Daniel 9:16 - Sră Goh 2018

¹⁶ Ơ Yàng, añ hòi dan mơ Yàng jat jơh ală bơta sồr lam song ring Kơnràñ dê, dan Yàng pơrlac sang bơta gơjrañ dờng Kơnràñ dê bơh dê Jerusalem la ƀòn dờng mơ la mơnơm sàng goh Kơnràñ dê. Tài bơh tồi glài bol hi dê mơ bơta iơh bơsak ồng pàng bol hi dê tàng Jerusalem mơ làng bol Kơnràñ dê pal kong bơta bơtat bơtròh bơh dê ală làng bol ơm gùt dar bol hi.

Daniel 9:16 Mawu Ofanana

Nehemi 9:8

Kơnràñ neh gŏ khai gơs nùs dòn song di đap Kơnràñ, mơ neh bơtào dô bơta ho bal mơ khai nàng ai jơi bơtiàn khai in ală lơgar làng bol Kanaan, làng bol Hetit, làng bol Amôr dê, làng bol Peres, làng bol Jebusit, mơ làng bol Girgas dê. Kơnràñ neh lơh gơlik di ngan ală jơnau Kơnràñ neh ho, tài bơh Kơnràñ la song ring.

Đơs Crih 143:1

Ơ Yàng Jehôwa, dan iat jơnau hòi dan añ jê, wèt tồr iat bơta rac dan añ jê. Tài bơh bơta dòn song mơ bơta song ring Yàng dê, dan ho wơl añ in.

Đơs Crih 31:1

Ơ Yàng Jehôwa, añ jòi tiah kìng crŭ tòm Kơnràñ; Dan bañ tŭ lơi lòi añ gơkòl ƀàssìl; Dan ai bơta song ring Kơnràñ dê mơ dong tă añ.

Đơs Crih 41:13

Pal jòng ro Yàng Jehôwa la Yàng Tom Trồ Israel dê, Bơh sùm sùm jơl tus sùm sùm ò lồi! Amen! Amen!

Đơs Crih 71:2

Dan dong tă añ mơ ai añ in geh lik klàs, jat bơta song ring Kơnràñ dê; Dan wèt tồr di añ mơ dong klàs añ.

Đơs Crih 79:4

Bol hi neh gơlik gơs bơta bơtat bơtròh di cau ơm rềp mơ hi, Ală cau ơm gùt dar bol hi dơñŏ tơnhial mơ sền òsơp di bol hi.

Đơs Crih 85:4

Ơ Yàng Tom Trồ la Bơtau dong klàs bol hi, dan bơtào wơl bol hi, Mơ tă sang bơta gơhào nùs Kơnràñ dê gơwèt mơ bol hi.

Đơs Crih 89:51

Ơ Yàng Jehôwa, hơ̆ la bơta mơ ală cau sò tơm di Yàng Bol khai ngui nàng dơñŏ tơnhial mơ bơtat bơtròh ală cơnđòa cau kong bong mơñà Yàng dê.

Lik Ejiptơ 20:5

Bol mê bañ cùn khoai di đap bol gơ, hala duh khoai bol gơ; bơh Añ, Jehôwa Yàng Tom Trồ bol mê dê, la Yàng Tom Trồ ƀoah pơrñat, rơp tài bơh tồi glài ồng pàng dê mơ lơh glài kòn sau jơl tus di pe hala poan rài ală cau gơjrañ di Añ,

Esai 5:25

Tài behơ̆ tàng bơta gơjrañ Yàng Jehôwa dê gơhào khuh tòmdră mơ làng bol Kơnràñ dê; Kơnràñ neh pò tơlik tê sòdră mơ lơh bol khai. Ală mơnơm gơlơnggơr, mơ ală ƀồc cau chơt kung be sù siă tòm ală gùng. Bơh bơta hơ̆, bơta gơjrañ Kơnràñ dê ò pleh ngài, mơ tê Kơnràñ gam pò tơlik.

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Jeremi 32:31

Ƀòn dờng do neh lơh kai Añ in gơhào gơjrañ, bơh tŭ pa bơtào gơs jơl tus ngai do. Gen tàng, Añ kòñ tă tơlik gơ ngài bơh di đap Añ,

Jeremi 32:32

tài bơh bơta iơh bơsak mơ kòn sau Israel mơ kòn sau Juda neh lơh nàng bơrcek Añ gơjrañ, bol khai, cau bơtau, kwang at bồ, cau gơnoar ơn phan duh khoai, cau gơnoar hwơr, cau Juda mơ làng bol Jerusalem sơl.

Ejekiel 22:4

Ai neh gơlik gơs tồi glài bơh lơh gơtuh mhàm, mơ ai neh gơlik gơs ƀơ̆ ƀơl bơh ală rùp ràk mơ ai neh lơh gơs. Ai neh tơnlồi ală ngai ai dê mơ pơndut ală nam ai dê. Gen tàng Añ neh lơh ai in gơlik gơs tềl ƀàssìl ƀàsso ală làng bol in mơ bơta ñŏ tơnhial jơh ală lơgar in.

Ejekiel 5:14

Rlau tai Añ rơp lơh mê in tơrlah tơrling mơ kong lah pơrhơng tòm ală lơgar gùt dar mê, di đap mat jơh ală cau lòt gan.

Daniel 11:45

Khai rơp bơtào ală hìu sàl cau bơtau tòm digùl dàlềng mơ mơnơm sàng goh hàng mơnĕ. Mơya bơta lồi dut khai dê rơp tus, mơ ò gơs cau lơi rơp dong kòl khai.

Daniel 9:20

Tòm tŭ añ gam đơs mơ hòi dan, yal glài añ jê mơ glài làng bol Israel añ jê, jơh nùs rac dan mơ Jehôwa Yàng Tom Trồ añ jê, tài bơh mơnơm sàng goh Yàng Tom Trồ añ jê

Jôel 3:17

Behơ̆, bol mê rơp git Añ la Jehôwa Yàng Tom Trồ bol mê dê, ơm tòm Siôn, mơnơm sàng goh Añ jê. Jerusalem rơp gơlik gơs sàng goh, làng bol rơp ò gơs tŭ lơi tòmpìt gơ tai.

Sacari 8:3

Yàng Jehôwa đơs be do: “Añ rơp rê wơl hơ Siôn, mơ ơm sùm digùl Jerusalem; Jerusalem rơp geh sơnđan la Ƀòn Dờng dòn song, mơ mơnơm Yàng Jehôwa Gơnap Gơnoar Dờng Làm Jơh dê rơp geh sơnđan la Mơnơm Sàng Goh.”

II Tesalônika 1:6

Bơh dilah bơta song ring Yàng Tom Trồ dê la ai bơta jê sồt bòl glar sal tê ală cau neh lơh jê sồt bòl glar di oh mi,

I Jang 1:9

Dilah bol he yal glài he dê, gen Kơnràñ la Bơtau lơh jat jơnau ho Kơnràñ dê mơ la Bơtau song ring rơp toh glài bol he in, mơ rào bol he in goh jơh ală bơta ò song ring.

I Samuel 2:7

Yàng Jehôwa lơh rƀah lơòi mơ ai pas gơs; Kơnràñ tơnliah cau, mơ Kơnràñ yò tơngguh cau.