Daniel 9:12 - Sră Goh 2018

¹² Kơnràñ neh lơh gơlik gơs ală jơnau neh đơs tòmdră mơ bol hi mơ ală cau kwang at bồ bol hi dê, mơ đùh bơta rung rài dờng hơđang bol hi. Làm jơh tòm tiah trồ do, ò gơs bơta neh gơlik gơs ndròm be bơta neh gơlik gơs hơđang Jerusalem.

Daniel 9:12 Mawu Ofanana

I Ală Bơtau 3:9

Gen tàng dan ai cau duh broă Yàng in dô nơm nùs nhơm jak chài àng loh nàng at bồ làng bol Kơnràñ dê mơ đal git bơta niam mơ bơta iơh; bơh ñcau rgơi at bồ làng bol dờng ngan do Yàng dê taih?”

II Ală Bơtau 22:16

Yàng Jehôwa đơs be do: Ngan Añ rơp cèng bơta rung rài tus hơđang tiah do mơ hơđang làng bol ơm tòm hơ̆, lơh wil tơl ală jơnau tòm sră mơ bơtau Juda neh sền.

Sră Jop 12:17

Ală cau kwang bơyai broă, lòt jơng gòi; Lơh ală cau kwang cahrña gơlik bơrngơl gơla.

Đơs Crih 148:11

Ơ ală cau bơtau dunnia dê mơ jơh ală làng bol, Ală kwang bàng mơ jơh ală cau at bồ tòm plai ù,

Đơs Crih 2:10

Behơ̆, ơ ală cau bơtau, jak chài tĕ; Ơ ală kwang cahrña tòm dunnia, dòp tĕ bơta bơto sồr.

Jơnau Pơnđik 8:16

Kơnòm di añ, ală cau kwang at bồ, ală cau màng ryŭ mơ tơl nă cau at bồ dô bă song ring.

Esai 43:28

Behơ̆ tàng Añ rơp lơh ƀàssìl ală cau lam bồ tòm hìu duh khoai mê dê, Añ rơp phi Jakôp nàng kong tơnroh, mơ Israel nàng kong lah sơrpah.”

Esai 44:26

la Bơtau neh lơh gơlik gơs tòm toh be jơnau đơs ală cau duh broă Añ jê, mơ lơh gơlik di ngan ală jơnau đơs lài ală cau kong sồr Añ jê, la Bơtau neh đơs bơh Jerusalem lah: ‘Gơ rơp gơs cau ơm tòm hơ̆,’ bơh ală ƀòn dờng Juda lah: ‘Gơ rơp geh bơt bơtào, Añ rơp bơt bơtào wơl ală tiah hơ̆;’

Jeremi 30:7

Bòl glar ngan! Ngai hơ̆ cù kìr dờng ngan, Tian gơs òhềt gơs dô ngai lơi tòm toh behơ̆. Hơ̆ la tŭ bòl glar Jakôp dê! Mơya khai rơp geh dong klàs bơh bơta hơ̆.’

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Jeremi 39:16

“Lòt tĕ yal Ebetmelet, cau Ethiôpi, lah: ‘Yàng Jehôwa Gơnap Gơnoar, Yàng Tom Trồ Israel dê, đơs be do: Tus di ngai hơ̆ Añ rơp lơh gơlik gơs di đap mê ală jơnau mơ Añ neh đơs tòmdră mơ ƀòn do, lòi gơ in àñ bơta rung rài mơ ò geh lơngai ò.’

Jeremi 44:23

Hơ̆ la tài bơh bol mê neh chu kơlhô mơ neh tìs glài tòmdră mơ Yàng Jehôwa, bơh bol mê ò dòn jat jơnau Yàng Jehôwa, mơ ò cơnđòa jat bơta boh lam, gơnoar sồr, mơ bơta bơto sồr Kơnràñ dê, gen tàng bơta rung rài do neh dùh bol mê in, kung be neh gơs jơl tus ngai do.”

Ñìm Rac 1:12

Ò gơs bơta lơi bol mê in! Ơ bol mê la ală cau lòt gan? Sền mơ rmê tĕ dilah gơs bơta moat jrùng lơi be bơta moat jrùng añ jê, la ală bơta neh cèng tus hơđang añ, hơ̆ la bơta Yàng Jehôwa neh lơh glài añ in tòm ngai Kơnràñ gơhào gơjrañ.

