Daniel 9:15 - Sră Goh 2018

¹⁵ Mơ tŭ do, ơ Yàng la Yàng Tom Trồ bol hi dê, la Bơtau neh ai tê gơnoar pràn nàng cèng làng bol Kơnràñ dê lik bơh lơgar Ejiptơ mơ neh lơh pơnro sơnđan Kơnràñ dê jơl tus di ngai do; ai bol hi neh tìs glài, neh lơh bơta iơh bơsak.

Daniel 9:15 Mawu Ofanana

I Ală Bơtau 8:51

bơh làng bol Israel ngan la làng bol Yàng dê, sre brê Yàng dê, mơ Yàng neh cèng tơlik bơh Ejiptơ, hơ̆ la klàs bơh bơnhă buh lòs.

II Ală Bơtau 21:15

bơh bol khai lơh ală bơta iơh di đap Añ, bơrcek bơta gơjrañ Añ, bơh ngai ồng pàng bol khai lik bơh lơgar Ejiptơ jơl tus ngai do.’”

II Yal Yau 6:37

mơ dilah bol khai kơlôi sơnơng tòm nùs, tòm lơgar mơ bol khai neh kong kup cèng gơs dĭ, git gơjrañ sang glài mơ rac dan mơ Kơnràñ tòm lơgar mơ bol khai neh kong kup cèng lơh dĭ mơ đơs lah: ‘Bol hi neh tìs glài mơ neh lơh bơta tìs; mơ neh lơh bơta iơh bơsak;’

Nehemi 1:10

Bol khai la cau duh broă Kơnràñ dê mơ làng bol Kơnràñ dê; Kơnràñ neh dong tơwài bơh gơnap gơnoar dờng Kơnràñ dê mơ bơh tê pràn kơldang Kơnràñ dê.

Nehemi 1:6

Añ dan Yàng wèt tồr iat, pò mat Kơnràñ dê, iat jơnau hòi dan cau duh broă Kơnràñ dê, mơ tŭ do añ hòi dan di đap Kơnràñ sùm ngai mơ mang ală dĭ gơna Kơnràñ in la làng bol Israel. Yal ală tồi glài ală làng bol Israel dê, la ală tồi glài bol hi neh tòmdră mơ Kơnràñ. Tồi glài să tòm añ mơ hìu nhă añ neh tìs glài.

Nehemi 9:10

mơ neh lơh ală tềl is mơ ală bơta crih crài tòmdră mơ Pharaôn, ală cau duh broă khai, mơ jơh làng bol khai dê; bơh Kơnràñ git lah bol khai neh gơwèt mơ mò pàng bol hi dô bă pơnhừ să. Kơnràñ neh lơh sơnđan Kơnràñ gơs tiơng pơnro jơl tus ngai do.

Đơs Crih 106:8

Bulah behơ̆, Kơnràñ dong klàs bol khai tài bơh sơnđan Kơnràñ dê, nàng ràng tơlik gơnap gơnoar dờng Kơnràñ dê.

Lik Ejiptơ 13:14

Tòm ală ngai rơp tus, tòm tŭ kòn klau bol mê dê lùp lah: ‘Bơta do gơs jơnau gơtha lơi taih?’ gen ho tĕ lah: ‘Hơ̆ la tài bơh Yàng Jehôwa neh ngui tê gơnoar pràn tă cèng bol he lik klàs bơh di Ejiptơ, bơh di lơgar ơm dĭ.

Lik Ejiptơ 13:16

Mơ bơta hơ̆ rơp gơs dô nơm tềl di tê bol mê dê, dô nơm rùp sơnio di bìng liang bol mê dê nàng tơngkah mê in lah Yàng Jehôwa neh ngui tê gơnoar pràn tă bol he lik klàs bơh di Ejiptơ.”

Lik Ejiptơ 13:3

Gen Môise đơs mơ làng bol lah: “Prap kah tĕ kirsơnre ngai do, la ngai bol mê lik klàs bơh di Ejiptơ, lik klàs bơh di lơgar ơm dĭ, tài bơh Yàng Jehôwa neh ngui tê gơnoar pràn tă bol mê lik klàs bơh hơ̆. Bañ sa phan lơi gơs kañ.

Lik Ejiptơ 13:9

Bơta kah prap do rơp lơh gơs dô nơm tềl sơnio di tê mê, lơh gơs dô bơta tơngkah wơl di bìng liang mê dê la bơta boh lam Yàng Jehôwa di ơm di bơr bol mê, bơh Yàng Jehôwa neh ngui tê gơnoar pràn tă tơlik bol mê klàs bơh Ejiptơ.

Lik Ejiptơ 14:18

Cau Ejiptơ rơp git Añ la Yàng Jehôwa tòm tŭ Añ geh gơklŏ bơh Pharaôn, bơh ală rơndeh lòs tòmlơh khai dê mơ bơh ală cau ling hào ơseh khai dê.”

