Daniel 8:4 - Sră Goh 2018

⁴ Añ gŏ belàt dam hơ̆ gơ gĕ hơ đah mattơngai mut, đah đang, mơ đah đơm, ò gơs phan poan jơng lơi rgơi tòmdră jai mơ gơ, mơ ò gơs cau lơi rgơi dong tă bơh dê tê gơ. Gơ kòñ lơh bơta lơi jat nùs kòñ gơ dê, mơ gơ sơlo gơlik pràn rlau tai.

Daniel 8:4 Mawu Ofanana

I Ală Bơtau 22:11

Jedekia, kòn klau Kenana, lơh is khai in ală ngke mơ lòs, mơ đơs lah: “Yàng Jehôwa đơs be do: ‘Bal mơ ală ngke do, mê rơp gĕ cau Aram jơl tus di tŭ bol khai kòl tơnroh jơh.’”

Sră Jop 10:7

Bulah Yàng git añ ò tìs glài, Mơ ò gơs cau lơi rgơi dong añ klàs bơh tê Yàng dê sơl?

Đơs Crih 44:5

Kơnòm di Yàng, bol hi tơlo gơpừ ală cau sò tơm di bol hi. Kơnòm di sơnđan Yàng, bol hi jă di ală cau sòdră di bol hi.

Đơs Crih 50:22

Behơ̆, ơ ală cau hŭi Yàng Tom Trồ, kơlôi kah tĕ bơta do, rngòt Añ crè mê rpot rpet, mơ ò gơs cau lơi dong tă mòn.

Đơs Crih 7:2

Rngòt bol khai crè añ be klìu triă mòn, Crè gơs rpot rpet, ò gơs cau lơi dong tă añ.

Ejekiel 34:21

Tài bơh bol mê ai wĕ ai pơnì mơ chồl, ai ngke mơ gĕ jơh ală belàt lơbơn òsô jơl tus di tŭ bol mê neh lơh gơprah gơpring jơh bol khai làm tiah ngài.

Daniel 11:16

Mơya cau bơtau đah đang hơ̆ rơp brồ lơh jat nùs khai kòñ, ò gơs cau lơi rgơi ntào tòmdră mơ khai. Khai rơp ntào tòm tiah gơklŏ khai dê mơ gơs gơnoar hơđang làm jơh.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Daniel 5:19

Tài bơh Kơnràñ neh ai khai in gơnoar dờng gen jơh ală làng bol, ală lơgar, ală jơnau đơs rơm să rngòt di đap khai. Khai kòñ tơnchơt cau lơi gen tơnchơt, kòñ lòi cau lơi in kis gen lòi. Khai kòñ yò tơngguh cau lơi hala kòñ tơmù cau lơi jat nùs khai dê.

Daniel 5:30

Tòm mang hơ̆, bơtau Babilôn la Belsassar kòl tơnchơt.

Daniel 7:5

Phan poan jơng dơ̆ bàr gơlơh be jơgơu: dô đah să do jơnhoa rlau mơ đah să ne, gơ kap pe nơm ntìng rpàs dê ală sề tòm bơr gơ dê, mơ gơs cau đơs mơ gơ lah: ‘Ntào tĕ, sa loan oă poac să.’

Daniel 8:7

Añ gŏ gơ brồ tơm dê belàt dam, lơh pă bàr nơm ngke, belàt dam ò jai tòmdră; be dam sơrglơm gơtòm ù, jă hơđang mơ ò gơs cau lơi rgơi dong tă belàt dam bơh di gơnoar pràn gơ dê.

Mice 5:8

Pơnah gam wơl Jakôp dê rơp ơm digùl oă lơgar, mơ ơm digùl oă làng bol kung be dô nơm klìu triă ơm digùl ală phan poan jơng tòm brê, mơ kung be dô nơm klìu triă brồ dam ơm digùl ală mpồl belàt, tòm tŭ gơ lòt gan gơ jă trơm mơ kap crè rpot rpet, ò gơs cau lơi rgơi dong klàs.

Yal Wơl 33:17

Tòm bơta ryŭ ryơm gen khai kung be dô nơm kơnrồ dam tơnhoa; ală ngke khai dê la ală ngke dô nơm kơnrồ dam brê. Kơnòm di ală ngke, khai gĕ ală làng bol, bơtrơh bol khai tus di ală làng bol ơm tòm ală tiah lồi dut plai ù. Hơ̆ la jơt rbô Epraim dê; hơ̆ la rbô Manase dê.”