Daniel 7:28 - Sră Goh 2018

²⁸ Behơ̆, do la lồi dut jơnau hơ̆. Añ, Daniel, ală bơta kơlôi sơnơng añ jê lơh añ in dơrcul rngòt ngan. Muh mat añ gơtòmgơl, mơya añ prap kah ală bơta hơ̆ tòm nùs añ.”

Daniel 7:28 Mawu Ofanana

Sơnròp Gơlik Gơs 37:10

Khai yal mpau hơ̆ mè bèp mơ ală bi khai in iat, mơya bèp khai lah pơrhơng mơ lùp: “Bơta mpau mê dê hơ̆ la ñchi taih? Añ, mè mê, mơ ală bi mê rơp tus tơmbic să di đap mê ơ?”

Sơnròp Gơlik Gơs 37:11

Ală bi khai ƀoah gơjrañ di khai, mơya bèp ò hŭi bơta hơ̆.

Daniel 10:16

Gen bơtau gơs rùp să be dô nă cau ƀư di sơndồi añ, mơ añ pò bơr, rơp sơntòm đơs mơ bơtau ơm di đap añ lah: “Ơ Yàng añ jê, añ kơlôi moat jrùng ò git lơh tài bơh bơta gơtơnggŏ do, mơ añ ò gam tai pràn kơldang.

Daniel 10:8

Behơ̆, añ ơm wơl dô nă mơ gŏ bơta gơtơnggŏ dờng hơ̆: bơta pràn kơldang lik bơh añ, muh mat añ gơlik pàl be poac cau chơt, mơ añ ò gam pràn tai.

Daniel 11:27

Bàr bơtau hơ̆ gơs nùs mìng kòñ lơh iơh di gơp, bulah nggui bal di cơnòng nàng bơyai ơm gơtòmsòr bal, mơya đơs blac mơ gơp, mơ bơta hơ̆ ò gơlik cồng nha tài bơh òhềt tus bơta lồi dut tŭ tơngai neh lơh nền.

Daniel 12:13

Mơya mê, lòt tĕ tòm gùng mê dê jơl tus di lồi dut. Mê rơp rlô bòl, mơ tus di lồi dut ală ngai, mê rơp guh mơ dòp geh phan ƀàn mê dê.”

Daniel 12:9

Khai ho lah: “Ơ Daniel, lơh tĕ broă tòm mê dê; tài bơh ală jơnau do neh prap lòi mơ tap ƀang kì rau jơl tus di tŭ tơngai lồi dut.

Daniel 4:16

Tòmgơl tĕ nùs kòn mơnus bơh di khai, mơ ơn nùs phan poan jơng khai in mơ lòi poh tơngai rơp rlau hơđang khai.

Daniel 4:19

Tŭ hơ̆ Daniel sơnđan la Beltesassar, ò rgơi đơs tòm dô êt jŏ, mơ ală bơta kơlôi sơnơng lơh khai in rngòt rngơt. Gen cau bơtau đơs mơ khai lah: “Ơ Beltesassar, bañ lòi bơta mpau mơ jơnau gơtha gơ dê lơh mê in rngòt rngơt.” Beltesassar ho lah: “Ơ bơtau, kơp kòñ bơta mpau do gơtơntus di ală cau sò tơm di bơtau, mơ jơnau gơtha gơ dê gơlik gơs di ngan di ală cau tòmdră mơ bơtau.

Daniel 5:6

Cau bơtau rngòt pàl jơh muh mat, rơm să ngan, bàr nơm gơltang gơtòmcik bal.

Daniel 7:15

“Añ, Daniel, ơm ò suk mơ gơs hwềng nùs rngòt rngơt bơh ală bơta gơtơnggŏ hơ̆ tòm dơngoh añ.

Daniel 8:1

Tòm nam dơ̆ pe rài bơtau Belsassar; añ, Daniel gơs dô bơta gơtơnggŏ tai, tơnơ̆ mơ bơta gơtơnggŏ lài mơ añ neh gơs.

Daniel 8:17

Gabriel tus rềp di tiah añ ntào; tòm tŭ khai neh tus rềp gen añ rngòt ngan mơ gơpừ cup blup mat tòm ù. Khai đơs mơ añ lah: “Ơ kòn mơnus, git wă tĕ; bơh bơta gơtơnggŏ hơ̆ gơ tơrgòm ală bơta gơwèt hơ tŭ tơngai lồi dut.”

Daniel 8:19

Khai đơs mơ añ lah: “Do añ rơp yal mê in git bơta rơp tus tòm ngai tơnơ̆, tòm pah rài bơta gơjrañ dờng dê; tài bơh bơta gơtơnggŏ gơ tơrgòm ală bơta gơwèt hơ tŭ tơngai lơh nền bơta lồi dut dê.

Daniel 8:27

Tŭ hơ̆, añ, Daniel, añ gơpừ chơt yơh mơ kòp jê tòm jŏ ngai. Gen añ guh mơ duh broă cau bơtau. Añ ai lơh krơi ngan bơh bơta gơtơnggŏ hơ̆; mơya ò gơs cau lơi git wă jơnau gơtha gơ dê.

Jơnau Niam Jat Mak 9:15

Jơh mpồl làng bol gŏ Kơnràñ gen tŭ hơ̆ mo bol khai ai lơh crih crài ngan mơ ntoat tus lùp còp să wă rò Kơnràñ.

Luka 2:19

Ai Mari gen prap ală jơnau hơ̆ mơ kơlôi sơnơng tòm nùs.

Luka 2:51

Lồc behơ̆ Kơnràñ mơ bol khai mù rê hơ Nasaret, mơ Kơnràñ dòn duh bol khai. Mè Kơnàñ prap ală jơnau hơ̆ tòm nùs.

Luka 9:44

“Ai tĕ ală jơnau do mut tòm tồr bol mê: Kòn mơnus rơp gơkòl bơtào tòm tê cau sò tơm.”