwài tĕ añ jat mê; bol he ntoat sơrbac sơrbang lă. Cau bơtau neh cèng añ mut tòm ơdŭ khai dê. Bol he rơp hòn chò hừh hơh mơ mê; Bol he rơp jòng ro bơta kòñ gơboh mê dê bơkah rlau mơ tơrnòm. Ală cau ơruh dềt kòñ gơboh mê la song ngan.

Đơs Chò 1:4 Mawu Ofanana

Đơs Crih 111:4

Kơnràñ jòi geh bơta prap kah bơh ală broă crih crài Kơnràñ dê, Yàng Jehôwa la kòñ nđàc mơ gơs nùs nđàc sơngit.

Đơs Crih 119:32

Tòm tŭ Yàng pò ơnàng bơta git wă añ jê, Gen añ rơp ntoat jat gùng dà bơta sồr lam Kơnràñ dê.

Đơs Crih 119:60

Añ sơrbac sơrbang prap gàr ală bơta sồr lam Yàng dê, Ò lơh òbat nyà.

Đơs Crih 149:2

Lòi Israel in hòn chò di Bơtau crơng gơs khai, Lòi kòn sau Siôn dê chò hòp di Bơtau at bồ bol khai dê!

Đơs Crih 42:4

Tòm tŭ nùs añ moat jrùng jê sồt, añ kah wơl ală bơta do: Añ neh lòt bal mơ mpồl gal. Añ lam bol khai tus hơ hìu Yàng Tom Trồ; Bol khai driau chò mơ đơs chò jòng ro Yàng.

Đơs Crih 48:9

Ơ Yàng Tom Trồ, tòm hìu duh khoai Kơnràñ dê Bol hi neh kơlôi bơh bơta kòñ gơboh kơ̆ dơn Kơnràñ dê.

Đơs Crih 63:5

Hwềng soàn añ geh hòm lai gơlơh be neh sa khu mơ dơngi; Bơr sơndồi añ jòng ro Kơnràñ dô bă chò hòp,

Đơs Chò 3:4

Añ pa lòt sơrlèt bơh bol khai dô ơthoa, tòm tŭ añ tìp cau mơ nùs añ kòñ gơboh; gen koar kơ̆ di khai, ò lòi khai in lòt, jơl tus di tŭ añ lam khai mut tòm hìu mè añ jê, mut tòm ơdŭ mè neh bun añ.

Đơs Chò 4:10

Ơ oh ùr añ, bau ùr pa añ jê, bơta kòñ gơboh ai la niam mơnĕ ò git nđò! Bơta kòñ gơboh ai la bơkah rlau mơ tơrnòm, mơ ƀô mơñà ƀô niam rlau mơ ală ƀô bơlhô ndai!

Esai 25:8

Gen Jehôwa Yàng Tom Trồ rơp jùt dà mat bơh di jơh ală mat, mơ bơta sền òsơp làng bol Kơnràñ dê rơp tă tơlik jơh bơh di plai ù, Yàng Jehôwa neh đơs behơ̆.

Esai 45:25

Mơya tòm Yàng Jehôwa, jơh ală kòn sau Israel dê rơp geh pha lin mơ gơklŏ.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Esai 63:7

Añ rơp yal bơh bơta lơbơn niam Yàng Jehôwa dê, bơta jòng ro bơh broă lơh dờng màng Yàng Jehôwa dê, tài bơh jơh ală broă Kơnràñ neh lơh bol he in mơ bơta nđàc dờng mơ Kơnràñ neh ràng tơlik gơwèt mơ hìu Israel jat bơta nđàc sơngit Kơnràñ dê, jat bơta tơngkah tơngkañ nùs kòñ gơboh kơ̆ dơn Kơnràñ dê.

Jeremi 31:3

Yàng Jehôwa neh tơlik mat mơ Añ bơh tŭ jŏ jòng, “Ngan, Añ neh kòñ gơboh di mê mơ bơta kòñ gơboh gam sùm sùm, Gen tàng, Añ neh kư̆ pơnjat tai bơta dòn song Añ jê mơ bol mê.

Sră Ôse 11:4

Añ neh tề lam bol khai mơ che lơbơn niam kòn mơnus dê, mơ che kòñ gơboh; Añ neh tă yô bơh di ngko bol khai dê mơ kun tơmù nàng siam bol khai.

Sôphôni 3:14

Ơ Kòn ùr Siôn, đơs chò dờng tĕ! Ơ Israel, driau dờng tĕ! Ơ Kòn ùr Jerusalem, jơh nùs tĕ chò hòp mơ hòn chò.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Mathiơ 25:10

Mơ tòm tŭ bol khai lòt rwat, gen bơrtơu tus; ală cau neh rcang sir lòt bal mơ bơrtơu mut tòm tiah sa tòmbau, mơ til mpồng.

Luka 2:10

Gen cau gơnrơh đơs mơ bol khai lah: “Bañ rngòt, do, añ yal bol mê in dô nơm jơnau niam hòn chò dờng, gơ rơp dờng màng ală làng bol in;

Luka 22:19

Chòp Kơnràñ ai piang lă, ưnngài, gen dơrkă, tong bol khai in mơ đơs lah: “Do la să jan Añ, bơh bol mê mơ ai phi. Lơh tĕ bơta do nàng kah wơl Añ.”

Jang 12:32

Ai Añ, tòm tŭ Añ geh yồng hơđang bơh di ù, Añ rơp hwài tơl nă cau tus hơ Añ.”

Jang 6:44

Dilah Bèp, la Bơtau sồr Añ lòt tus, ò hwài tus, gen ò gơs cau lơi rgơi lòt tus hơ Añ, mơ Añ rơp lơh cau hơ̆ in kis wơl tòm ngai lồi dut.

Ephesô 2:6

Yàng Tom Trồ neh lơh bol he in kis wơl bal mơ Yàng Krist Jesu, mơ nggui bal mơ Kơnràñ hơđang trồ,

Ephesô 6:24

Dan bơta nđàc ơm bal mơ jơh ală cau ai bơta kòñ gơboh gam sùm mơ kòñ gơboh di Yàng Jesu Krist bol he dê.

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

Philip 4:4

Hòn chò tĕ tòm Yàng sùm sùm. Añ đơs wơl tai: Hòn chò tĕ!

Hebrơ 12:1

Behơ̆ gen, bơh bol he neh gơs oă cau lơh cơng gơrwàng gùt dar be dô puk mhwal dờng ngan, bol he kung pal sơrbì sang jơh ală bơta be phan àñ kơnjơ̆ bal mơ tồi glài gơđềt di he, pal kơ̆ cê ntoat jat bơta ntoat pơrlòng neh ràng tơlik di đap bol he;

I Pier 1:8

Kơnràñ la Bơtau oh mi ò gŏ mơya kòñ gơboh, bulah tŭ do oh mi ò tìp Kơnràñ, mơya dòn Kơnràñ mơ hòn chò dờng ngan, mơ ò rgơi yal.