Daniel 8:13 - Sră Goh 2018

¹³ Gen añ kơno dô bơtau sàng goh đơs, mơ dô bơtau sàng goh ndai đơs mơ bơtau ơm đơs hơ̆ lah: “Gam nđò jŏ sồng gơlik di ngan bơta gơtơnggŏ bơh phan ơn duh khoai kòp ngai, bơh tồi glài tòmdră lơh gơlik gơs bơta tơnroh, mơ bơh bơta sang phi tiah sàng goh bal mơ mpồl hơđang trồ tồ gơkòl jă trơm hơđơm jơng taih?”

Daniel 8:13 Mawu Ofanana

Đơs Crih 74:10

Ơ Yàng Tom Trồ, cau sò tơm rơp đơs bơtat bơtròh nđò jŏ taih? Cau sò tơm kư̆ đơs tràl sơrbil di sơnđan Kơnràñ sùm sùm ơ?

Đơs Crih 74:9

Bol hi ò gŏ tai ală tềl sơnio bol hi dê; Ò tai gơs cau gơnoar hwơr, Mơ digùl bol hi kung ò gơs cau lơi git gam nđò jŏ tai.

Đơs Crih 79:5

Ơ Yàng Jehôwa, gam nđò jŏ taih? Kơnràñ rơp gơhào gơjrañ sùm sùm sơl? Bơta ƀoah gơjrañ dờng Yàng dê rơp sa be ồs sơl ơ?

Esai 28:18

Bơta ho bal mơ bơta chơt bol mê rơp kòl tơnroh, bơta bol mê dô nùs bal mơ lơgar làng ƀồc rơp ò gam ntào kơ̆. Tòm tŭ bơta rung rài tơnroh lòt gan, gen bol mê rơp kong gơ jă tơnlề.

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Esai 63:18

Làng bol sàng goh Kơnràñ dê neh dòp geh sre brê tòm dô êt jŏ; mơya tŭ do ală cau sò tơm bol hi dê neh jă trơm tiah sàng goh Kơnràñ dê.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Jeremi 12:10

Oă cau ê belàt neh tơnroh suơn ño Añ jê, Jă trơm pơnah sre brê Añ jê, Lơh pơnah ù tiah Añ kòñ gơboh Gơlik gơs dô bă tiah srau gòi ngềt ngơt.

Daniel 11:31

Mpồl ling khai sồr rơp lơh ƀơ̆ ƀơl tiah sàng goh mơ ƀòn dờng kơp gàr; ò ai ơn phan ơn chu kòp ngai, mơ bơtào bơta ngkòr ngkàc la bơta lơh gơlik gơs bơta tơnroh gơprah gơpring.

Daniel 12:11

Bơh tŭ tơngai pơndut phan ơn chu kòp ngai mơ bơtào gơs bơta ngkòr ngkàc lơh gơlik gơs bơta tơnroh gơprah gen rơp gơs dô rbô bàr rhiang sin jơt ngai.

Daniel 12:8

Añ kơno ală jơnau hơ̆ mơya añ ò git wă gen añ lùp lah: “Ơ yàng añ jê, ală bơta do rơp gơlik mbe lơi taih?”

Daniel 4:10

Do la ală bơta gơtơnggŏ gơlik tòm bồ añ tòm tŭ añ bic hơđang cơnòng bic añ jê: Do, añ gŏ dô nơm tòm chi hòn digùl ù tiah; Dô nơm tòm chi jơnhoa dờng krơi is ngan.

Daniel 4:13

Añ pơnjat sền ală bơta gơtơnggŏ tòm tŭ añ bic hơđang cơnòng, gen tềng hơ̆ gơs dô bơtau kơp gàr sàng goh, mù bơh đang trồ.

Daniel 4:23

Mơya tus di bơta bơtau gŏ dô Bơtau kơp gàr sàng goh mù bơh hơđang trồ mơ ai jơnau sồr kơl tĕ chi mơ tơnroh tĕ, mơya lòi tĕ tơnggu ryas gơ dê tòm ù, mơ kơt tĕ gơ mơ dô dang che sreng lòs mơ kòng digùl ñhơt tơlir tòm ƀlàng sre, lòi gơ kong sùh mơ dà tŭ bơh đang trồ, mơ lòi khai in kis bal mơ ală phan poan jơng tòm ƀlàng, jơl tus di poh tơngai neh rlau hơđang khai.

Daniel 7:16

Gen añ lòt tus rềp mơ dô nă tòm ală cau ntào tềng hơ̆ mơ lùp khai bơh jơnau gơtha ală bơta do dê. Khai yal tơlik añ in jơnau gơtha ală bơta hơ̆ mơ đơs lah:

Daniel 7:23

Behơ̆, khai yal tơlik añ in be tơnơ̆ do: ‘Phan poan jơng dơ̆ poan la lơgar dơ̆ poan hơđang ù, gơ krơi is mơ jơh ală lơgar ndai, gơ rơp sa loan jơh ală lơgar tòm ù, jan bơcah mơ jă tơnlề jơh.

