Daniel 9:24 - Sră Goh 2018

²⁴ Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Daniel 9:24 Mawu Ofanana

II Yal Yau 29:24

Gen ală cau gơnoar ơn phan duh khoai hàl ală be mơ ơn mhàm bol gơ dê hơđang cơnòng duh khoai lơh gơs phan ơn tơwài glài nàng tơwài glài jơh Israel, tài bơh cau bơtau neh ai gơnoar sồr ơn phan ơn chu pơrguc mơ phan ơn tơwài glài jơh Israel in.

Đơs Crih 2:6

“Bulah behơ̆, Añ neh bơtào Bơtau Añ jê Hơđang Siôn, mơnơm sàng goh Añ jê.”

Đơs Crih 45:7

Bơtau kòñ gơboh bơta song ring, gơjrañ kơuềng di bơta iơh bơsak. Gen tàng Yàng Tom Trồ, la Yàng Tom Trồ bơtau dê, Neh ai bơtau in bơta hòn chò be bong mơñà di bơtau, rlau mơ ală gơp bơyô bơtau dê.

Esai 42:4

Khai rơp ò lơbơn òsô hala gơplơ̆ nùs, jơl tus di tŭ neh bơt bơtào bơta song ring hơđang ù; ală bồt pơlào rơp gơn kơnòm di bơta bơto sồr Khai dê.”

Esai 51:6

Pò tĕ mat bol mê dê tơnggòr ală tap trồ, sền tĕ di plai ù hơđơm; ală tap trồ rơp roh thit be ñhŭ, plai ù rơp klar lơho be ồi ào, mơ ală làng bol ơm hơđang plai ù rơp chơt be smềt. Mơya bơta dong klàs Añ jê rơp gam sùm sùm, bơta dong tă Añ jê rơp ò tŭ lơi lồi.

Esai 51:8

Bơh mŏ rơp sa roh bol khai kung be sa ồi ào; kih rhài rơp sa bol khai kung be sa sơnò belàt. Mơya bơta dong tă Añ jê rơp gam sùm sùm, bơta dong klàs Añ jê gam sùm jơl jơh ală rài.”

Esai 56:1

Yàng Jehôwa đơs be do: “Prap gàr tĕ bơta song ring, mơ lơh tĕ bơta di ngan, bơh bơta dong klàs Añ jê rơp tus mhar mo, mơ bơta dong tă Añ jê neh geh yal tơlik.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

Ñìm Rac 4:22

Ơ kòn ùr Siôn, bơta lơh glài ai neh tơl, Kơnràñ rơp ò phi ai kong kup cèng gơs dĭ tai! Ơ kòn ùr Edôm, Kơnràñ rơp lơh glài ai; Kơnràñ rơp ràng tơlik tồi glài ai dê!

Ejekiel 28:12

“Ơ kòn mơnus, lơh tĕ dô jơnau đơs crih pơt wòl bơh bơtau Tirơ mơ đơs mơ khai lah: Jehôwa Yàng Tom Trồ đơs lah: ‘Mê la tềl ƀang kì bơta wil tơl dê, bềng bơta jak chài, mơ hàng mơnĕ wil tơl.

Ejekiel 4:5

Añ neh lơh nền mê in khà ngai ndròm bal mơ khà nam bơta lơh glài bol khai dê. Behơ̆ tòm pe rhiang sin jơt ngai mê rơp àñ ơnòng bơta lơh glài hìu Israel dê.

Ejekiel 4:6

Tơnơ̆ mơ tŭ mê neh lơh sir bơta hơ̆ gen mê pal bic sơrkềng să đah ma mơ àñ ơnòng bơta lơh glài hìu Juda dê. Añ neh lơh nền mê in tòm poan jơt ngai, dô ngai ala dô nam.

Lebi 25:8

‘Kòp tĕ tus di poh nam Saƀat, hơ̆ la poh dơ̆ poh nam, tồ ntum khà nam tòm poh nam Saƀat rơp la poan jơt sin nam.

Lebi 8:15

Môise hàl tơnchơt kơnrồ dam mơ ai dô êt mhàm, ngui ràs tê ai mhàm ơn di ală ngke cơnòng duh khoai dê nàng lơh sàng goh cơnòng duh khoai in. Khai tuh mhàm gam wơl di cơnòng duh khoai. Behơ̆ khai ơn is gơ sàng goh nàng lơh bơta tơwài glài gơ in.

Sacari 4:14

Behơ̆ khai đơs lah: “Hơ̆ la bàr nă cau geh bong mơñà, nàng duh broă Yàng Jehôwa jơh plai ù dê.”

Khà Làng Bol 14:34

Tòm poan jơt nam, dô nam ala dô ngai, tòm poan jơt ngai bol mê lòt rwang sền lơgar; bol mê rơp kong bòl glar tài bơh tồi glài bol mê dê mơ git bơta Añ tòmdră mơ bol mê la mbe lơi.

Mathiơ 1:21

Khai rơp deh dô nă kòn klau, mê tơmoh sơnđan tĕ Kơnràñ la JESU, bơh Kơnràñ rơp dong làng bol Kơnràñ dê klàs bơh tồi glài.”

