Daniel 7:9 - Sră Goh 2018

⁹ “Añ tơnggòr sền jơl tus di tŭ ală sơbàn neh ơn, mơ gơs Bơtau Yau Òr nggui hơđang sơbàn Kơnràñ dê. Ào Kơnràñ bò be piar, mơ sŏ di bồ Kơnràñ bò be sơnò belàt dê. Sơbàn Kơnràñ dê la ală lơmpiat ồs, mơ ală kong rơndeh la ồs hơng.

Daniel 7:9 Mawu Ofanana

I Ală Bơtau 22:19

Gen Mice đơs lah: “Behơ̆, iat tĕ jơnau Yàng Jehôwa dê: Añ gŏ Yàng Jehôwa nggui hơđang sơbàn Kơnràñ mơ jơh mpồl ling hơđang trồ ntào duh khoai Kơnràñ di đah ma mơ đah kiau.”

II Yal Yau 18:18

Mice đơs tai lah: “Behơ̆ gen, iat tĕ jơnau Yàng Jehôwa dê: Añ neh gŏ Yàng Jehôwa ơm nggui hơđang sơbàn Kơnràñ dê, bal mơ jơh ală cau gơnrơh hơđang trồ ơm ntào đah ma mơ đah kiau Kơnràñ.

Đơs Crih 45:8

Ală ào bơtau dê gơs ƀô bơlhu cài trŭ, kơlhô, kơmhò kwê̆; Tòm ală gơlang mơ bla gơs jơnau ntas pĕ kơñi lơh bơtau in chò hòp.

Đơs Crih 90:2

Lài mơ tŭ ală mơnơm òhềt gơs, Mơ Kơnràñ òhềt crơng gơs ù mơ lơgar dunnia, Bơh sơnròp jơl sùm sùm Yàng la Yàng Tom Trồ.

Đơs Crih 93:2

Sơbàn Yàng dê neh bơtào kơ̆ bơh rài yau òr; Yàng gam gơs sùm sùm ò lồi.

Esai 6:1

Tòm nam bơtau Ôsia sang rài, añ gŏ Yàng Jehôwa nggui hơđang dô nơm sơbàn jơnhoa ngan, tiang ào jrùh Kơnràñ dê bềng hìu duh khoai.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Jeremi 49:38

Yàng Jehôwa đơs: “Añ rơp ơn sơbàn añ tòm Elam; Añ rơp tơnroh jơh bơtau mơ ală kwang at bồ gơ.

Ejekiel 1:26

Mơ đah hơđang dơwàng hơđang bồ bol gơ dê gơs gơlơh kung be dô nơm sơbàn mơ lŭ màng tơlir trồ; mơ hơđang sơbàn gơs gơlơh kung be dô nă kòn mơnus.

Daniel 7:13

Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Daniel 7:22

jơl tus di tŭ Bơtau Yau Òr tus cahrña mơ dong tò ală cau sàng goh Bơtau Hơđang Rlau Jơh dê, hơ̆ la tŭ tơngai bol khai dòp geh lơgar.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Habakuk 1:12

Kơnràñ ò di neh gơs bơh rài yau la gam sùm sùm ò lồi sơl ơ? Ơ Jehôwa Yàng Tom Trồ añ jê, Bơtau sàng goh añ jê? Kơnràñ rơp ò chơt. Ơ Yàng Jehôwa, Kơnràñ neh lơh nền bol khai in nàng cahrña; Ơ Pơnai Lŭ Klềr añ jê! Kơnràñ neh bơtào bol khai nàng lơh glài.

Mathiơ 17:2

Kơnràñ srơh să di dap bol khai, muh mat Kơnràñ àng gơcrà be mattơngai, ào Kơnràñ gơlik bò be bơta àng.

Mathiơ 28:3

Rùp să cau gơnrơh àng be puhlèp, mơ ào bò be piar.

Jơnau Niam Jat Mak 9:3

Ồi ào Kơnràñ dê gơlik àng lơr mơ bò gơcrà lul, tian gơs ò gơs cau chài pìh lơi ơm tòm ù rgơi pìh gơs bò behơ̆.

Broă 2:30

Mơ bơh khai la cau gơnoar hwơr, mơ git Yàng Tom Trồ neh ho nền lah rơp ai dô Bơtau tòm jơi bơtiàn khai nggui hơđang sơbàn khai dê,

Broă 2:33

Behơ̆, tơnơ̆ mơ tŭ Kơnràñ neh geh yò tơngguh đah ma Yàng Tom Trồ, mơ neh dòp geh jơnau ho ai Yàng Hwềng Goh bơh di Bèp, gen Kơnràñ tuh tơlik Yàng Hwềng Goh be ală oh mi gŏ mơ kơno.

Philip 3:9

mơ geh ơm tòm Kơnràñ, ò di kơnòm di bơta song ring is añ jê bơh bơta boh lam mơ tus, mơya bơh bơta dòn di Bơtau Krist mơ geh, hơ̆ la bơta song ring tus bơh Yàng Tom Trồ bơh bơta dòn mơ geh;

I Timôthe 6:16

mìng dô nă Kơnràñ gơs bơta ò tŭ lơi chơt, ơm tòm bơta àng cau ò rgơi tus rềp, ò gơs cau lơi sền gŏ Kơnràñ mơ kung ò rgơi gŏ Kơnràñ sơl. Dan bơta màng ryŭ gơnap gơnoar gam sùm sùm gơrê jơh mơ Kơnràñ! Amen.

I Jang 1:5

Do la jơnau bơto yal mơ bol hi neh kơno bơh di Kơnràñ mơ yal wơl oh mi in lah Yàng Tom Trồ la bơta àng, tòm Kơnràñ ò gơs bơta klam jơngo lơi.

Yal Tơlik 1:14

Bồ mơ sŏ Kơnràñ dê bò be sơnò belàt kò, bò be piar; gar mat Kơnràñ dê be lơmpiat ồs;

Yal Tơlik 19:18

nàng sa poac ală cau bơtau dê, poac ală cau kwang dờng tòmlơh, poac ală cau pràn kơldang, poac ală ơseh mơ ală cau hào ơseh, mơ poac jơh ală cau dê, cau geh khat gơboh mơ cau dĭ gơna, cau dềt mơ cau dờng.”

Yal Tơlik 20:4

Gen añ gŏ ală sơbàn, mơ ală cau nggui tềng hơ̆ la cau neh geh gơnoar cahrña. Añ kung gŏ hwềng soàn ală cau neh kong koh bồ tài bơh jơnau lơh cơng bơh Yàng Jesu, mơ tài bơh jơnau Yàng Tom Trồ dê, hơ̆ la ală cau ò duh khoai phan poan jơng mơ rùp gơ, mơ ò dòp tềl gơ di bìng liang mơ di mpàng tê he. Bol khai geh kis wơl mơ at bồ bal mơ Bơtau Krist tòm dô rbô nam.

Yal Tơlik 4:2

Tŭ hơ̆ mo, añ gơs rngoh rngac bơh Yàng Hwềng, mơ ne, gơs dô nơm sơbàn hơđang trồ, mơ gơs dô Bơtau nggui tềng hơ̆.