Daniel 9:27

Khai rơp lơh kơ̆ nền dô bơta ho bal mơ oă cau tòm dô poh, mơya tus di nggùl poh, khai rơp pơndut jơh phan ơn duh khoai mơ phan ơn; mơ tòm tiah bol khai dê rơp gơlik bơta ngkòr ngkàc, bơta hơ̆ tơnggơs bơta tơnroh gơprah, jơl tus di bơta lồi dut neh lơh nền tuh hơđang cau lơh tơrlah tơrling.”

Sacari 1:19

Añ lùp cau gơnrơh ơm đơs mơ añ lah: “Ală phan hơ̆ la ñchi taih?” Khai ho añ lah: “Hơ̆ la ală ngke neh lơh gơprah gơpring Juda, Israel mơ Jerusalem.”

Sacari 14:5

Bol mê rơp dô tòm thòng mơnơm Añ jê, bơh thòng digùl ală mơnơm rơp lòt ngài tus Ajal. Bol mê rơp dô kung be neh dô bơh bơta gơlơnggơr ù tòm ală ngai Ôsia dê la bơtau Juda. Gen Jehôwa Yàng Tom Trồ añ jê rơp tus, mơ jơh ală cau sàng goh tus bal mơ Kơnràñ.

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 24:15

“Behơ̆ tòm tŭ bol mê gŏ bơta ngkòr ngkàc lơh gơprah gơpring Tiah Sàng Goh in, be cau gơnoar hwơr Daniel neh đơs, (cau lơi sền, wă tĕ),

Jơnau Niam Jat Mak 13:14

“Mơya tòm tŭ bol mê gŏ bơta rngòt rngơt dờng geh bơtào tòm tiah ò di pal bơtào (cau lơi sền wă tĕ) Gen cau lơi ơm tòm Jude, dô tĕ hơđang mơnơm,

Luka 10:22

Bèp Añ jào jơh ală bơta Añ in; rlau mơ Bèp ò gơs cau lơi git Kòn la ñcau; rlau mơ Kòn mơ cau lơi Kòn kòñ yal tơlik gen kung ò gơs cau lơi git Bèp la ñcau sơl.”

Luka 21:20

Tòm tŭ bol mê gŏ Jerusalem gơkòl mpồl ling gơrwàng, gen git tĕ lah bơta tơrlah tơrling gơ mòr tus.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Jang 1:18

Ò gơs cau lơi neh gŏ Yàng Tom Trồ, mìng Kòn Dùl ơm tòm nùs Bèp, la Bơtau sơnio bơh Bèp bol he in.

Yal Wơl 33:2

Khai neh đơs lah: “Yàng Jehôwa neh bơh di Sinai, mơ tus hơđang bol khai bơh di Seir; Kơnràñ gơcrà àng bơh mơnơm Pharan. Kơnràñ neh tus bal mơ rbô rhiang cau sàng goh; tòm tê ma Kơnràñ dê gơlik ồs bơta boh lam bol khai in.

I Tesalônika 3:13

tồ Kơnràñ lơh nùs oh mi in gơs kơ̆ nền tòm bơta sàng goh, ò gơs tiah geh lah pơrhơng di đap Yàng Tom Trồ la Bèp bol he dê, tòm tŭ Yàng Jesu la Yàng bol he dê tus wơl bal mơ jơh ală cau sàng goh Kơnràñ dê.

Hebrơ 10:29

tơ ài lah cau jă trơm Kòn Yàng Tom Trồ, sền mhàm bơta ho bal neh lơh khai in geh gơlik gơs sàng goh la mhàm ƀơ̆ ƀơl, mơ sền òsơp di Yàng Hwềng neh ai bơta nđàc, gen oh mi kơlôi lah cau hơ̆ ò di pal kong lơh glài kơnjơ̆ rlau ò ơ?

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.

Jude 1:14

Hơ̆ kung tài bơh bol khai mơ Enôk la cau neh poh rài bơh Adam, neh đơs hwơr lah: “Ne, Yàng tus bal mơ tơlak tơmàn cau sàng goh Kơnràñ dê,

Yal Tơlik 11:2

Mơya ƀlàng jơng gùng hìu duh khoai gen lòi tĕ bañ was, bơh tiah hơ̆ neh lòi ală làng bol bơdìh in; bol khai rơp jă ƀòn dờng sàng goh tòm poan jơt bàr kơnhai.

Yal Tơlik 6:10

Bol khai hòi driau dô jơnau dờng lah: “Khoai Bơtau Tòm At Bồ la Bơtau sàng goh mơ song ngan, jơl tus di tŭ lơi sồng Kơnràñ cahrña mơ sal tê bơh mhàm bol hi dê di ală cau ơm tòm plai ù taih?”

Ală Kwang Cahrña 13:18

Cau gơnrơh Yàng Jehôwa dê ho lah: “Ñchi bơh tài mê lùp sơnđan añ taih? Sơnđan añ crih crài ngan!”