Daniel 7:7 - Sră Goh 2018

⁷ Tơnơ̆ tai añ tơnggòr sền tòm bơta gơtơnggŏ tòm trồ mang; do, gơs dô nơm phan poan jơng dơ̆ poan gơs rùp să gơlơh rngòt rngơt ngan, gơ jàñ bơsak, mơ pràn kơldang ò git lơh. Gơ gơs sề dờng mơ lòs, gơ kap crè, jan bơcah, mơ ai jơng jă tơnlề phan lơi gam wơl. Gơ krơi is mơ pe nơm phan poan jơng neh tus lài, mơ gơ gơs jơt nơm ngke.

Daniel 7:7 Mawu Ofanana

II Samuel 22:43

Añ pòng tơnlề bol khai ò gơkrơi be thul tòm ù; añ tơnlề mơ jă hơđang bol khai kung be bŏ tòm ală gùng.

Sră Jop 41:14

Ală pet poac gơ dê gơtòmklĕ bal kơ̆ cê, bol gơ pràn kơldang ngan ò tŭ lơi wañ lơnggơh.

Ejekiel 40:2

Tòm ală bơta gơtơnggŏ Yàng Tom Trồ dê, Kơnràñ cèng añ tus tòm lơgar Israel, mơ ơn añ hơđang dô nơm mơnơm jơnhoa ngan, bơh hơđang hơ̆ añ sền gŏ hơ đah đơm gơlơh be dô nơm ƀòn dờng gơs oă hìu.

Daniel 2:19

Behơ̆, bơta ndơp ndơr geh yal tơlik Daniel in tòm bơta gơtơnggŏ tòm trồ mang, gen Daniel jòng ro Yàng hơđang trồ.

Daniel 7:13

Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Daniel 7:2

Daniel yal lah: “Tòm bơta gơtơnggŏ tòm trồ mang añ tơnggòr sền mơ gŏ gơs poan đah càl hơđang trồ khồm lơh lơnggac dàlềng dờng.

Daniel 8:10

Gơ gơlik pràn jơl tus di gơtòmlơh mơ mpồl hơđang trồ, tơndùh tòm tiah dô pơnah tòm ală sơmañ hơđang trồ, mơ gơ jă hơđang.

Daniel 8:22

Bơh poan nơm ngke gơhòn lik di tiah ngke neh pă; hơ̆ la poan nơm lơgar hơ̆, mơya ò gơs gơnoar pràn ndròm bal.

Sacari 2:1

Añ tơnggòr sền hơđang; ne, di đap añ gơs dô nă cau at che rnoas bơt hìu tòm tê.

Yal Tơlik 12:3

Hơđang trồ kung gơlik gơs dô nơm tềl krơi ndai tai sơl: Ne, dô nơm nagrài dờng, să pơrhê, poh nơm bồ, jơt nơm ngke, ală bồ gơ ndau poh nơm sơgơn bơtau.

Yal Tơlik 13:1

Gen añ gŏ dô nơm phan poan jơng guh bơh dàlềng, gơ gơs jơt nơm ngke mơ poh nơm bồ, ală ngke ndau jơt nơm sơgơn bơtau, mơ di ală bồ gơs dô nơm sơnđan tràl sơrbil di Yàng Tom Trồ.

Yal Tơlik 17:12

Mơ jơt nơm ngke mơ mê neh gŏ hơ̆ la jơt nă cau bơtau òhềt dòp geh gơnoar at bồ, mơya bol khai rơp dòp gơnoar bơtau dê bal mơ phan poan jơng tòm dô jơ lơm.

Yal Tơlik 17:7

Mơya cau gơnrơh đơs mơ añ lah: “Mbe mê ai lơh krơi behơ̆ taih? Añ rơp yal tơlik mê in bơta ndơp ndơr bơh cau ùr mơ bơh phan poan jơng pơdiang khai, la phan poan jơng gơs poh nơm bồ mơ jơt nơm ngke.

Yal Tơlik 17:8

Phan poan jơng mê neh gŏ hơ̆, lài neh gơs, tŭ do ò gơs, mơ gơ rơp guh bơh tòm brong jrô hùt hung mơ lòt tus hơ tiah roh rui. Ală cau ơm hơđang plai ù mơ sơnđan mat bol khai ò gơs cih tòm sră bơta kis bơh dê tŭ crơng gơs trồ tiah, dơ̆ bol khai gŏ phan poan jơng gen bol khai rơp ai lơh krơi, tài bơh lài gơ neh gơs, tŭ do ò gơs, mơ tơnơ̆ rơp tus tai.