Daniel 8:23 - Sră Goh 2018

²³ Tòm tơngai lồi dut gơnoar at bồ bol khai dê, tòm tŭ ală cau tòmdră neh gơlik iơh bơsak ngan, gen bơtào tơngguh dô nă bơtau gơs muh mat jàñ bơsak, git jak ală kai gơrmơ̆i tòmlơh.

Daniel 8:23 Mawu Ofanana

Sơnròp Gơlik Gơs 15:16

Tus dê rài poan, gen jơi bơtiàn mê rơp rê wơl hơ do, tài bơh tồi glài cau Amôrit dê òhềt bềng lìu.”

Jơnau Pơnđik 1:6

Nàng wă wơng jơnau đơs pơnđik mơ jơnau đơs pơnyơu, Ală jơnau đơs cau jak chài dê bal mơ ală jơnau pơnhồr bol khai dê

Ejekiel 38:16

Mê rơp lòt tus tòmdră mơ làng bol Israel Añ jê, kung be dô puk mhwal jơm gòm lơgar. Tòm ală ngai rơp tus, Ơ Gok, Añ rơp cèng mê tus tòmdră mơ lơgar Añ jê, tồ ală làng bol rgơi git Añ tòm tŭ Añ ràng tơlik să tòm Añ sàng goh bơh mê di đap mat bol khai.’”

Ejekiel 38:8

Tơnơ̆ mơ oă ngai, mê rơp geh hòi mut tòm mpồl ling. Tòm ală nam rơp tus mê rơp tòmpìt ai dô nơm lơgar pa geh bơt bơtào wơl tơnơ̆ mơ bơta tòmlơh, làng bol gơ dê neh geh pơjum tơrgòm bơh digùl oă làng bol tus hơđang ală mơnơm Israel dê, la tiah neh jŏ rau sang lòi ngềt ngơt. Bol khai neh geh cèng lik bơh di ală làng bol, mơ tŭ do jơh tơl nă bol khai ơm lơngap lơngai.

Daniel 10:14

Tŭ do añ lòt tus nàng yal mê in git bơh ală bơta rơp gơlik gơs di làng bol mê dê tòm ală ngai tơnơ̆, bơh bơta gơtơnggŏ do gơwèt hơ tŭ tơngai òhềt tus.”

Daniel 11:21

Cau rơp tơrbŏ sơbàn hơ̆ la dô nă cau lac lèo, khai ò geh pồ bơtào gơnoar at bồ. Khai rơp tòmpìt ai lơgar tòm tŭ làng bol ò rcang lài, khai ngui kai gơrmơ̆i lac lèo nàng geh lơgar.

Daniel 11:24

Nisơna khai tòmpìt ai ală tiah niam rlau jơh tòm lơgar, mơ khai rơp lơh gơs bơta mơ ồng pàng mơ mè bèp khai dê òhềt tŭ lơi lơh. Khai ai ală phan neh tòmpìt geh tòm tŭ tòmlơh, bal mơ phan mơna nàng tòmpà mơ ală cau jat khai. Khai bơtào kai gơrmơ̆i mơ tơnroh ală tiah kơp gàr, mơya mìng tòm dô tŭ tơngai lơm.

Daniel 7:11

Añ wèt mat sền tài bơh kơno ntas ală jơnau tràl sơrbil mơ ngke dềt hơ̆ neh đơs. Añ tơnggòr sền jơl tus di tŭ phan poan jơng kong tơnchơt, să jan gơ kong tơnroh mơ chu pơrguc jơh tòm ồs.

Daniel 7:20

Añ kung kòñ git jơnau gơtha bơh jơt nơm ngke di bồ gơ, mơ bơh dô nơm ngke ndai gơhòn lik tơnơ̆, mơ di đap ngke hơ̆ pe nơm ngke ne neh gơkòl tă tơlik, ngke hơ̆ gơs ală mat mơ bơr đơs ală jơnau tràl sơrbil, mơ gơ pràn kơldang rlau mơ ală ngke ndai.

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Daniel 7:8

Tòm tŭ añ ơm kơlôi tồ git bơh ală ngke hơ̆, nisơna gơs dô nơm ngke dềt gơhòn bơh digùl ală ngke hơ̆, mơ pe nơm tòm ală ngke lài gơkòl tă tơlik di đap ngke dềt hơ̆. Ngke dềt hơ̆ gơs ală gar mat be gar mat kòn mơnus, mơ dô nơm bơr đơs ală jơnau tràl sơrbil.”

Daniel 8:22

Bơh poan nơm ngke gơhòn lik di tiah ngke neh pă; hơ̆ la poan nơm lơgar hơ̆, mơya ò gơs gơnoar pràn ndròm bal.

Daniel 8:24

Khai rơp gơs gơnoar dờng ngan, mơya ò di kơnòm bơh pràn tòm khai dê. Khai rơp tơnggơs bơta tơnroh iơh rmơh ngan, mơ geh bơtoah bơtoài tòm ală broă lơh khai dê. Khai rơp tơnroh ală cau gơs gơnoar pràn mơ làng bol sàng goh.

Daniel 8:25

Khai kơnòm dê bơta ma blac khai dê, khai geh bơtoah tòm ală bơta blac pơrlồm khai dê; bơtau hơ̆ yò tơngguh să tòm khai la jòng màng rlau jơh. Nisơna khai rơp tơnroh oă cau; khai khin guh tòmsò mơ Bơtau ală bơtau dê, mơya khai rơp gơkòl tơnroh, mơ ò di bơh tê kòn mơnus.

Khà Làng Bol 24:24

Ală ơhò rơp tus bơh di ală gah dàlềng Kittim dê; bol gơ rơp at bồ hơđang Assur mơ Eber, mơya bol khai kung rơp kong roh rui.”

Mathiơ 23:32

Gen lơh tĕ bềng lìu rnoas tồi glài ồng pàng bol mê dê.

Yal Wơl 28:50

dô nơm làng bol gơs muh mat jàñ bơsak, ò ki ngàm di cau kra hala nđàc sơngit di cau pơnu.

I Tesalônika 2:16

Bol khai bơkơŭ bol hi bơto cau làng bol bơdìh tồ bol hơ̆ geh dong klàs. Tòm broă do lơh tồi glài bol khai dê sơlo gơbơtơl bềng lìu. Mơ lồi dut bơta gơjrañ dờng neh dùh dô bă nền cê hơđang bol khai rau.

I Timôthe 4:1

Yàng Hwềng yal loh làng lah tòm tŭ tơngai lồi dut gơs cau ƀà rơp sang lòi bơta dòn mơ iat ală cà pơrlồm ơniai, mơ iat bơta bơto sồr gùng duh khoai cà dê,

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.