Lik Ejiptơ 32:11

Mơya Môise jòi jat bơta nđàc Jehôwa Yàng Tom Trồ khai dê mơ đơs lah: “Khoai Yàng Jehôwa, ñchi bơh tài Kơnràñ pal gơhào gơjrañ dờng gơwèt hơ làng bol Kơnràñ dê, la làng bol mơ Kơnràñ neh ngui gơnap gơnoar dờng bal mơ tê gơnoar pràn nàng tă cèng lik bơh di Ejiptơ?

Lik Ejiptơ 6:1

Gen Yàng Jehôwa đơs mơ Môise lah: “Tŭ do mê rơp sền gŏ bơta Añ rơp lơh di Pharaôn; tài bơh tê gơnap gơnoar Añ jê khai rơp lòi làng bol lik lòt; tài bơh tê gơnap gơnoar Añ jê khai rơp ting bơtrơh bol khai lik bơh di lơgar do.”

Lik Ejiptơ 6:6

Behơ̆, mê đơs tĕ mơ cau Israel lah: ‘Añ la Yàng Jehôwa, mơ Añ rơp tă tơlik bol mê klàs bơh di yô cau Ejiptơ dê. Añ rơp toh bol mê klàs bơh di bơta ơm dĭ bol khai, mơ Añ rơp pò tơwòr tê Añ lơh ală broă gơnap gơnoar nàng cahrña mơ tơwài bol mê.

Lik Ejiptơ 9:16

Mơya tơnggume Añ lòi mê in gam kis, hơ̆ la nàng sơnio mê in gŏ gơnap gơnoar Añ jê, mơ bơh hơ̆ sơnđan Añ geh pơnro làm jơh plai ù.

Esai 55:13

Chi nho rề rơp hòn ala rlau lò, mơ chi bơñàng rơp hòn ala ală lò. Bơta hơ̆ rơp lơh pơnro sơnđan Yàng Jehôwa, lơh gơs dô nơm tềl gam sùm sùm ò tŭ lơi kòl tơnroh.”

Esai 64:4

Bơh di ală rài yau òr, ò gơs cau lơi neh kơno, kung ò gơs tồr lơi neh iat, ò gơs gar mat lơi neh gŏ gơs Yàng Tom Trồ lơi ndai rlau mơ Kơnràñ, neh lơh gơs broă ală cau in kơp gơn di Kơnràñ.

Jeremi 14:20

Ơ Yàng Jehôwa, bol hi đal git bơta iơh bol hi dê, Bơta tồi glài ồng pàng bol hi dê, Bơh bol hi neh tìs glài tòmdră mơ Kơnràñ.

Jeremi 32:10

Añ cih mat mơ tap ƀang kì tòm sră cơng tàng blơi sre, jà cau lơh cơng mơ kơr priă hơđang phan kơr.

Ñìm Rac 3:42

“Bol hi neh tìs glài, neh sòdră; mơ Kơnràñ ò toh glài!

Ejekiel 5:6

Mơya gơ neh bơtào tòmdră mơ ală bơta boh lam mơ ală bơta sồr lam Añ jê gơlik iơh bơsak rlau mơ ală làng bol mơ ală lơgar gùt dar gơ, neh sang lòi ală bơta boh lam Añ jê mơ ò lơh jat ală bơta sồr lam Añ jê.

Daniel 9:5

Bol hi la cau tồi glài mơ lơh tìs, bol hi la iơh bơsak mơ tòmdră mơ Yàng, bol hi neh pơrlơ̆ sang ală bơta sồr lam mơ ală bơta boh lam Yàng dê.

Luka 15:21

Kòn đơs mơ bèp lah: ‘Ơ bèp, añ neh tìs glài mơ Yàng Tom Trồ mơ bèp, ò di pal sơnđan la kòn bèp dê tai.’

Luka 18:13

Ai cau dar dia ơm ngài ngài, ò khin tơnggòr mat hơđang trồ, tur ntơh he mơ đơs lah: ‘Khoai Yàng Tom Trồ, dan nđàc sơngit di añ la cau glài.’

II Kôrintô 1:10

Kơnràñ neh dong tă bol hi klàs bơh bơta chơt dờng behơ̆, gam dong tă bol hi, mơ bol hi gam gơn kơnòm di Kơnràñ rơp dong tă bol hi tai sơl.

Yal Wơl 5:15

Kah tĕ lah bol mê neh ơm dĭ tòm Ejiptơ mơ hơ̆ la Jehôwa Yàng Tom Trồ bol mê dê neh ngui mpàng tê gơnoar pràn mơ tơwòr tê pò tơlik nàng cèng bol mê lik klàs bơh di tiah hơ̆. Gen tàng Jehôwa Yàng Tom Trồ bol mê dê neh sồr bol mê prap gàr ngai Saƀat.