Mathiơ 11:13

Bơh jơh ală cau gơnoar hwơr mơ bơta boh lam neh đơs hwơr jơl tus dê rài Jang.

Mathiơ 4:5

Gen cà ràk cèng Kơnràñ tus hơ ƀòn dờng sàng goh, ơn Kơnràñ hơđang bồ rkàng hìu duh khoai,

Jơnau Niam Jat Mak 1:24

hòi driau lah: “Ơ Jesu Cau Nasaret, bol hi mơ Kơnràñ gơs ñchi jơnau taih? Kơnràñ lòt tus nàng tơnroh bol hi ơ? Añ git Kơnràñ la ñcau, la Bơtau sàng goh Yàng Tom Trồ dê.”

Luka 1:35

Cau gơnrơh ho lah: “Yàng Hwềng Goh rơp tus hơđang ai, gơnap gơnoar Bơtau Hơđang Rlau Jơh rơp jơm gòm ai, gen tàng Kòn sàng goh lik lìng pal sơnđan la Kòn Yàng Tom Trồ dê.

Luka 21:22

Bơh hơ̆ la ală ngai lơh glài, tồ jơh ală bơta neh cih gơlik gơs di ngan.

Jang 1:41

Sơnròp ngan khai bàn bi khai dê la Simôn gen đơs lah: “Bol hi neh tìp Bơtau Mesi,” (gơtha la Bơtau Krist).

Jang 3:34

Bơh Bơtau mơ Yàng Tom Trồ neh sồr lòt tus, gen bơto yal jơnau Yàng Tom Trồ dê, bơh Yàng Tom Trồ ai Yàng Hwềng Kơnràñ in ò git jơh.

Broă 3:14

Ală oh mi neh pơndang sang Bơtau sàng goh mơ song ring mơ dan Pilat hồ he in dô nă cau tơnchơt cau.

Broă 3:22

Ngan be Môise neh đơs lah: ‘Yàng la Yàng Tom Trồ rơp bơtào tơngguh bơh digùl bol mê dô nă Cau gơnoar hwơr be añ, mơ bol mê pal iat ală bơta Kơnràñ bơto sồr.

Broă 4:26

Ală bơtau tòm ù riap dô nùs tơngguh, Ală cau kwang pơjum bal dô bă, Nàng tòmdră mơ Yàng, mơ Bơtau neh geh bong mơñà Kơnràñ dê.’

Rôma 5:10

Bơh dilah tòm tŭ bol he gam la cau sò tơm di Yàng Tom Trồ, mơ neh geh gơtòmsòr wơl mơ Kơnràñ la bơh bơta chơt Kòn Kơnràñ dê, ai tŭ do neh geh gơtòmsòr wơl rau, gen sơlo rlau tai bol he rơp kơnòm di bơta kis Kòn hơ̆ dê mơ geh dong klàs.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

Philip 3:9

mơ geh ơm tòm Kơnràñ, ò di kơnòm di bơta song ring is añ jê bơh bơta boh lam mơ tus, mơya bơh bơta dòn di Bơtau Krist mơ geh, hơ̆ la bơta song ring tus bơh Yàng Tom Trồ bơh bơta dòn mơ geh;

Kôlôse 1:20

mơ kơnòm di Bơtau Krist lơh jơh ală bơta in, bulah tòm ù hala hơđang trồ, gơs gơtòmsòr wơl mơ Yàng Tom Trồ, bơh neh kơnòm dê mhàm Bơtau Krist dê, di chi pơng mơ lơh gơs bơta ring lơngai rau.

Kôlôse 2:14

Kơnràñ jùt sang jơnau tòmho cih tòm ală bơta sồr lam, gơlơh nền glài tòmsò mơ bol he; Kơnràñ kung tă gơ mơ pơng gơ di chi pơng.

Hebrơ 10:14

Bơh kơnòm mìng dô nơm phan ơn pơdơng, Kơnràñ neh lơh ală cau gơlik gơs sàng goh in geh wil tơl sùm sùm.

Hebrơ 2:17

Gen tàng tòm jơh ală bơta Kơnràñ pal geh gơlik gơs ndròm bal be oh mi Kơnràñ dê, nàng gơwèt mơ Yàng Tom Trồ Kơnràñ gơlik gơs cau gơnoar dờng lam bồ ơn phan duh khoai geh bơta nđàc sơngit mơ dòn song, nàng lơh gơs phan ơn tơwài glài tài bơh tồi glài làng bol dê.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

Hebrơ 9:26

dilah ò behơ̆, gen bơh di tŭ crơng gơs trồ tiah jơl tus di ngai do Kơnràñ neh pal kong jê sồt oă dơ̆ rau. Mơya tòm tŭ do la tŭ lồi dut ală rài, Kơnràñ neh tơlik să dô dơ̆ tơl rau nàng ơn să tòmlơh gơs phan ơn duh khoai tồ tă sang tồi glài.

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

Yal Tơlik 14:6

Chòp añ gŏ dô nă cau gơnrơh ndai par digùl trồ, gơs Jơnau Niam gam sùm sùm nàng bơto yal ală cau ơm tòm plai ù, hơ̆ la jơh ală lơgar, jơi bơtiàn, jơnau đơs mơ làng bol.

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò: