Daniel 7:20 - Sră Goh 2018

²⁰ Añ kung kòñ git jơnau gơtha bơh jơt nơm ngke di bồ gơ, mơ bơh dô nơm ngke ndai gơhòn lik tơnơ̆, mơ di đap ngke hơ̆ pe nơm ngke ne neh gơkòl tă tơlik, ngke hơ̆ gơs ală mat mơ bơr đơs ală jơnau tràl sơrbil, mơ gơ pràn kơldang rlau mơ ală ngke ndai.

Daniel 7:20 Mawu Ofanana

Daniel 7:11

Añ wèt mat sền tài bơh kơno ntas ală jơnau tràl sơrbil mơ ngke dềt hơ̆ neh đơs. Añ tơnggòr sền jơl tus di tŭ phan poan jơng kong tơnchơt, să jan gơ kong tơnroh mơ chu pơrguc jơh tòm ồs.

Daniel 7:19

Gen añ kòñ git jơnau gơtha song ngan bơh phan poan jơng dơ̆ poan la phan poan jơng krơi is mơ jơh ală phan poan jơng ne, jàñ bơsak ngan, sề mơ lòs, nđias mơ kòng, jak crè sa, jan bơcah, mơ jă tơnlề phan lơi gam wơl tòm tiah mpàng jơng gơ dê.

Daniel 7:21

Añ sền gŏ ngke hơ̆ tòmlơh mơ ală cau sàng goh, mơ gơ geh pha,

Daniel 7:23

Behơ̆, khai yal tơlik añ in be tơnơ̆ do: ‘Phan poan jơng dơ̆ poan la lơgar dơ̆ poan hơđang ù, gơ krơi is mơ jơh ală lơgar ndai, gơ rơp sa loan jơh ală lơgar tòm ù, jan bơcah mơ jă tơnlề jơh.

Daniel 7:7

Tơnơ̆ tai añ tơnggòr sền tòm bơta gơtơnggŏ tòm trồ mang; do, gơs dô nơm phan poan jơng dơ̆ poan gơs rùp să gơlơh rngòt rngơt ngan, gơ jàñ bơsak, mơ pràn kơldang ò git lơh. Gơ gơs sề dờng mơ lòs, gơ kap crè, jan bơcah, mơ ai jơng jă tơnlề phan lơi gam wơl. Gơ krơi is mơ pe nơm phan poan jơng neh tus lài, mơ gơ gơs jơt nơm ngke.

Daniel 7:8

Tòm tŭ añ ơm kơlôi tồ git bơh ală ngke hơ̆, nisơna gơs dô nơm ngke dềt gơhòn bơh digùl ală ngke hơ̆, mơ pe nơm tòm ală ngke lài gơkòl tă tơlik di đap ngke dềt hơ̆. Ngke dềt hơ̆ gơs ală gar mat be gar mat kòn mơnus, mơ dô nơm bơr đơs ală jơnau tràl sơrbil.”

Yal Tơlik 12:3

Hơđang trồ kung gơlik gơs dô nơm tềl krơi ndai tai sơl: Ne, dô nơm nagrài dờng, să pơrhê, poh nơm bồ, jơt nơm ngke, ală bồ gơ ndau poh nơm sơgơn bơtau.