Daniel 7:23 - Sră Goh 2018

²³ Behơ̆, khai yal tơlik añ in be tơnơ̆ do: ‘Phan poan jơng dơ̆ poan la lơgar dơ̆ poan hơđang ù, gơ krơi is mơ jơh ală lơgar ndai, gơ rơp sa loan jơh ală lơgar tòm ù, jan bơcah mơ jă tơnlề jơh.

Daniel 7:23 Mawu Ofanana

Daniel 2:40

Lồi tơnơ̆, bơtào tơngguh dô nơm lơgar dơ̆ poan pràn kơldang be lòs. Mơ kung be lòs jak pòng bơcah mơ tơnlề ală lơgar ndai.

Daniel 7:22

jơl tus di tŭ Bơtau Yau Òr tus cahrña mơ dong tò ală cau sàng goh Bơtau Hơđang Rlau Jơh dê, hơ̆ la tŭ tơngai bol khai dòp geh lơgar.

Daniel 7:24

Jơt nơm ngke la jơt nă cau bơtau rơp bơtào tơngguh bơh dê lơgar hơ̆: mơ tơnơ̆ mơ bol khai gơs dô nă cau bơtau bơtào tơngguh, krơi is mơ ală bơtau lài, mơ khai rơp tuh tơlup pe bơtau.

Daniel 7:7

Tơnơ̆ tai añ tơnggòr sền tòm bơta gơtơnggŏ tòm trồ mang; do, gơs dô nơm phan poan jơng dơ̆ poan gơs rùp să gơlơh rngòt rngơt ngan, gơ jàñ bơsak, mơ pràn kơldang ò git lơh. Gơ gơs sề dờng mơ lòs, gơ kap crè, jan bơcah, mơ ai jơng jă tơnlề phan lơi gam wơl. Gơ krơi is mơ pe nơm phan poan jơng neh tus lài, mơ gơ gơs jơt nơm ngke.

Luka 2:1

Tŭ hơ̆, bơtau Ôgustơ tơlik dô jơnau gơnoar sồr, sồr jơh ală lơgar dunnia pal cih sơnđan mat tòm sră.