Daniel 7:2 - Sră Goh 2018

² Daniel yal lah: “Tòm bơta gơtơnggŏ tòm trồ mang añ tơnggòr sền mơ gŏ gơs poan đah càl hơđang trồ khồm lơh lơnggac dàlềng dờng.

Daniel 7:2 Mawu Ofanana

Esai 17:12

Ơ hơh! Ală làng bol gal lơh nggồr nggàc ngan, gơ ntơr kung be dàlềng nggồr! Ơ hơh! Ală lơgar driau dờng nggồr nggàc ngan, bol khai driau nggà kung be ală dà hòr pràn!

Jeremi 49:36

Añ rơp lơh poan gah càl bơh poan đah mum trồ khồm tus tòmdră mơ Elam, rơp lơh nrah nring bol khai tus kòp đah càl hơ̆, bơh ò gơs lơgar lơi mơ ò gơs cau Elam kong kup cèng tus.

Jeremi 51:42

Dàlềng guh ngŏ bam Babilôn, gơ neh kong bồr mơ ală ryà dà dờng.

Daniel 11:4

Tòm tŭ cau bơtau hơ̆ neh bơtào tơngguh gen lơgar khai dê gơkòl cah is jat poan đah càl hơđang trồ, mơya ò geh lòi pơrdòn kòn sau khai in, kung ò di gơs gơnoar pràn be neh gơs bơh lài; tài bơh lơgar khai dê rơp kòl dus bơh ryas mơ jào phi cau ndai in la cau bơdìh bơh jơi bơtiàn bơtau dê.

Daniel 2:19

Behơ̆, bơta ndơp ndơr geh yal tơlik Daniel in tòm bơta gơtơnggŏ tòm trồ mang, gen Daniel jòng ro Yàng hơđang trồ.

Daniel 7:13

Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Daniel 7:7

Tơnơ̆ tai añ tơnggòr sền tòm bơta gơtơnggŏ tòm trồ mang; do, gơs dô nơm phan poan jơng dơ̆ poan gơs rùp să gơlơh rngòt rngơt ngan, gơ jàñ bơsak, mơ pràn kơldang ò git lơh. Gơ gơs sề dờng mơ lòs, gơ kap crè, jan bơcah, mơ ai jơng jă tơnlề phan lơi gam wơl. Gơ krơi is mơ pe nơm phan poan jơng neh tus lài, mơ gơ gơs jơt nơm ngke.

Daniel 8:2

Tòm bơta gơtơnggŏ, añ gŏ añ ơm tòm Ƀòn Dờng Susa, kơnhwàl lơgar Elam, di gah hiòng Ulai.

Daniel 8:8

Be dam gơlik gơs dờng pràn ngan: mơya tòm tŭ gơ neh tus di tiah lồi bơta pràn gơ dê rau, gen ngke dờng gơ dê pă, lòi tiah poan nơm ngke ndai gơhòn lik wèt hơ poan đah càl hơđang trồ.

Sacari 6:5

Cau gơnrơh ho wơl mơ añ lah: “Hơ̆ la poan nơm hwềng hơđang trồ dê, lik bơh di tiah bol gơ ơm ntào di đap mat Yàng jơh ală trồ tiah dê.

Mathiơ 24:31

Kơnràñ rơp sồr ală cau gơnrơh Kơnràñ dê lòt uh kơlwòk ntas dờng ngan mơ pơjum ală cau geh sac rwah Kơnràñ dê bơh tòm poan đah, bơh jơng trồ do tus hơ jơng trồ ne.”

Yal Tơlik 17:15

Cau gơnrơh đơs tai mơ añ lah: “Ală dà mơ mê neh gŏ, gơs cau ùr dri tơlàr nggui hơđang, hơ̆ la ală làng bol, ală mpồl bơnòr oă, ală lơgar mơ ală jơnau đơs.

Yal Tơlik 7:1

Tơnơ̆ mơ hơ̆ añ gŏ poan nă cau gơnrơh ơm ntào di poan đah plai ù, kup wơl poan nơm càl plai ù dê, tồ ò gơs càl lơi khồm hơđang plai ù, hơđang dàlềng hala hơđang chi che.