Daniel 9:25 - Sră Goh 2018

²⁵ Mê git tĕ mơ wă loh bơh di tŭ tơlik jơnau gơnoar sồr rcang wơl mơ bơt wơl Jerusalem jơl tus di tŭ tus Bơtau geh bong mơñà, hơ̆ la bơtau at bồ, gen geh poh poh, mơ prau jơt bàr nơm poh. Ƀòn dờng hơ̆ rơp geh bơt wơl tòm tŭ tơngai bòl glar kalke, gơs gùng dờng mơ rbòng dà lơh gơs pơnggàr gùt dar.

Daniel 9:25 Mawu Ofanana

II Samuel 15:25

Gen bơtau đơs mơ Jadôk lah: “Cèng wơl tĕ Đài Bơta Ho Bal Yàng Tom Trồ dê tus hơ ƀòn dờng. Dilah añ geh bơta nđàc di đap Yàng Jehôwa, Kơnràñ rơp cèng añ rê wơl, lòi añ in sền gơ bal mơ tiah ơm gơ dê,

Ejra 4:24

Behơ̆ broă bơt hìu duh khoai Yàng Tom Trồ tòm Jerusalem ơm dơh wơl jơl tus di nam bàr rài at bồ Darius bơtau Persia dê.

Ejra 7:1

Tơnơ̆ mơ ală bơta hơ̆, tòm rài at bồ Artaserses bơtau Persia dê, Ejra kòn klau Seraya, Seraya kòn klau Ajaria, Ajaria kòn klau Hilkia,

Ejra 7:8

Bol khai tus hơ Jerusalem tòm kơnhai pram, nam dơ̆ poh rài bơtau hơ̆ dê.

Nehemi 3:1

Gen Eliasip cau gơnoar dờng ơn phan duh khoai bal mơ ală oh mi khai dê la cau gơnoar ơn phan duh khoai sơntòm bơt wơl Mpồng Belàt. Bol khai ơn is sàng goh gơ mơ ơn ală mpồng di tiah gơ dê. Bol khai ơn is sàng goh gơ sơlo ngài tus hơ Theng Mea, mơ sơlo ngài tus hơ theng Hananel.

Nehemi 4:2

Mơ đơs di đap ală cau lơh gơs dô mpồl bal mơ khai mơ di đap mpồl ling Samari dê lah: “Ñchi ală cau Juda òsô ò soàn hơ̆ ơm lơh taih? Bol khai rơp bơt wơl ală bơta sơl ơ? Bol khai rơp ơn phan duh khoai ơ? Bol khai rơp lơh sir tòm dô ngai ơ? Bol khai rơp ai ală lŭ gam wơl tòm gơnru thul ơmul hơ̆ mơ ai dô nơm lŭ neh ồs sa hơ̆ nàng lơh ơ?”

Nehemi 4:8

mơ jơh tơl nă bol khai bơtào kai gơrmơ̆i bal nàng lòt tòmlơh tòmdră mơ Jerusalem mơ lơh oă bơta sơlồng sơlàng tềng hơ̆.

Nehemi 6:15

Behơ̆, dơrñang neh sir tòm ngai bàr jơt pram kơnhai Elul cau bơt wơl sir dơrñang, tòm pram jơt bàr ngai.

Đơs Crih 71:10

Bơh ală cau sò tơm đơs iơh bơh añ, Ală cau kơp nàng tơnchơt añ, bol khai tòmbơyai bal.

Cau Bơto 3:3

Gơs tŭ tơnchơt, mơ gơs tŭ sơmbòi; gơs tŭ phà tơrlah, mơ gơs tŭ bơt bơtào;

Esai 55:4

Ne, Añ neh bơtào khai lơh gơs cau lơh cơng ală làng bol in lơh gơs kwang lam bồ mơ kwang at bồ ală làng bol.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Daniel 8:11

Gơ pơnhừ să tian gơs kòñ tòmdră mơ Bơtau at bồ hơđang trồ; gơtă tơlik ală phan ơn duh khoai kòp ngai bơh di Kơnràñ, mơ lơh tơrlah tiah sàng goh Kơnràñ dê.

Daniel 8:25

Khai kơnòm dê bơta ma blac khai dê, khai geh bơtoah tòm ală bơta blac pơrlồm khai dê; bơtau hơ̆ yò tơngguh să tòm khai la jòng màng rlau jơh. Nisơna khai rơp tơnroh oă cau; khai khin guh tòmsò mơ Bơtau ală bơtau dê, mơya khai rơp gơkòl tơnroh, mơ ò di bơh tê kòn mơnus.

Daniel 9:23

Bơh di tŭ mê rơp sơntòm hòi dan gen jơnau ho wơl neh gơs mơ añ tus nàng yal jơnau hơ̆ mê in, tài bơh mê neh geh kòñ gơboh ngan. Behơ̆, kơlôi sơnơng tĕ jơnau do mơ git wă tĕ bơta gơtơnggŏ.

Mice 5:1

Tŭ do, bol mê gơrwàng gùt dar be dô nơm dơrñang! Gơrwàng tòmdră mơ bol hi; Bol khai ai gai pòng di tơrmồ cau at bồ Israel dê.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Mathiơ 13:23

Ai gar neh sih tòm ù niam, hơ̆ la cau kơno jơnau mơ git wă; khai rơp gơlik plai tian gơs gơnar ƀà gơlik dô rhiang, gơnar ƀà prau jơt, gơnar ƀà tai pe jơt.”

Mathiơ 24:15

“Behơ̆ tòm tŭ bol mê gŏ bơta ngkòr ngkàc lơh gơprah gơpring Tiah Sàng Goh in, be cau gơnoar hwơr Daniel neh đơs, (cau lơi sền, wă tĕ),

Jơnau Niam Jat Mak 13:14

“Mơya tòm tŭ bol mê gŏ bơta rngòt rngơt dờng geh bơtào tòm tiah ò di pal bơtào (cau lơi sền wă tĕ) Gen cau lơi ơm tòm Jude, dô tĕ hơđang mơnơm,

Jang 1:41

Sơnròp ngan khai bàn bi khai dê la Simôn gen đơs lah: “Bol hi neh tìp Bơtau Mesi,” (gơtha la Bơtau Krist).

Jang 4:25

Cau ùr đơs lah: “Añ git lah Bơtau Mesi (sơnđan la Bơtau Krist) rơp tus; tŭ Kơnràñ neh tus, Kơnràñ rơp yal jơh ală bơta bol he in.”

Broă 3:15

Ală oh mi neh tơnchơt Bơtau Tòm ryas bơta kis dê mơ Yàng Tom Trồ neh lơh kis wơl bơh bơta chơt, mơ bol hi la cau lơh cơng bơta hơ̆.

Broă 5:31

Yàng Tom Trồ neh yò tơngguh Kơnràñ hơ̆ hơ đah ma Yàng Tom Trồ, lơh gơs Bơtau mơ Yàng Dong Klàs nàng ai làng bol Israel in tŭ gơjrañ sang glài mơ geh toh glài.

Broă 8:30

Philip ntoat tus, kơno khai sền tòm sră cau gơnoar hwơr Esai, gen đơs lah: “Ồng git wă jơnau ồng sền hơ̆ sơl?”

Ephesô 5:16

Pơlai tĕ tŭ tơngai, tài bơh ală ngai la iơh.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 19:16

Hơđang ào mơ di bơnô Kơnràñ dê gơs cih dô sơnđan lah: BƠTAU ALĂ BƠTAU DÊ MƠ YÀNG ALĂ YÀNG DÊ.