Daniel 7:14 - Sră Goh 2018

¹⁴ Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Daniel 7:14 Mawu Ofanana

Đơs Crih 102:22

Tòm tŭ ală làng bol pơjum bal Mơ ală lơgar nàng duh khoai Yàng Jehôwa.

Đơs Crih 103:19

Yàng Jehôwa neh bơtào kơ̆ sơbàn Kơnràñ dê hơđang ală tap trồ, Lơgar Kơnràñ dê at bồ hơđang jơh ală bơta.

Đơs Crih 145:13

Lơgar Yàng la lơgar gam sùm sùm, Gơnoar at bồ Yàng dê gam gơs jơl jơh ală rài. Yàng Jehôwa lơh jat jơh ală jơnau Kơnràñ dê, Mơ gơs bơta nđàc tòm jơh ală broă lơh Kơnràñ dê.

Đơs Crih 146:10

Yàng Jehôwa rơp at bồ sùm sùm; Ơ Siôn, Yàng Tom Trồ mê dê la Bơtau jơl jơh ală rài. Jòng ro Yàng Jehôwa!

Đơs Crih 45:6

Ơ Yàng Tom Trồ, sơbàn Kơnràñ dê gam sùm sùm ò lồi. Gai gơnoar at bồ cau bơtau dê la gai gơnoar song ring.

Đơs Crih 72:11

Dan lòi jơh ală cau bơtau tơmbic să di đap khai, Jơh ală lơgar duh broă khai in.

Đơs Crih 72:17

Dan sơnđan khai dê gam gơs sùm sùm, Dilah mattơngai gam gơs kàr lơi, dan bơta tiơng pơnro khai dê gam kàr hơ̆ sơl! Dan lòi cau kơnòm di khai geh lơngai, Mơ jơh ală lơgar sơnđan khai la cau geh lơngai.

Đơs Crih 8:6

Yàng ai khai in gơnoar at bồ ală phan tê Yàng neh lơh, Ơn jơh ală phan dòn duh hơđơm jơng khai dê.

Esai 16:5

Gen dô nơm sơbàn rơp geh bơt bơtào tòm bơta kòñ gơboh kơ̆ dơn tòm sàl Dabit dê, bơta dòn song rơp nggui hơđang hơ̆, dô nă cau at bồ rơp jòi bơta song ring mơ sơrbac sơrbang lơh bơta di ngan.

Esai 60:12

Bơh làng bol hala lơgar lơi ò duh broă mê gen rơp roh rui; jơh ală làng bol mơ lơgar hơ̆ rơp gơkòl lòi srau gòi.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Daniel 2:35

Gen lòs ù kơnàng, kòng, priă mơ màh bơcah lề lac jơh, gơlik be thul tòm làn kòi tòm kơnhai prang gơs càl khồm pơrdô, gơ par roh thit jơh. Ai pơnai lŭ neh tơm bơcah rùp ràk hơ̆ gen gơlik gơs dô nơm mơnơm dờng bềng lìu làm ù tiah.

Daniel 2:37

Ơ bơtau, bơtau la bơtau ală bơtau dê, bơh Yàng Tom Trồ ơm hơđang trồ neh ai bơtau in lơgar, gơnoar at bồ, gơnoar pràn mơ bơta gơklŏ.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 3:4

Gen cau kwang at bồ bơta pơjum sa ai jơnau dờng đơs lah: “Ơ ală làng bol, ală lơgar, ală jơnau đơs, do la jơnau sồr bol mê in:

Daniel 4:3

Ală tềl is Kơnràñ dê la dờng ngan, Ală bơta krơi Kơnràñ lơh la pràn kơldang ò git nđò! Lơgar Kơnràñ dê la lơgar gam sùm sùm, Gơnoar at bồ Kơnràñ dê gam bơh rài do tus hơ rài ne!”

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Daniel 7:18

Mơya ală cau sàng goh Bơtau Hơđang Rlau Jơh dê rơp dòp geh lơgar mơ sơmbat kơ̆ lơgar hơ̆ jơl tus sùm sùm ò lồi.’

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Apdia 1:21

Ală cau neh geh dong tă rơp guh hơđang mơnơm Siôn nàng at bồ mơnơm Esau dê. Mơ lơgar bơtau rơp gơrê bal mơ Yàng Jehôwa.

Mice 4:7

Añ rơp lơh cau kwet gơlte in gơlik gơs làng bol gam wơl, lơh ală cau neh kong kup cèng gơlik gơs dô nơm lơgar pràn. Yàng Jehôwa rơp at bồ bol khai tòm mơnơm Siôn, bơh tŭ do jơl tus sùm sùm.

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Luka 1:33

Kơnràñ rơp at bồ hìu nhă Jakôp dê jơl sùm sùm, lơgar Kơnràñ ò gơs lồi.”

Luka 10:22

Bèp Añ jào jơh ală bơta Añ in; rlau mơ Bèp ò gơs cau lơi git Kòn la ñcau; rlau mơ Kòn mơ cau lơi Kòn kòñ yal tơlik gen kung ò gơs cau lơi git Bèp la ñcau sơl.”

Jang 12:34

Mpồl làng bol đơs lah: “Bol hi neh kơno bơta boh lam đơs Bơtau Krist gam gơs sùm sùm, behơ̆ ñchi bơh tài ồng đơs lah Kòn Mơnus pal kong yồng hơđang taih? Kòn Mơnus hơ̆ la ñcau taih?”

Jang 3:35

Bèp kòñ gơboh di Kòn mơ neh jào jơh ală bơta tòm tê Kơnràñ.

Hebrơ 12:28

Behơ̆ gen, bơh bol he dòp geh dô nơm lơgar ò tŭ lơi lơnggơr, gen pal kah bơta nđàc, mơ ai nùs ki ngàm duh rngòt nàng duh broă Yàng Tom Trồ dô bă niam nùs Kơnràñ;

I Pier 3:22

la Bơtau neh guh hơ trồ, tŭ do ơm nggui đah ma Yàng Tom Trồ; ală cau gơnrơh, ală gơnoar at bồ, mơ ală gơnoar pràn dòn duh Kơnràñ.

Yal Tơlik 1:6

mơ lơh bol he in gơlik gơs lơgar cau bơtau dê, mơ cau gơnoar ơn phan duh khoai Yàng Tom Trồ in la Bèp Kơnràñ dê. Dan bơta gơklŏ mơ gơnoar pràn gơrê bal mơ Yàng Jesu Krist sùm sùm ò lồi. Amen.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.