Ñìm Rac 2:13

Ñchi Añ rgơi đơs mơ ai taih? Ai bơta lơi nàng pơndròm mơ ai taih? Ơ kòn ùr Jerusalem? Añ ai ñchi nàng pơndròm mơ ai, nàng Añ pơndòm pơniang ai? Ơ kòn ơruh dềt Siôn dê? Bơta roh rui ai kung be dàlềng, Ñcau rgơi sơm ai in taih?

Ñìm Rac 2:17

Yàng Jehôwa neh lơh bơta Kơnràñ neh lơh nền; Kơnràñ neh lơh gơlik gơs bơta Kơnràñ neh pơhìn; kung be bơta Kơnràñ neh rơndap bơh lài òr, Kơnràñ neh lơh tơrlơm ò nđàc sơngit, Kơnràñ neh lơh cau sò tơm mê chò hòp bơh mê, mơ yò tơngguh gơnoar pràn cau sò tơm mê dê.

Ñìm Rac 4:6

Bơta tồi glài làng bol añ jê dờng rlau mơ bơta tồi glài Sôdôm dê, La ƀòn kong tơrlah tơrling tòm dô ơthoa, ò gơs dô nơm tê lơi ơn hơđang gơ.

Ejekiel 13:6

Bơta gơtơnggŏ bol khai dê la ò gơs ngan, mơ jơnau đơs hwơr bol khai dê la blac. Bol khai đơs lah: “Yàng Jehôwa đơs,” tòm tŭ Yàng Jehôwa ò sồr bol khai, bulah behơ̆ bol khai kơp gơn ală jơnau bol khai dê geh gơlik gơs wil tơl.

Ejekiel 5:9

Tài bơh ală bơta ngkòr ngkàc mê dê, Añ rơp lơh di mê bơta mơ Añ òhềt tŭ lơi lơh, mơ Añ rơp ò tŭ lơi lơh bơta behơ̆ tai.

Daniel 12:1

“Tòm tŭ tơngai hơ̆, Mikael la cau gơnrơh dờng, cau sền gàr làng bol mê dê rơp guh. Rơp gơs dô tŭ tơngai jê sồt bòl glar tian gơs bơh tŭ pa bơtào gơs ală lơgar tus di tŭ tơngai hơ̆ kung ò gơs tŭ lơi gơs behơ̆. Mơya tòm tŭ hơ̆, làng bol mê dê cau lơi geh cih sơnđan mat tòm sră gen rơp geh dong klàs.

Jôel 2:2

Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Sacari 1:8

Tòm trồ mang añ neh gơs dô bơta gơtơnggŏ, añ gŏ di đap añ gơs dô nă cau hào ơseh pơrhê! Khai ơm ntào digùl ală tòm chi bơñàng tòm dô nơm thòng. Bơh ngkòi khai gơs ală ơseh pơrhê, ơseh gur, mơ ơseh kò.

Sacari 7:12

Bol khai lơh nùs bol khai dê kră kung be lŭ tơrneh, nàng ò iat bơta boh lam mơ ală jơnau Yàng Jehôwa Gơnap Gơnoar Dờng Làm Jơh dê neh đơs bơh Hwềng Kơnràñ dê kơnòm di ală cau gơnoar hwơr tòm rài yau. Behơ̆ Yàng Jehôwa Gơnap Gơnoar Dờng Làm Jơh gơjrañ dờng ngan.

Mathiơ 24:21

Bơh tŭ hơ̆ rơp gơs bơta rung rài dờng, tian gơs bơh tŭ crơng gơs jơl tus di tŭ do òhềt gơs, mơ kung rơp ò tŭ lơi gơs behơ̆.

Mathiơ 5:18

Bơh di ngan Añ đơs mơ bol mê, trồ tiah rơp roh, mơya dô tềl dềt dô cik tòm bơta boh lam kung ò gơs tŭ lơi roh, jơl tus di tŭ jơh ală bơta gơlik wil tơl.

Jơnau Niam Jat Mak 13:19

Bơh tòm ală ngai hơ̆ rơp gơs bơta rung rài, tian gơs bơh sơnròp Yàng Tom Trồ crơng gơs trồ tiah jơl tus di tŭ do òhềt gơs behơ̆, mơ kung rơp ò tŭ lơi gơs behơ̆ sơl.

Luka 21:22

Bơh hơ̆ la ală ngai lơh glài, tồ jơh ală bơta neh cih gơlik gơs di ngan.

Rôma 15:8

Mơ añ đơs lah Bơtau Krist neh gơlik gơs cau duh broă cau kong siat gơltau in bơh jơnau song Yàng Tom Trồ dê, tồ lơh cơng tàng nền cê bơh ală jơnau ho pơgon neh ai ală ồng pàng bol he in,