Daniel 7:4 - Sră Goh 2018

⁴ Phan poan jơng sơnròp gơlơh be klìu triă, mơ gơs pơnđar be klàng bung. Añ tơnggòr sền jơl tus di tŭ ală pơnđar gơ kong dơrpă jơh, să jan gơkòl yò tơngguh bơh di ù, gơ ơm ntào mơ bàr đah jơng be kòn mơnus, mơ gơ dòp geh nùs nhơm kòn mơnus dê.

Daniel 7:4 Mawu Ofanana

II Samuel 1:23

Sol mơ Jônathan kòñ gơboh mơ đềt mềr; Tòm tŭ gam kis mơ tòm tŭ chơt bol khai ò cah is. Bol khai sơrbac sơrbang rlau mơ ală klàng bung, Bol khai pràn kơldang rlau mơ ală klìu triă!

Sră Jop 25:6

Gen tơ ài lah kòn mơnus mìng be dô nơm kih rhài, Mơ dô nă kòn mơnus, khai kung be dô nơm tu!”

Đơs Crih 9:20

Ơ Yàng Jehôwa, dan lơh bol khai in rngòt rngơt! Lòi ală làng bol git he mìng la kòn mơnus lơm. (Selah)

Jeremi 25:38

Kơnràñ kung be klìu triă neh lik bơh rgồng he dê. Lơgar bol khai neh gơlik gơs tiah lòi srau, tài bơh đào jàñ bơsak, mơ tài bơh bơta gơjrañ dờng Yàng dê.”

Jeremi 4:13

Ne, khai rơp guh kung be dô puk mhwal, Rơndeh tòmlơh khai ò gơkrơi kung be càl wàl bong, Ơseh khai sơrbac sơrbang be klàng bung. Dồn sa rƀah bol hi in, bơh bol hi gơkòl tơnroh!

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 48:40

Yàng Jehôwa đơs be do: “Ne, cau sò tơm par kung be sềm klàng bung, Pò pơnđar tòmdră mơ Môap.

Jeremi 49:19

Gơ kung be klìu triă guh bơh ală brê me Jordan dê guh tus hơ ală ƀlàng ñhơt tơlir sùm. Nisơna Añ rơp lơh Edôm in ntoat dô, mơ Añ rơp bơtào cau mơ Añ neh sac rwah nàng at bồ gơ: Bơh ñcau be Añ taih? Ñcau khin pơrlòng mơ Añ taih? Gơs cau ê belàt lơi rgơi ntào di đap Añ sơl?

Ñìm Rac 4:19

Ală cau ting jat bol hi sơrbac rlau mơ klàng bung hơđang trồ jòng, Ting jat bol hi hơđang ală mơnơm, kơp mòc bol hi tòm ƀlàng ngềt ngơt.

Ejekiel 17:3

Đơs tĕ lah: ‘Jehôwa Yàng Tom Trồ đơs be do: Gơs dô nơm klàng bung dờng gơs ală pơnđar dờng mơ sơnò jòng, să gơ gơs sơnò oă bơnga; gơ par tus di Liban. Gơtă cèng cồng chi nho rề,

Ejekiel 28:2

“Ơ kòn mơnus, đơs tĕ mơ cau at bồ Tirơ lah: Jehôwa Yàng Tom Trồ đơs be do: ‘Tài bơh nùs mê pơnhừ să gen mê neh đơs lah: “Añ la dô nă yàng; Añ nggui hơđang sơbàn ală yàng dê ơm tòm plai nùs dàlềng.” Mơya mê la dô nă kòn mơnus, ò di la dô nă yàng, bulah mê pơndròm dơngoh kơlôi mê mơ dơngoh kơlôi dô nă yàng dê.

Ejekiel 28:9

Mê gam khin đơs lah: “Añ la dô nă yàng,” di đap mat ală cau tơnchơt mê sơl ơ? Bulah mê be lơi mơya mê la dô nă kòn mơnus ò di la yàng, tòm tŭ mê ơm tòm tê ală cau lơh mê in jê sồt.

Daniel 2:38

Kơnràñ neh jào tòm tê bơtau dê jơi kòn mơnus, ală phan poan jơng tòm brê, mơ ală sềm par hơđang trồ. Bulah bol gơ ơm tiah lơi, Kơnràñ kung neh ai bơtau in at bồ jơh, behơ̆ bơtau la bồ mơ màh.

Daniel 4:36

Tòm tŭ hơ̆ mo, dơngoh jak gơrê wơl mơ añ. Añ dòp geh wơl gơnoar at bồ lơgar bal mơ bơta ryŭ ryơm àng gơklŏ cau bơtau dê; ală cau kwang dờng at bồ rê wơl duh broă añ. Añ geh bơtào wơl hơđang sơbàn lơgar, mơ gơnoar pràn añ jê gơbơtơl rlau mơ lài òr.

Daniel 7:12

Ai ală phan poan jơng gam wơl, neh kòl tă jơh gơnoar, mơya bơta kis bol gơ dê geh lòi kis jŏ tòm dô pah tơngai mơ dô tŭ tơngai tai.

Daniel 7:5

Phan poan jơng dơ̆ bàr gơlơh be jơgơu: dô đah să do jơnhoa rlau mơ đah să ne, gơ kap pe nơm ntìng rpàs dê ală sề tòm bơr gơ dê, mơ gơs cau đơs mơ gơ lah: ‘Ntào tĕ, sa loan oă poac să.’

Mathiơ 24:28

Ƀồc chơt tiah lơi, gen ală klàng rơp ơñùm tềng hơ̆.”

Yal Wơl 28:49

Yàng Jehôwa rơp cèng tus dô nơm làng bol bơh di tiah ngài lòt tus tòmdră mơ bol mê, bơh di ală tiah lồi plai ù, kung be dô nơm sềm klàng bung bơh đang par mù tus hơđơm, dô nơm làng bol mơ bol mê ò git wă jơnau đơs bol khai dê,

Yal Tơlik 13:2

Phan poan jơng añ gŏ hơ̆ gơlơh be klìu sơmañ, jơng be jơng jơgơu, bơr be bơr klìu triă. Nagrài ai phan poan jơng hơ̆ in gơnap gơnoar, sơbàn mơ gơnoar dờng gơ dê.