Daniel 8:17 - Sră Goh 2018

¹⁷ Gabriel tus rềp di tiah añ ntào; tòm tŭ khai neh tus rềp gen añ rngòt ngan mơ gơpừ cup blup mat tòm ù. Khai đơs mơ añ lah: “Ơ kòn mơnus, git wă tĕ; bơh bơta gơtơnggŏ hơ̆ gơ tơrgòm ală bơta gơwèt hơ tŭ tơngai lồi dut.”

Daniel 8:17 Mawu Ofanana

Sơnròp Gơlik Gơs 17:3

Gen Abram tơmbic să tòm ù, mơ Yàng Tom Trồ đơs mơ khai lah:

Ejekiel 1:28

Bơta àng gơcrà gùt dar cau hơ̆ la tòm toh kung be dô nơm bơrlangkang tòm mhwal tòm ngai gơs mìu. Hơ̆ la bơta ràng tơlik bơh bơta gơklŏ Yàng Jehôwa dê. Tòm tŭ añ sền gŏ bơta hơ̆, añ tơmbic să blup mat tòm ù, mơ añ kơno sap dô Bơtau đơs mơ añ.

Ejekiel 2:1

Kơnràñ đơs mơ añ lah: “Ơ kòn mơnus, ñă ntào tĕ, mơ Añ rơp tòmbơhbơr mơ mê.”

Ejekiel 44:4

Gen cau hơ̆ neh cèng añ tus di đap hìu duh khoai bơh gùng mpồng pơnggàr đah đang. Añ rmê sền mơ neh gŏ bơta gơklŏ Yàng Jehôwa dê ơm bềng lìu tòm hìu duh khoai Yàng Jehôwa dê, mơ añ gơpừ gơcup blup mat tòm ù.

Ejekiel 6:2

“Ơ kòn mơnus, wèt tĕ mat sền di ală mơnơm Israel dê, đơs hwơr tĕ tòmdră mơ bol gơ,

Daniel 10:11

Cau hơ̆ đơs mơ añ lah: “Ơ Daniel, la cau geh kòñ gơboh ngan, ơn tĕ jơh nùs tồr di ală jơnau añ đơs mơ mê. Mơ ntào tĕ, bơh tŭ do añ neh geh sồr lòt tus hơ mê.” Tòm tŭ khai đơs mơ añ ală jơnau hơ̆ gen añ ñă ntào mơ rơm să ngan.

Daniel 10:16

Gen bơtau gơs rùp să be dô nă cau ƀư di sơndồi añ, mơ añ pò bơr, rơp sơntòm đơs mơ bơtau ơm di đap añ lah: “Ơ Yàng añ jê, añ kơlôi moat jrùng ò git lơh tài bơh bơta gơtơnggŏ do, mơ añ ò gam tai pràn kơldang.

Daniel 11:27

Bàr bơtau hơ̆ gơs nùs mìng kòñ lơh iơh di gơp, bulah nggui bal di cơnòng nàng bơyai ơm gơtòmsòr bal, mơya đơs blac mơ gơp, mơ bơta hơ̆ ò gơlik cồng nha tài bơh òhềt tus bơta lồi dut tŭ tơngai neh lơh nền.

Daniel 11:40

Tus di tŭ tơngai lồi dut, bơtau đah đơm rơp tòmlơh mơ bơtau đah đang. Bơtau đah đang cèng rơndeh tòmlơh, ling hào ơseh, mơ ơhò tòmlơh, brồ lơh bơtau đah đơm kung be càl rbut dờng. Khai rơp tòmpìt ai oă lơgar, lòt gan tơnroh bol gơ kung be dà kŏ.

Daniel 12:13

Mơya mê, lòt tĕ tòm gùng mê dê jơl tus di lồi dut. Mê rơp rlô bòl, mơ tus di lồi dut ală ngai, mê rơp guh mơ dòp geh phan ƀàn mê dê.”

