Daniel 7:15 - Sră Goh 2018

¹⁵ “Añ, Daniel, ơm ò suk mơ gơs hwềng nùs rngòt rngơt bơh ală bơta gơtơnggŏ hơ̆ tòm dơngoh añ.

Daniel 7:15 Mawu Ofanana

Sơnròp Gơlik Gơs 41:8

Àng drim hìng, nùs tồr khai ò suk ơm gen khai hòi ală cau pơlìn mơ ală cau jak chài tòm lơgar Ejiptơ lòt tus hơ khai. Gen khai yal bơta mpau bol hơ̆ in iat, mơya ò gơs cau lơi rgơi yal tơlik jơnau gơtha ală bơta mpau hơ̆ bơtau in.

Jeremi 17:16

Ai añ, añ ò sang gơnoar broă ê gàr tòm bơta duh broă Kơnràñ. Añ kung ò kơp gơn tơngai bòl glar, Kơnràñ ngan neh git. Jơnau lik bơh bơr añ jê.

Daniel 10:16

Gen bơtau gơs rùp să be dô nă cau ƀư di sơndồi añ, mơ añ pò bơr, rơp sơntòm đơs mơ bơtau ơm di đap añ lah: “Ơ Yàng añ jê, añ kơlôi moat jrùng ò git lơh tài bơh bơta gơtơnggŏ do, mơ añ ò gam tai pràn kơldang.

Daniel 2:1

Tòm nam dơ̆ bàr rài bơtau Nebukatnessar dê, bơtau gŏ bơta mpau gen bồ dơngoh khai dơrcul mơ ò lơhă bic.

Daniel 2:3

Gen bơtau đơs mơ bol khai lah: “Añ neh gŏ dô bơta mpau gơlơh dơrcul nùs añ, añ kòñ git jơnau gơtha bơta mpau hơ̆.”

Daniel 4:19

Tŭ hơ̆ Daniel sơnđan la Beltesassar, ò rgơi đơs tòm dô êt jŏ, mơ ală bơta kơlôi sơnơng lơh khai in rngòt rngơt. Gen cau bơtau đơs mơ khai lah: “Ơ Beltesassar, bañ lòi bơta mpau mơ jơnau gơtha gơ dê lơh mê in rngòt rngơt.” Beltesassar ho lah: “Ơ bơtau, kơp kòñ bơta mpau do gơtơntus di ală cau sò tơm di bơtau, mơ jơnau gơtha gơ dê gơlik gơs di ngan di ală cau tòmdră mơ bơtau.

Daniel 4:5

Añ gŏ dô bơta mpau gơlơh añ in rngòt rngơt. Tòm tŭ añ bic hơđang cơnòng bic, ală bơta kơlôi sơnơng tòm bồ añ bal mơ ală bơta gơtơnggŏ hơ̆ gơlơh añ in dơrcul.

Daniel 7:1

Tòm nam dơ̆ sơnròp rài Belsassar, bơtau lơgar Babilôn dê, Daniel bic mang hơđang cơnòng gen gŏ bơta mpau mơ ală bơta gơtơnggŏ tòm dơngoh khai. Khai cih wơl bơta mpau mơ yal wơl ală bơta gơtơnggŏ hơ̆.

Daniel 7:28

Behơ̆, do la lồi dut jơnau hơ̆. Añ, Daniel, ală bơta kơlôi sơnơng añ jê lơh añ in dơrcul rngòt ngan. Muh mat añ gơtòmgơl, mơya añ prap kah ală bơta hơ̆ tòm nùs añ.”

Daniel 8:2

Tòm bơta gơtơnggŏ, añ gŏ añ ơm tòm Ƀòn Dờng Susa, kơnhwàl lơgar Elam, di gah hiòng Ulai.

Daniel 8:27

Tŭ hơ̆, añ, Daniel, añ gơpừ chơt yơh mơ kòp jê tòm jŏ ngai. Gen añ guh mơ duh broă cau bơtau. Añ ai lơh krơi ngan bơh bơta gơtơnggŏ hơ̆; mơya ò gơs cau lơi git wă jơnau gơtha gơ dê.

Habakuk 3:16

Añ kơno mơ añ rơm să tòm añ, Kơno ntas gen sơndồi añ gơ mprơm; Bơta ồm lề gơmut tòm ntìng añ, mơ jơng añ gơrơm hơđơm añ. Behơ̆ añ rơp kơ̆ nùs kơp gơn ngai bơta rung rài la ngai gơ rơp tus hơđang lơgar brồ lơh bol hi.

II Pier 1:14

bơh añ git lah ò gam jŏ tai añ rơp sang să jan do, be Yàng Jesu Krist bol he dê neh yal añ in git.