Daniel 12:4

Ai mê, Ơ Daniel, prap gàr tĕ bơta ndơp ndơr mơ tap ƀang kì ală jơnau tòm sră do jơl tus di tŭ tơngai lồi dut. Oă cau rơp lòt tềng do tềng dă mơ bơta git wă rơp gơbơtơl tai.”

Daniel 2:46

Gen bơtau Nebukatnessar tơmbic să blup mat tòm ù khoai Daniel. Bơtau sồr ơn phan ơn khai in mơ chu phan ƀô bơlhu di đap khai.

Daniel 7:16

Gen añ lòt tus rềp mơ dô nă tòm ală cau ntào tềng hơ̆ mơ lùp khai bơh jơnau gơtha ală bơta do dê. Khai yal tơlik añ in jơnau gơtha ală bơta hơ̆ mơ đơs lah:

Daniel 8:15

Tòm tŭ añ, la Daniel, sền bơta gơtơnggŏ hơ̆ mơ kơlôi sơnơng tồ git wă jơnau gơtha gơ dê, gen di đap añ gơs dô nă cau ntào gơs rùp să be dô nă cau klau.

Daniel 8:19

Khai đơs mơ añ lah: “Do añ rơp yal mê in git bơta rơp tus tòm ngai tơnơ̆, tòm pah rài bơta gơjrañ dờng dê; tài bơh bơta gơtơnggŏ gơ tơrgòm ală bơta gơwèt hơ tŭ tơngai lơh nền bơta lồi dut dê.

Daniel 8:27

Tŭ hơ̆, añ, Daniel, añ gơpừ chơt yơh mơ kòp jê tòm jŏ ngai. Gen añ guh mơ duh broă cau bơtau. Añ ai lơh krơi ngan bơh bơta gơtơnggŏ hơ̆; mơya ò gơs cau lơi git wă jơnau gơtha gơ dê.

Daniel 9:23

Bơh di tŭ mê rơp sơntòm hòi dan gen jơnau ho wơl neh gơs mơ añ tus nàng yal jơnau hơ̆ mê in, tài bơh mê neh geh kòñ gơboh ngan. Behơ̆, kơlôi sơnơng tĕ jơnau do mơ git wă tĕ bơta gơtơnggŏ.

Daniel 9:27

Khai rơp lơh kơ̆ nền dô bơta ho bal mơ oă cau tòm dô poh, mơya tus di nggùl poh, khai rơp pơndut jơh phan ơn duh khoai mơ phan ơn; mơ tòm tiah bol khai dê rơp gơlik bơta ngkòr ngkàc, bơta hơ̆ tơnggơs bơta tơnroh gơprah, jơl tus di bơta lồi dut neh lơh nền tuh hơđang cau lơh tơrlah tơrling.”

Habakuk 2:3

Bơh bơta gơtơnggŏ pal gơn tus di tŭ lơh nền; gơ đơs bơh bơta lồi dut, mơ ò đơs blac. Bulah sền gơlơh be òbat tus, gơn tĕ gơ; ngan gơ rơp tus mơ rơp ò lơh òbat.

Mathiơ 17:8

Bol khai pò mat gen ò gŏ cau lơi, mìng gŏ dô nă Yàng Jesu.

Yal Tơlik 1:17

Dơ̆ añ gŏ Kơnràñ, añ gơcup blup di jơng Kơnràñ be cau chơt. Mơya Kơnràñ ai tê ma ƀư di să añ, mơ đơs lah: “Bañ rngòt, Añ la Bơtau Sơnròp mơ Bơtau Lồi Dut,

Yal Tơlik 22:8

Să tòm añ la Jang neh gŏ mơ kơno ală bơta hơ̆. Dơ̆ neh kơno mơ gŏ rau, añ tơmbic să di jơng nàng duh khoai cau gơnrơh neh yal ală bơta do añ in.